|
|
صبـ مسآء ـآح الخير للكـل .. مبـآرك عليكم باقي الشهـر ان شاء الله
كنت أتصفـح مواقع أجنبيـه .. تتكلم عن عمليـات التجميل على مستوى العآلم وحبيت أنقل لكم
هالمجموعـه من الصور .. للعظه والعبـره .. بالذات انو سوق عمليات التجميـل
قاعد يمشي بسرعة الضوء .. فالدول العربيـه والكم سنه الأخيـره عمليات التجميـل انتشرت
كثير فالسعوديه وحتى صار لها سوق سوداء .. طبعا الكثير يشوف طلات المشاهير الفاتنه ع
التلفزيون … ودايم تصيب مقتل بالنسبه له … اللي شفايفها صفيره تشوف شفايف اليسا
وتتتحمس … واللي صدرها صغير تشوف طلة هيفا وتتحمس ..الخ الخ
حبيت أنقل لكم هالمجموعه بالذات .. لأنها صور مشاهير هوليوود على وجه الخصوص لأنهم
مايسوونها عند أي احد .. مو مثل الناس العاديين او الممثلات العربيات اللي حدهم بيروت او
فرنسا اقصى حد … معروفين دكاترة التجميل في بيفرلي هيلز على مستوى العالم
ومع كذا ماسلموا من فشل العمليات الي أوقات توصل حد التشويه … أو خط اللارجعه
يلا نشوف مع بعض الصور ..
ببــدأ بأسـوأ عمليــات تجميـل على مستوى العالم بالنسبه لمشاهير طبعاَ .. سواء مشاهير الفن أو مشاهير بسبب هوس عمليات التجميـل
الأمريكي الشهير مايكل جاكسون
طبعاَ أول واحد اللي عملياته أشهر من نار على علم ومافي احد من المشاهير تضرر
من عملياته كثره هو .. قالوا ماينام الا بمهدئات وقالوا ينام في غرفه بيضا يضخ فيها الاكسجين
24 ساعه … وآخر شي قالوه قبل وفاته انه يعاني من مرض
جلدي معدٍ يهدد بأكل لحم جسده واحتمال يكون أُصيب به بعد إجرائه عملية تجميلية لأنفه.
بسبب الجرثومة القوية التي اخترقت جسده بعد العملية والقادرة على احداث اضرار دائمة فيه.
الشخص الثاني هو
dennis avner
أمريكي هندي .. زي مانتوا شايفين … عملياته كلفته مئات الآلاف
أولها شق الشفه وتغيير هيئتها عشان تشابه القطط البريه .. أيضاَ عملية في الأذن مو ظاهره
فالصوره .. كمان حقن سيليكون فالخدود .. وبرد للأسنان وزراعة أنياب .. وايضا تاتو لأغلب
مناطق الجسم .. واشنع عملية هي زراعة عدسات في عيونه .. تكلموا عنها قبل فتره في mbc4
وهي عمليات غير مرخصه .. يسوونها فالبرازيل .. والعمر الافتراضي لها 10 سنوات بعدها
امكانية الاصابه بالعمى ممكنه جدا .. أعوذ بالله قمة البشاعه .. شفت تغيير كثير لخلق الله
بس تغيير زي كذا ماشفت … ربي كرمنا بأحسن تقويم .. وهو ينزل نفسه
للحيوانات …
سالوه إذا متزوج أو عنده صديقه … قال انه مالقى لحد الحين اللي تستوعب شخصيته الحيوانيه ..
