|
|
احلى لحظة لكل بنت لما تشوف ولدها بين ايدها خصوصا بعد تعب الحمال 9 اشهر و الولاده بس كله يهون لعيون الكتاكيت 
بس المشكله تبدي بعدين و العالم الوردي الي نتخيله شوي شوي يصير كابوس و السبب الرئيسي هو " النـــــــــــوم و الصياح "
فياريت الموضوع يكون نقاش و نصايح خصوصا من الامهات الي نجحو انهم ينضمون نومت عيالهم و يعلمونا الطرق الصحيحه من طأطأ لي سلام عليكم ! يعني تخيلو ان الوحده توها والده شنو المفروض تسوي علشان تضبط نومت ولدها ؟
انا اعرف امهات ماشاء الله عليهم تطلع من النفاس الولد نومته تمام ! اقولها شلون تقول كنت اعطيه بليل ماي !؟! احس حرام توه صغير و يمكن يوعان ؟؟؟ تقول لا علشان يتعود ان ينام 
مثلا البامبرز تغيرونه بليل وقت النومه ؟؟ هذه بروحها تخليه يفز كل ساعتين +_+
هل في طقوس معينه تنصحون فيها من فتره النفاس ؟؟ مثلا اخر رضعه تكون حليب صناعي علشان تشبعه شوي ؟ او من هو صغير ينام في فراش بروحه حتى لو بجى ؟ في ناس عندهم روتين معين لازم مثلا كل يوم تسبح الياهل في وقت معين و تسويله مساج و علطول هو راح ينام وراها ؟
والله بعض الشغلات سويته حق ولدي وطل ما فادت !! تتوقعون الجينات تلعب دور ×_×
وحتى ابي اسمع ردود الامهات الي عيالهم للحين نومتهم مو زينه اذا سوو شغلات غلط الواحد يتفاداها بالمستقبل .
اذا نايمين بليل ما ابدلهم ولا احركهم وهذا يلعب دور بتعديل النومه
ولازم ان ياهل النفاس يقعد كل ساعتين يرضع واذا قعد لا تكلمينه وتطيرين النومه لا عادي رضعيه ورديه فراشه
وسلامتج
| انه عيالي الحمد الله اطلع من المستشفى تقريبا نومتهم زينه واحاول اذا نايمين بليل ما ابدلهم ولا احركهم وهذا يلعب دور بتعديل النومه ولازم ان ياهل النفاس يقعد كل ساعتين يرضع واذا قعد لا تكلمينه وتطيرين النومه لا عادي رضعيه ورديه فراشه وسلامتج |
مشكوووره على النصيحه بس سؤال يعني ياهل النفاس لما يشرب وراها دايما يوسخ +_+ فبليل ما تغيرين له ؟؟ ما يتضايق ؟
بس اذا نايم خليه ينام بالكثير 4 ساعات و غيري له
بس اذا وصخ لازم تغيرين له على طول على شان ما يلتهب حتى لو نايم
و النومة على حسب الياهل ، بس لا تخلينه ينام وايد المغرب
و التفزز بالليل خو لازم .gif "Eh S(10)")
و لا ترضعينه إلا من صدرك و بس لأنه هو المفيد و راح يشبعه لا تخافين لأن كلما يطول بالرضاعة راح يفرز صدرك دهون تشبعه
سبحان الله
و ياهل النفاس كل 4 او 5 ايام سبحيه
و مو كل ياهل يتقبل يشرب ماي اذا قعد بالليل انتي عطيه حليبك أفيد له و لما يكبر راح تقل رضعاته من نفسه
وفي نقطة ثانية آنا ولدي كان من يبجي بالنفاس وسدحه علي بطنه يرتاااح وينام بس انتبهي حق وضعية راسه وعلى الفكرة النصايح هذي ماخذتها من كتاب الدكتور سبوك وااايد فادني هلكتاب
رضعات الليل كلها صنااعي مو طبيعي…وايد اريح… اصلا الرضعهي الطبيعي تمشسي البطن فتضطرين تغيرن له فيقعد وتطير نومه البيبي.. لكن الصنااعي يمسك البطن ولا يخرج البيبي بسرعه عقب الرضعه
وجذي بترتاااااحين طول اللييل وخلي الطبيعي بالنهاااااار ولي اذااااج بكثره تغييير البامبرز الا ماكو مشكللللللللللللله 
كان بطنة كلة غازااات وكلة يبجى لدرجة ماانام كلش استخدمت لة ماى غريب وانومة على بطنة ويالله تعدلت النومة بعد النفاس
ولدى الثانى ماعذبنى كلللش والثالث نفس الشى
