|
|
انها تزوجت!!!!!
خواتي
حبيت اقول لكم عن رفيجتي
سالفتها سالفه و رب الكعبه
شي يحط العقل بالكف على قولتهم
بنت طيبه و فرفوشه و مرحه
اكبر بنات العايله
و شمعه البيت
مشهوره بطيبتها و اخلاقها و ذرابتها و جمالها
و فوق هذا متفوقه بدراستها و شغلها
كبرت بالعمر ووصلت للثلاثين و ما تزوجت
بعدين سبحان الله
يالها نصيب ما توقعت ايي لها
شاب من عايله زينه
و تزوجت
مع انها كانت رافضه الزواج عشان تعتني بأبوها المريض و امها الكبيره
بس والدينها شدوا معاها و جبروها تتزوج عشان مصلحتها
اللي حصل
ان البنت تزوجت منيه
و 90 بالميه من الاهل قاطوها مقااااااطعه بشعه جدا
الخالات تغيروا عليها علبونه ليش ما خذت من عيالهم
مع العلم ان محد منهم فكر اصلا يخطبها لانها ملتزمه و هم يحبون الصايعات
و الخالات نفسهم من زمان مو شايفين انها كفو لعيالهم مع انها افضل منهم
و بنات الخالات عادوها عدااااء شرس جدا
الخوال رياييل و ما يدرون شسالفه و اغلبهم شياب مالهم شغل
ما عندها الا اخت وحده ياهل
و اخو واحد صومنديقه لا ينفع و لا يضر
تخيلوا
الكل استغل ان والدينها كبار بالعمر
محد راح معاها لتجهيزها
محد فكر يسوي لها ولو حفله صغيره عشانها ملجت
و طبعا من قرادتها ان اهل الزوج استغلوا الفرصه و قالوا ما نبي حفله و لا عرس
و انتو يا اهل العروس اذا تبون سووا
البنت راحت لبيت زوجها بروحهاااااا
لا اخت
لا خاله
لا بنت خاله
كأنها مقطوعه من شجره !
و الله و الله ما اجذب عليكم !!
حتى اهل ريلها متعجبين
عقب
محد من اهلها فكر و لو مجرد تفكير ان يزورها في بيتها
لا برمضان و لا بعيد و لا اي مناسبه
مع انها مستمره تواصلهم و عادي
وحده من الخالات طبعا مولعه نااااااار
صارت تحرض الام على بنتها
و ان البنت خلاص تزوجت و نستكم و تبرت منكم
و الدليل انها ما عاد تنام عندكم بالبيت اسبوع اسبوعين
و كله مع ريلها
بالله عليكم في وحده متزوجه تقعد اسبوع اسبوعين بعيج عن بيتها بدون سبب!؟؟
خالتها هذي تمادت وايد
صارت تقعد مع باجي المعارف و حششش بالبنت
و سببت بينها و بين امها و ابوها مشاكل لان كلامها يخدع و يخلي الواحد يصدق
باقي الخالات اكتفوا انهم يتفرجون على هالبنت اللي ما شافوا منها قبل الا كل خير
ما في اي تحرك لصالحها
و لا اي تواصل جنها مسويه جريمه !
طبعا ردة فعل امها هي السكوت و سوالف عيب و مايخالف و خالاتج و احترميهم
تقول و الله حسيت كأني منحاشه مع واحد و متزوجه عرفي من ورا اهلي
مو متزوجه على سنه الله و رسوله !!
.زوجها طبعا مثل باقي معظم الرياييل حس ان ما وراها ظهر
و صار يعايرها بأهلها
و امه بعد تقط حجي من بعيد لبعيد
و هو استغل الفرصه و صار حتى ما يعزمهم
هم اصلا ما يفكرون يمرونها ولو بالغلط
يطلعون لكل مكان و يزورون فلان و علان و هالبنت ولا كأنها بنتهم
البنت حملت
و طبعا ولاااا مره احد راح معاها مستشفى غير زوجها و بس
و تعورت و محد يدري عنها !!
و تمرض و تطيح و تطيب و الله كأنها لقيطه !!