معاهم حق
eric ..مسوي سحليه اعتقد او شي زي كذا .. وأشهر عمليه سواها ي زراعة غدد مكان الحواجب وفي الجبهه عشان تعطي look الحيوان اللي متشبه فيه
رجل ايطالي …. مسوي حرمه مسترجله حلوها عاد بمعرفتكم
ع اليميـن القطه .. أتوقع كلكم شفتوها كل يوم والثاني يجيبونها في ان سايدر
واللي ع اليسار .. يقولون انها فالمستقبل بتصير كثرها من كثر ماتشد منطقة العيون وتحقن
الخدود
والصور الاربع اللي فوق صورها على مدى السنوات وكيف غيرت شكلها اكثر من مره
حسبي الله عليها كانت مقبوله مره ومافيها شي مشوه
مهووسة عمليات تجميـل .. كبرت شفايف وصغرت أنف 3446688945344 مره
بس قمر مقارنة بالهوايل اللي فوق
كمان من أشنع العمليـات ,,, ومقبوله مقارنه باللي فوق ^^^^
donatella verace
مشهوره جداَ طبعاَ وريثة فرساتشي .. كانت مقبوله نوعاَ ما .. وقعدت تسوي عمليات تجميل
أنف لحد ماوصل لمرحلة التآكل وماعاد تقدر تتصرف فيه
نفــخ الشفايـف
من المشاهيـر فالخارج اللي نفخوا شفايفهم وطلعت بشعه جدا ومبالغ فيها
angelica bridegs
زي مانتوا شايفين .. طالع طبقات بالطول مره مو حلو
brittany murphy
تشويه بمعنى الكلمه .. التعبئه ماناسبت رسمة شفايفها وطلع المنظر المزري اللي تشوفونه … وكاتبين انو نسبة عروض الأفلام اللي تقدم لها قلت بنسة 50% بسبب مظهرها البشع الجديد
lisa rinna
كانت جداَ جميـله والحين شفايفها كأنها ….. كوكو كوكووووو أطراف الشفايف مابرزت مع النفخ … فـ ورمت الشفايف من الوسط والباقي على حطتة
أول احلا بكثير
شوفوني مغريه ؟! … لوك أقل كلمه تنقال عنه انه رخيــص
sophie monk
كبرت فالسن ألف سنه وتغير لوكها تماماَ
يتبع
تشرشر نعومه وأنوثه ؟!
شوفوا الأطراف كيف
ياخسارة جمالك ونعومتك
شوفوا كيف كانت وكيف صارت … كانت رقيقه مره
الحين الشفه اللي فوق ماعاد لها رسمه واضحه
تبشيـع الأنف !!
ashlee simpson
لأول لحظه … بتحسون الصوره ع اليمين هي اللي جديده .. بس الصحيح هو العكس
من أبشع عمليات الأنف .. اذا تلاحظون صار اعرض ومعروج من فوق
coena
ممثله هنديه معروفه … أقضل أطباء التجميـل .. عطاها هالمظهر اللي يفشل
كل اكوام الميك اب والتصوير الاحترافي ماأخفت بشاعته .. كل عيوب الخياطه والقصقصه
ظاهره
lindsay lohan
مايحتاج أوصف بشاعة مظرهها بس تبشيع الأنف اللي مسويته !!
متمايل وحالته حاله … كانت بكثير أحلا أول !! مدري وش حادهم
tori
لايصدق منظره .. الأنف العجيب !
tonya
نفسي أعرف كيف يكون الأنف رفيع ويعرضونه !!!
تجميل الوجه من شد ونفخ واللزي منو !!
شادين الجهه اليمين بهالإتجاه < وشادين الجهه اليسار بهالإتجاه ^ .. والنتيجه واضحه
كاتبين عنها .. طالعه ارقوزه لاضحاك الناس وبس !
هذا الشكل اللي وصلت له من كثر الشد والنفخ
كثر حقن البوتكس خلاها ماعاد تقدر تبتسم بحرية أبدا وكاتبين انها فقدت جاذبية إبتسامتها العريضه إلى الابد
مايحتاج أعلق ! أفشل حقن خدود مر علي .. بألف حل ياشيماء
شد الجفون والحواجب .. غير تعابير وجهها كثير وماعادت نفس الإنسانه
آخر نفخ خدود سوته مادونا سوالها إلتهابات شديده .. أضطروا يعالجونها بالمضادات الحيويه عشان يروح التقيح اللي حصل في خدودها .. وبعدها عملية تكسير للماده اللي حقونها فيها عن طريق الليزر وهالصوره أثناء المعالجه
…….
ان شالله تستفيدون وتتغير بعض مفاهيمكم عن الجمال .. وتتعظون من اللي صار لهم ومن مناظرهم البشعه ….بالذات انهم مشاهير على مستوى العالم ودكاترتهم هم افضل جراحين تجميل فالعالم .. مو كل العمليات تنجح … ياكثر العمليات اللي فشلت وياكثر العمليات اللي اصحابها ماتوا … في صور اكثر بكثير من اللي حطيت وبكافة مناطق الجسم
بس حبيت اعرض صور العمليات اللي يقبلون عليها البنات اكثر شي … وبكل ثقه بدون مايخافون من عقوبة الآخره اولا … وفوقه تشويه فالدنيا اوقات له حل واوقات ثانيه ماله حل
اشكالهم ويع استغفر الله .. خربو خلقت الله ومستانسين بالجكر؟؟؟
وهذا عقابهم
الحمدالله على نعمة العقل والدين
شكرا عالنصيحه حبيبتي
وصراحة استانست وانا اقراه
بس امبيه ليندسي لوهان وآشلي اصدموني باشكالهم البشعة