منو يعرف سعر ابره الظهر او اذا تعور ولا لا

بلييييييييييييز فيدوني
انا اول حمله لي او انا الحين اخر السابع او بس افكر بالطلق او ابي اعرف عن ابره الظهر اذا تعور ولا لأ لان شكلها بصراحه يخوف

او عن سعرها

سعرها 100 او 80 وبصراحه تذبح وتسبب ألام بالظهر والراس مزمنه انصحك ماتاخذينها

انا جربتها
مممممممممم مافدتني وايد لان الجرعه كانت قليله بعدين زادوها
وماتخرع ساعتها ودج يعطونج اي شي بس عشان ماتحسين بالالم
وسعرها حسب المستشفى مابين 50-80دينار حسب المستشفى

سعرها 85 غير سعر الولاده
بس الكل يمدحها

يا جماعه ترى الحذر واجب انا اول حمل لي و مابي اخذها اخاف اصلا تسبب تبول لا ارادي يزول بعد 4 -6 ساعات و تخدر الجزء السفلي من المراءة يعني حتى راس الطفل ممكن يتظرر من التخديير شليي حادنييي ؟؟؟؟ الزم ما علي صحة البيبي والا تهقون حزة الطلق بغير راااي خخخخخخخخخخ

إذا اللي بتولدج طبيبة شاطرة و مجابلتج إخذيها .. ( لان السسترات ما يعرفون يولدون وحدة مخدرة من تحت )

وخلي دكتور شاطر ( طبيب تخدير ) يعطيج اياها .

وبعد الولادة عموما كل امرأة ممكن تنترس مثانتها وهي ما تحس.. فلازم تروح الحمام .

عوار الراس.. اي لأنها عند بعض الناس تسبب هبوط في الضغط.. يعني ممكن

إذا حسيت بألم طلبي زيادة الجرعة .

ابرة الظهر تسرع الولادة ..

والله يسهل علينا يا رب .. انا بعد أول ولادة وانشالله آخذها .

وي والله انا ما افكر اخذها كلش لو بلاش احس اي شي بالظهر خطر وعندي زوجه اخوي خذتها بعدين اتعبت وترقدت بالمستشفى لان لازم واحد شاطر يطقها لج وبعدين اشوف خواتي يقولون لي ترى الكمام لي زودوه لج والله ماتحسين بولا شي والله يسهل عليج وعلينا يارب

زينه والله وماتحسين بعوار ولا شي والحمدالله ما اثرت فيني وان شاء الله هالولاده بعد باخذها
وسعرها اعتقد 80 بس ناسيه مو متأكده

مشكورين خواتي وايد وايد
انا خايفه منها او من الطلق
دكتورتي ناهده العلي
انا سألتها قالتلي
اول شي تعطيني ابره تخدير بالوريد مع ابره بالورك مع كمام
اذا ما فاد قالتلي تعطيني ابره الظهر

بس ما ادري بدار الشفا ابره الظهر زينه ولا لأ ؟؟ او اذا الهادي احسن

او في دكتورة اسمها شاديه كانت بالمواساة كانت قايله حق اختي تاخذها بس اختي ما خذتها او اتقول اهيا شخصيا تاخذها لما تولد
انا خايفه او متردده
او انا عوار الدوره الشهريه يذبحني او ضغطي ينزل او حالي حاله او تكرمون ترجيع فوايد خايفه من الطلق

بدار الشفا بـ 80

و بـ الراشد 70

وانصحكم تاخذونها اعرف وحده خذتها تقول ونااااااااااسه ما حست بشئ

انا خذتها من 3 شهور وقت ولدتى بس كانت قيصرية وجان الضغط عالى معاى وماكنت ابى اخذها بس الطبيب قال ماكو بديل لانهم خافوا على من التخدير الكلى وخصوصا ضغطى عال فاخذتها وبعد جذى ماحسيت بعوار بالعكس كنت احكى مع الطبيب ويسالنى واجاوب عادى وماكو اى عوار واستانست يوم شفت بنتى خرجت منى صج شعوووووووور حلوووووو الله لا يحرم احد منه
وبعد جذى حطوالى قسطرة بول استمرت يومين بس كنت احرك ريولى عادى اعتقد بعد 4 ساعات ماادرى بالضبط لانى طلعت نمت المهم عقب جذى استمر معى صداع لمدة اسبوع والحمد لله راح المهم لو الطبيب اللى يطقها زين لا تحاتين توكلى على الله وخذيها لانى جربت الكمام مايسوى شى لكن الابرة بعدها لا تحسين باى عوار بالعكس تسانسين وقت تشوفى ابنج او بنتج وماكو اى الم

والله حتى انا قاعدة افكر بأبرة الظهر

بس ناس يمدحونها وناس يذمونها

موعدي عند دكتوري الأسبوع الياي بستفسر عنها وبقول لكم ان شاء الله

بأي مستشفى خذتيها واي دكتوره ولدتج حبيبتي ؟؟؟

وبنات عفيه كتبوو عند اي مستشفى واي دكتور ؟؟؟؟

شوفو انا خذيتها بولادتي الاولى وحسيت بعوار وزادو الجرعه وراح
والدكتورة ماشاء الله كانت جدا شاطره واحس اهي ساعدتني وايد لاني من الخرعه ما دزيت
وقمت ابجي واقولها شفطي …
بس ناويه اتركد باذن الله هالمرة واخذها واستحي على ويهي واساعدهم ولا اتدلع
وكله بامر الله عسى الله يهون على وعلى كل حامل ياااااااااارب
خذيتها برويال حياة عند دكتور مادري شسمه بس اللي زادلي الجرعه رئيس القسم عمر الخطيب اظن
والحمدلله ما ياني صداع ورحت الحمام ولا صار تبول لا ارادي ولاشي

يعطيكم العافيه خواتي

انا استفسرت عنها قالولي مالها مضار الحمدالله
بس ماتصلح حق الي فيها وزن زايد لان صوب الظهر ما اتكون الفقرات واضحه فممكن يغلطون فيها

انا الحيـــــــــــــــــــــــــــــــــــن استفساري هل في الم لما يقزون الابره او اهيا تكون مثل درب صح