انقلااااب مو طبيعي
و حش و تقطيع و تطنز بينهم و بين بعض و تالي يوصلها
لان بينهم وحده لسانها مفلوت و تطلع الكلام
حجيهم من طقة انها ما صدقت تتزوج
و انها ما فيها خير و خذت واحد غريب
و انها نست والدينها عقب الزواج
و البنت و الله و الله انها باااااره جدا
و تخاف الله بالجميع
الحين مشكلتها الاساسيه هي خالتها الحسوده
تبيها تتهاوش مع زوجها بأي طريقه
تبيها تتفرعن ع الريل و تقيم عند اهلها ع الطالعه و النازله
و تقول : عادي انا اسوي جذي قبل لا اتطلق
كنت كاشته بزوجي و مادري و كله عند اهلي
وانتي بعد لازم تصيرين جذي!
امس تهاوشت معاها بالتلفون تقول لها انتي مو شايفه خير
لانج لاصقه بريلج لصق
ميته ع الرياييل
و البنت طبيعيه و مشهوره بالحياء و الاخلاق
و متمسكه في بيتها و زوجها رغم سلبياته
و هالخاله مستلمتها و تروح تحرض امها
تقول لها لازم بين فتره و الثانيه ترجعين تسكنين مع اهلج
و ريلج حده ساعه يشوفج و تالي يطلع
ما خبرنا رياييل لازقين جذي بحريمهم !!
و الحجه : انج قريب بتولدين
الحمد لله و الشكر
اللي مقوي شوكة هالخاله الفاسده ان ام البنت تسمع لها
و تعتبر كلامها درر و صح
و ان الحق معاها باعتبارها الخاله و بحسبة الام
بنات اللي عندها حل لمشكلتها ياليت ما تبخل
و اللي ما عندها خل تدعي للبنت عشان ينرفع الموضوع
و مشكورين
واكبر غلط ان اهل الريل و الريل بعد يدرون عن اي مشكلة او خلاف يصير عند اهل البنت حتى لو فرضنا ان من البدايه علاقتها مع بيت ابوها مو زينه المفروض تبين له ان ما يستغنون عنها و على طول معاها عشان يحس ان في احد
لان ان درا ان مالها سند هني راح يزيد الابداع و من اللي استوعبته انها موصله له انها مقطوعه و الدليل ليش المعاير ؟
واذا على اهلها وااااااااااااااضح وضوح الشمس الغيره و الحره طالعه من عيونهم لو بيدهم يحصلون واحد نفس ريلها حق بناتهم ماردووه و لو فيهم خير مانطروها لين تروح و قالوا راحت حق غريب
خل تحقرهم و مالها شغل فيهم و بيتها الحين اهوة بيت ريلها وين مايكون ريلها اهيا المفروض تكون موجوده
انا ريلي كان قايلي كل ويك اند انام عند اهلي بس ماسويت هالشي لان خلاص الحين وين ما اهوة يكون انا المفروض اكون
والفتره الوحيده اللي ظليت فيها عند اهلي فتره النفاس فقط
فمالها شغل باحذ و لا تخلي احد ياثر عليها و على وضعها مع ريلها
والافضل اذا تحس انها قاعده تتعب تراجع استشاريه تعلمها شلون تقلب الاشياء السلبيه لي شي ايجابي من ناحيتها وماتخيلي هالشي ياثر عليها
باجر وراها ياهل اذا بتظل على وضعها هذا حتى ولدها او بنتها ماراح يكون لها خلقهم من نفسيتها اللي مو حلوة من التعب
فخل تتدارك الموضوع و تخلي كل شي ايجابي حواليها واهم شي اذا على قولتج اذا باره باهلها امها وابوها خلاص مالها شغل بالخالات
باجر لا راحوا الام و الابو الله لا يقوله ان شاء الله محد من الخالات بتشيل مكان امها ولاشي
الله يهديهم لها و يكفيها شرهم و يسخر ريلها حقها و يرزقها الذريه الصالحه اللي تبرها يارب
سالفه اهلها وصلت لريلها من كثر ما خالتها الحسوده تداحرها
زوج البنت من نفس العايله بس شوي من بعيد
يعني كل شي على عينك يا تاجر
و خالاتها مستمتعين بوضعها و يسرهم ان هالشي يوصل لزوجها و اهله
و الا البنت حراااام ظليمتها شينه
ما تنقل لزوجها شي لانها عارفه سالفه ان الزوج يستقوي ع المره اللي ما وراها ظهر
فاهمه هالشي عدل
و الاكثر شي يخليها تحرص ان زوجها نوعه يحب يفرض و يستقوي
لكن حرام ما بيدها حيله
يعني لما الزوج يلاحظ ان عروس تيي معاه البيت بروحها !!
