|
|
السلاام عليكم بنات
عسى ربي يشافي عيالكم وعيال المسلمين ويلهمكم الصبر والأجر على تربيتهم
بنات بكلمكم عن ولدي وتكفون اللي تعرف تجاوبني، والله اني بموت من الخوف اني أوديه الطبيب ويشخصونه ويطلع فيه توحد بس انشالله يكون طبيعي، ولدي عمره سنتين و8 شهور وعندي بنت عمرها سنة و8 شهور بينهم سنة أصغر منه واهي اللي خلتني أحس انه فيه شي لأنهم حيل غير عن بعض بقولكم بعض الأشياء الغريبة اللي خلتني ألاحظ:
1- ما يركز ولما أناديه يحقر واتم انادي وأصرخ يااالله يلتفت علي واهو يمي ويسمع.
2-يتكلم بس مو عدل وطريقته غريبة بالرد عالأسأله يعني أسأله حمودي تبي حليب؟ يقول حمودي تبي حليب يعني قصده اي أبي أما اخته لما أسألها تقول اي ولأ عادي.
3- بسم الله عليه مزعج وعسر حيل حيل حيييل متعبني كلشي سالفة التبديل لووية والتسبح لووية والنومة حفلاات والوجبة عفسة يعاند ويصرخ وما ياكل كله مابي مااابي ولا أسيطر عليه بالطلعة ولا عارفة أتعامل معاه حييل حييل تعبت مع اني حيل مطولة بالي عليه ومدلعته ومجابلته مو مقصرة معاه بوقتي واهتمامي لأني اخاف يغار من اخته والله مسكينه مادري عنها ماخذ كل وقتي بس مادري ليش جذي.
4-يقعد بليل كل يوم يفزعني مخترعة والله ويصرخ ويعاند بليل ويقول ماابي ولا يرضى أشيله ولا يشرب حليب ولا شي بس يصرخ ويبجي ويحن طول الوقت.
5- يكرر الكلام وايد أي شي أقول يقول وراي وساعات اذا بناديني يقول ماما ماما ماماا ورا بعض.
6- بسرعة حييييل يعصب يكون هادي وفجأة يوصل للحد الأقصى على كل شي، عنده حب تملك اذا عنده لعبه ما يرضى اخته أو أي ياهل ياخذها يعصب ويصرخ ويبجي حيييل اذا أحد لمس له شي.
7- الشي الطبيعي انه اجتماعي ويحب اليهال يلعب معاهم ويحب يغني ويحب القصص والمسرحيات وبارني ويندمج بالتلفزيون يعرف الحروف والأرقام ويتكلم، وهالشي مو من صفات مريض التوحد أما الباجي ما أدري.
8- أبلته بالحضانة ملاحظة ان نشاطه زايد وانه حيل عصبي وما يرضى احد يشاركه العابه.
تكفون يااا أمهات اللي عندها مريض توحد وتعتقد ان ولدي فيه نسبة توحد تقول لي.
وولدج ما عليه الا العافيه
كنت أبي أقولج إن أعراضه طبيعية لأن الولد فعلا مختلف عن البنت تماما بشغلات تخص الجينات وعشان جذي تشوفين البنت تلزق بالأم والولد تحسينه مو صوبج .. لكن لما قلتي إنه يكرر الكلام وقفتيني شوي ..
أتمنى إن مايكون فيه إلا كل عافيه لكن أشك والعلم عن الله إن فيه طيف التوحد أو إللي يسمونه الأسبيرغر
لكن أتمنى إن تشخيصي له يكون غلط
وجيكي عالخاص حبيبتي
الله ييسرلج أمورج
بس سالفة انه يكون هادي وفجاه يعصب
وسالفه انه يردد الكلام
هذي اعراض واضحه
لان اخوي لما اقول له تبي عيش؟ يقول لي عيش عيش
جذي
روحي وكشفي على ولدج بهالعمر احسن
وترى التوحد درجات
وان شاء الله يارب مايكون فيه الا العافيه
روحي فحصييه عند مركز علاج النطق والسمع
بس ما اعتقد توحد لأنه يلعب التوحد مايلعب مع احد خير شي
بس الباجي صراحة علامات توحد
او يمكن عنده مشكلة هايبر ولا شي
ولا نقص تركييز
ان المتوحد يلعب مع الاطفال وعنده تواصل بس مو قوي نفس الطفل الطبيعي
قلبي التوحد درجات مختلفه
أنا ولدي معاه سمات التوحد تعتبر أول درجة من درجات التوحد
يحب بارني ويندمج بالتلفزيون يعرف ويقول الحروف والأرقام وكلمات معينه
عادي يا قلبي مو مقياس
الأفضل ..
راجعي فيه مستشفى سالم العلي شوفي اذنه احتمال يكون فيها ماي ورا طبلة الأذن مسبب له هالمشكله اللي أهو فيها
راجعي مركز الطب التطوري خليسوون له اختبار لقدراته
ابتعدي عن الكاكاو والسكريات لانها تخلي الياهل هايبر
والله يطمن قلبج حبيبتي