يعنى على حسب الطفل اذا كان يعانى من غازات انسى يسكت لازم تنومينة على بطنة وتعطينة ماى غريب او شراب قاز هذا افضل من ماى الغريب وينسون يهدى بطنة
ودايما دلكى بزيت زيتون دافى اذا احد شايلة اشوى بدفاشة وتعورة عضامة هذا راح يفيدة ان شالله
والله يعين كل ام بفترة الاربعين اهى من صحة ياهل ولامن خياط ولا من كأبة وغيرة هههههههه اجرها على الله
خووش موضوووع
و ثااااااانكيووو ثانكيووو وايد والله قعده استفيد وايد ^-^
انا بنتي الكبيره عسسسسسسسسسسسسسسره من النفاس حتى سرها كويناه من البجي و الحين ماتنام الا آخر وحده في البيت حتى لو قاعده 5 الصبح و كله بتنام في فراشي ( عمرها 6)
و بنتي الثانيه سمحه ماشاء الله عمرها مانامت يمي و لا مكانت تبجي بالانفاس حتى عبالي فيها شي مو طبيعي !! و الحين اذا داخت دشت فراشها بروحها و نامت عمرها 5
وقبل لاينام يعني على الساعه ثمان دهنيه بزين زيتون دافي وسمي عليه ورضعيه وانشاء الله ينام نومه هنيه
بس لازم يقعد عليج بعد اربع او خمس ساعات اذا قعد نصيحه مني غيري له البامبرز ورضعيه بعدهاا
وراح تغمض عويناته فدييييييييييييييييتهم ياناس
وتصبحين انتي وياه على خير
طبعا من طلع من الشيشه وانا اعابل فيهم خصوصا اني بجر
قبل اسبوعين الحمدلله تعدل نومتهم شوي
طبعا طول النهار ما انومهم بسرايرهم
اذا بينامون على الكراسي ملوتهم اهزهم وينامون طبعا وسط الصوت
وبليل على الساعه 11 تبتدي العساره خصوصا انهم مو نايمين بالنهار نومه هنيه لوووووول
وحتى لو كانوا نايمين قبل ال10 اتحرش فيهم والعبهم لين يدوخون عدل عدل
على الساعه 11 ابدلهم وانظفهم عدل ارضعهم عدل لين يشبعون بعدها اعطيهم ماي هيميلايا نفس ماي غريب
بس يدووخ اكثر ويريح بطونهم واحطهم بسرايرهم واطفي الليتات بس اللهم الاباجوره
ومرات اسحبهم قبل النوم طبعا على ما يبجون على طول على الفراش مع الممه وينامون
لين تقريبا الساعه 6 الصبح يدوب يفزون يبون رضعتهم اسوي الحليب واعطيهم بفراشهم يشربون بمكانهم وينامون
ويقومون تقريبا على ال9 او10 مرات
واجيك على الحفاظه اغلب الاحيان ما تحتاج تغيير الحمدلله
نقطه مهمه وااايد
اذا فز بليل يبي حليب لا تسولين معاه تصحصحين ولا تلعبين وياه عطيه حليبه عشان يدوخ ويرد ينام
بفراشه
واايد تأذيت وياه .. بس عقب الاربعييين تنظم بروحه طبعا دخلت له الصناعي لان يشبعه عدل وينوومه..
بالنسبه للسباحه امي كانت تسبحه كل يووم الصبح اذا قعد ودهنه يستانس حده وينام نومه طويله
الاولى طلعت عيوني ولي يومكم هذا نومها عسر مع انها كملت خمس سنين
الثانيه عذبتني لاني عودتها على الهز وماكنت اعطيها مصاصه بس من صار عمرها سنه قطعت عادة الهز والحمدلله الحين تنام بفراشها مع اختها الكبيره
الثالثه فديتها ماعذبتني كلللللللللش عودتها على المصاصه وكنت ارضعها واغيرلها واعطيها مصاصتها ولمن تبجي ارد احط المصاصه بس ماشيلها كلللللللللش حتى ارضعها وهي بفراشها
بس المصيبه هالعتوي اخوهم
عمره شهر ونص وهذا انا سهرانه معاه
طول الليل يحن يحن ويتعصر ويرجع
اعطيه قطارة غاز بمبي بس الظاهر مونافعه معاه
اووووووووف تعبت والله معاه هالعتوي
الحين قاعده معاه بدار بروحنا عشان مايقعد باقي الشله
اعطيه اعشاب بس ماتنفع وياه
شسوي؟؟؟؟ يتعصر ليما يرجع حليبه
من تبجي ادعس المصاصه بحلجها وتكمل نومتها