و تروح صالونها بروحها و هو يوصلها و يجيبها !!
و صباحيتها محد اتصل و محد بارك من الخالات و لا بناتهم !!
و تمرض و تصيح و محد سائل الا ابوها الشايب و امها العيوز !!
اكيد واضح ان فيه قطاعه من ناحيتهم
و ثانيا الحش اللي يوصل
و امها اللي مغسوووول دماغها من هالخاله الحاقده و احيانا تزعل من بنتها و تتهمها بالقطاعه و التقصير
لذلك الزوج يلاحظ
الله يعينها
لو هذي خالتي جان دافنتها من زمان
عقب العرس رحت بيتنا حطيت ملابسي بالجنطة و ريلي كان ناطرني بالسياره .. حطينا الجناط بالسياره و رحت شقتي .. ببيتهم .. محد من اهله يا بارك و لا شي هذا اول شي
ورحت بروحي بدون اهلي مع اني وحيدتهم بس كانو موجودين ببيتنا يعني لمن رحت اخذ الجنطة دخلت عليهم سلمت
محد قال ان لازم احد فيهم يروح معاي
و قعدت اسبوع على ما رتبت اموري بعدين عزمت امي و ابوي قلتلهم عازمتكم عندي
وزهبت لهم حلو و عصاير خفايف بس
ياو شافو الشقه خذو فيها فره بالضبط قعدو ساعه و مشو
والحين نفس ماتشوفين بتوقيعي صارلي سنه ونص من تزوجت ترى غير هالمره اللي ببدايه زواجي محد يا مع اني اعزمهم و كل شخص له ظروفه
وحتى بالعيد انزل اسلم على اهله و اروح بيت ابوي ماقلت محد فيهم يا عايد
يعني الوضع عادي
ونفس الشي حق مراجعات الطبيب و المرض ترى محد يدري على طول عن احد مرات ماحب ابلغهم اذا تعبت لان اهمة بمكانهم ليش اضيق خلقهم وانا ماني طالعه بس اقعدهم على اعصابهم و حتى وقت مراجعات الحمال .. ترى يوم ولادتي انا رايحه المستشفى بسيارتي شرايج و ريلي موجود
اذا ابي اشوفها ان اهيا مشكلة اقدر اسويها اكبر مشكلة
بس ترى كل انسان له ظروفه كل انسان له حياته محد قاعد 24 ساعه حق احد
انتي تقولين مراجعاتها ريلها معاها خير و نعمه ربي يتمم عليه لي الاخر جذي
بس باقي الاشياء خل تطوفها عشان تعيش
وترى والله محد خالي
لو بتحجى وبقولج ماراح نخلص و بتحسين ان اهيا اهون بمليون مرة بس لان شي يديد عليها و وضع يديد ماكانت جذي
خل تقرا البقره و تواضب عالاستغفار و ربي بييسر امورها و يهدي سرها يارب و يوخرهم عنها ان شاء الله ومو ضارينها بشي ان شاء الله
اب
اب
الله يعينج و ياجرج
و مشكوووره لاهتمامج
و الله ان البنت متفائله و ضحوكه
بس هالنسره مو تاركتها بحالها
وراها وراها
هي الحين مو عارفه اشلون تجعم هالشيفه اللي غاسله مخ امها
و الام معاها معاها بكل شي تقوله
و تعتبر كلامها صح صح
و تاخذ على خاطرها من البنت و تقول مو راضيه عليج
لان خالتها النسره تبيها تقعد اقاااامه في بيت اهلها ع الفاضي
عشان ريلها يبعد عنها و تبعد عنه
تأثير هالشيفه على الام و زعل الام هو اللي مضايق البنت
ماكو ام تبي خراب بيت بنتها
اهيا كل ما زارت اهلها لو لا سمح الله متزاعله مع ريلها خل تبين انها سعيده لا تبين ان فيها شي
عشان يحسون ان البنت مافيها شي ومرتاحه ليش يعفسونها
كل ما سوو شي يضرها خل تبين العكس انها ماشيه حياتها وان ما ياثرون عليها
مردهم بيملون لمن يشوفون محاولاتهم كلها بائت بالفشل
وحتى ريلها
ان قصر معاها بشي ان عاند ان ما ياب شي محتاجته خل تكسر عينه
