وزاره التربيه!!

السلام عليكم

بنات انا خريجه علوم سياسيه وقبلوني بوزاره التربيه قالولي اكون اداريه بالوزاره نفسها رحت شفت المكان وما ادري ماحبيت وانا قاعده بالبيت سنه ونص ملييت وفلست

…. انا الحين بسالكم يصير اسوي اوراقي والبصمه واداوم وكل شي واذا ما ارتحت بالدوام اقدر اكنسل وارد للديوان برقم ولا ما يصير ….

والي بعد تعرف متي بنزل اعلان كونا مجلس الامه الخارجيه اي شي له علاقه بالسياسه ياريت تكتبه….

مشكورين

بليييز بنات اي مكان له علاقه بالسياسيه والله حرام دراستي علي الفااااااااضي… استغفر الله

أي تقدرين تقدمين استقآلتج قبل مآيصيرلج بالدوآم 92 يوم و يرجع ترتيبج اللي قبل

موفقهه

أي تقدرين تقدمين استقآلتج قبل مآيصيرلج بالدوآم 92 يوم و يرجع ترتيبج اللي قبل

موفقهه

غلاوي حبي يعني يرجع الترتيب نفس الرقم الي اول ولا اصير اخر الناس …. ومسكوووره حبي علي الرد الله يوفقج دنيا واخره ياااارب

كونا شهر 10 كانو منزلين اعلان توظيف يعني الاعلان الياي بيكون السنه اليايه

اذا التربيه مو عاجبتج لا تتوظفين فيها شوفيلج وزاره ثانيه تبي موظفين وتبي تخصصج وسوي ندب بعدين نقل للوزاره الثانيه

لانه اذا رفضتي ما تظمنين يرشحونج بسرعه لانه تخصصكم صعب شوي بالتوظيف .. يعني نطرتي سنه ونص وبترفضين بتنطرين اكثر

سوي نفس ماقلتلج اسهل..

او روحي الديوان وقولي حق الموظفه لو رفضت وين المكان الثاني الي بترشحوني عليه لانه احيانا يدرون اذا ما درت يعني بيطول موضوع الترشيح

وعلى شهادتج حرام تشتغلين بالتربيه مو خوش مكان تعبج بيروح على الفاضي :/

حبيبتي شيومه اي والله حده تخصصي حرام عليه التربيه بس شسوي … وصح كونا كانوا منزلين اعلان وعلي حظي مو طالبين سياسه للاسف

قاعده افكر اروح لكونا واشوف متي يبون سياسه لان انا ابي شي له علاقة بالسياسه….

دشي موقع الديوان وشوفي احتياج الوزارات والهيئات لتخصصج اذا لقيتي مكان يبي تخصصج روحيلهم بعدين سووي ندب ونقل من تربيه الى عندهم اهم يشرحونلج الطريقه

للرفع

بآلموقع مراح يبين احتيآچ و اذا محتآره روحي الديوآن اسألي احسن

تعالي وزارة التعليم العالي ادارة البعثات الاجنبية ممتازة جدا

وممكن تسوين ندب وتجربين وشوفي اذا ارتحتي ثبتي نفسج فيها وترا اهما يبون موظفين

بس اذا تبين احتياج حق تخصص العلوم السياسية انسي ماكو

لان عندنا موظفات تخصصهم علوم سياسية بالادارة