منو جربت والا اسمعت بولادة مستشفى الاحمدي

بنات الله ايخليكم منو جربت او سمعت بولادة مستشفى الاحمدي
من ناحيه الكمام
العنايه
ابره الظهر
الدكاتره
ريلي من شهر 9 توظف عندهم يعني ماخذيت ليلحين التامين الصحي بس انعالج بالشركه
والصراحه انه خايفه وايد
مع ان سالت مناك والكل مدحلي دكاترتهم خصوصا ان الحين خفت الولادات عندهم بحكم
ان اغلب المرضى راحوا الخاص

عطوني معلومات عن المستشفى اليوم اول مره اروح اراجع عندهم
وعطوني موعد. الاسبوع الياي بعياده الحوامل

مرت اخوي كانت والده فيه من زمان يعني قبل 6 او 7 سنين يعني اكيد كل شي تغير

وبعدها صارت تولد بالخاص بلاش لان عندهاا تآمين

بس دايم تمدحه بعلاجاته وبكل شي بس للامانه ماعندي فكره فيه بالولاده لاني ما اسالها بهالشغلات

اللـــه يـــهـــــووون عـــــلــيــــج ويـــقـــــومـــــج بــــاالــــســـلامـــــه

اااااااااااااااااااااب

حبووووبه
روحي وانت مغمضمه ٲٍنٍـٍّ☝ـٍْٱ جبت عيالي ال٢ فيه
كمام رووووعه عنايه وكل شي بس عيبهم الوحيد
ان اللي يولدش دكتور الخفاره اذا دكتورش مؤ موجود
وعندش دكتور إيهاب ودكتور عمرو حلوين
انا معي تامين وماراح اجدده مايسوا علينا
وان شا الله ولادتي هالمره بالأحمدي بعدً

انا ولدت فيه 3 مرات والحمدلله
يعتنون فيك وفيه كمام واذا تبين ابرة ظهر تبلغين دكتورتك قبل الولادة عشان يسجلون بملفك والتساهيل من الله

روحي وانتي مطمنه انا ولدت
عندهم خوش عنايه والدكاتره
شاطرين مع أن ولادتي تعسرت
شوي بس الحمدلله اصبرو علي
وولدت طبيعي والسسترات يهبلون
وقبل كل شي استخيري الله يقومج
بالسلامه

انا ولدت عندهم مرتين و ناوية اولد عندهم بعد ، كمامهم اوكي بس مو قوي حيل و في ابرة ظهر انا ما جربتها بس اعرف ثنتين جربوها عندهم و يمدحونها و عنايتهم حلوة و السسترات دايم معاج ما يخلونج و الله يهون عليج

يابعد قلبي والله تسلمون ما ادري ليش خايفه
مع ان امس رحت وشفت الدكاتره كل واحد اروع من الثاني والمعامله اتينن حتى من اللي بالرسبشن
صج زحمه عليهم بس نفسيتهم حلوه

سالتهم عن الولاده قالولي نفس كلامكم
ان في كمام وابره ظهر
بس اللي ايولدج مو اي دكتور تطلبينه لا انتي وحظج
وقالولي ان الغرف ماعليها زحمه بس اكثر الناس تولد عالتامين بره
والغرف الخاصه اذا حالتج تحتاج يعطونج
وقالتلي حتى لو عمومي اصلا الغرف كلها بتكون لج لان مافي زحمه عالولاده

صج كلامهم حلووو وايطمن بس خايفه هم
يمكن لاني جربت الخاص بالولاده وبالتنظيفات وكنت ما احس بولااااشي

اب اب

ادويتهم وايد قوية مثل الصيدليات الخاصه
والتحاليل هم وايد زينين ويطلعونها لج بسرعه ما تطول

انا ما جربت الولادة عندهم بس جربت التنظيفات
يعني زوين بس الشهاده لله عناية ورعاية

بس انا اروح خاص مع اني موظفه بالبترول ولا مره ولدت عندهم
لان ما ابي اي دكتور موجود يولدني
ابي اللي اراجع عندها ومتابعه حالتي تولدني مو اي احد موجود ؟

وثاني شي ابي خصوصيتي وغرفتي ما احب العمومي ازعاج ومافي حمام لج بروحج
وهالشي وايد مهم بالنسبه لي

اااااااااااب

شوفي مستشفى الشركه ماعليهم كلام من العنايه والكمام اهم اول الناس استخدموه للحريم انا امي والده فييه قبل ٢٠ سنه وفي كمام بس اللي مو حلو اذا مافي غرفه بتكونين عمومي ومالج حمام تكرمين خاص والزياره محدده مو كل وقت ايي ريلج يقعد عندج لان جناح حريم ويبونهم ياخذون راحتهم

شوفي مستشفى الشركه ماعليهم كلام من العنايه والكمام اهم اول الناس استخدموه للحريم انا امي والده فييه قبل 20 سنه وفي كمام بس اللي مو حلو اذا مافي غرفه بتكونين عمومي ومالج حمام تكرمين خاص والزياره محدده مو كل وقت ايي ريلج يقعد عندج لان جناح حريم ويبونهم ياخذون راحتهم

اي اهم قالولي الغرف الخاصه يعطونها للي محتاجها الاولويه له
والعمومي مافيه وايد مرضى ممكن تاخذيلج العمومي كله لج ولاهلج
بس انه اللي اموقفني سالفه الحمام الله يكرم السامع اهم شي عندي

الشركة يعتبر مستشفى خاص من ناحية التخصص والاستشارة بس انا كانت تجربتي مش ولابد فيه ولذلك انحشت منه !!!!! لكن ماماتي حياتي تمدحه كل ولاداتنا فيه …