بحيث انها ما تنتقد انت مقصر و و و
بالعكس خل تقوله يعطيك العافيه ميخالف اذا هالشي مايبته الحين او ماقدرنا مردنا راح نحطه عقب اذا الله سهل وانت سويت لنا وسويت لنا ( تعدد الاشياء الزينه اللي سواها من قبل )
هني راح يحس ان لا البنت مو نفس اول حتى بالقصور ماطلعت عيوبه
والله اقل القليل بيعدله
وارد و اقولج خل تقرا كل يوم كل يوم كل يوم
وعسى ربي يحصنها عنهم و عن بلاويهم و مشاكلهم يارب
الله من عاداني فعاده و من كادني فكده
اللي حوالينا استغفر الله تحسينهم شيطان رجيم
ربي يسخر لنا رياييلنا و يستر عيوبها عنهم و يستر عيوبهم عنا و يجملنا بعيونهم و يسهل امورنا يارب
الله وياها يا رب يصلح ما بينهم
حبيباتي اللي ما عندها حل للمشكله خل ترفع الموضوع ما عليها امر
وثاني شي ليش اهي وايد حاسبتلهم حساب بالطقاق اللي يطقهم اللي يبيها اييها وترا مو شرط يزورونها اهلها ٢٤ ساعه او اهي لازم كلا في بيت اهلها الناس تلاهي واهي بدت حياة يديده طبيعي تنشغل وتلتهي وخل تكون حازمه وتقول لامها انه ماتعلم خالتها النسره أخبارها وانه محد عليه منها شدراهم يمكن اهي وزوجها كلا يتكافخون مو شرط انها عنده انه حالتهم زينه وحتى لو حالتهم زينه محد له شغل عليهم من نفسهم حياتها خط احمر واذا الام نوعها ماتفهم او وايد تتأثر باختها لاتسولف لهم شي خير شر عن حياتها او خل تستغل أمها بنقطه انها كلا هواش مع ريلها ومو مرتاحة انها تتنسى فيه خل يوصل لهم تطخ عيونهم باين انهم مايحبونها ومايتمنون لها الخير الله يفكها شر من فيه شر وخل تكلم أبوها يحط لهم حد شالمصخره هاذي
البنت عقب الزواج مكانها بيت ريلها هو المسئول عنها والي تقول اطلع ع مزاجي وعلى كيفي واروح وريلي ماله شغل فيني ولا له كلمه علي اخرتهااا طلاااااق والدليل انه خالتها الي تقولها سوي جذي تطلقت نفس ما انتي قلتي
البنت خالتها ماراح ترتاح الا لمن تخليها تطلق بعيدالشر والحل الوحيد انه البنت توقف بويه خالتها وتوقفها عند حدها وتقولها تهدها بحالها وتجابل سجادتها ابركلها من تجميع الذنوب والحش والطنازه وتسوي مشاكل ختقولها حرررام الي تسويه اكبر حرام
وبالنسبه لريلها اذا تسائل عن المشاكل ختقول انه كانوا يبونها حق عيالهم وهي رفضت رفض قطعي لانه ما يصلحون لها ! ختقلب السالفه عليهم مادام اهم بدوا جذي ختصير هي امكر منهم !
وختوثق بنفسها جدام اهل ريلها لازم توصلهم معلومة انه اهم يغارون منها بأي طريقه من خلال رفيجاتها اي شي المهم انه يعرفون سبب الخلاف مو انه ماعندها ظهر او ان البنت مو زينه لا ان سبب الخلاف ترى خالتي كانت تبيني لولدها وانا رفضت وبس من جذي هي تضايقت مني والله يصلح حالهم وبسسس هالكلمتين بتغيير تفكيرهم وبتخليهم يصيرون من صفها ضد الخاله !
وامها اذا تكلمت لازم البنت تقولها انه غلط لو قالت ميخالف خالتج ماعليه بس خالتي ما توقف ضدي ما تسوء سمعتي وخالتي ما تسبني عند الناس خالتي ترفعني وتصير عزوه ونعمه مونقمه
وخل تقرا سورةالبقره وتكثر الاستغفار وتهتم بنفسها وريلها وبيتها وامها وابوها وبسسس ماتهتم لكلام الناس