|
|
السلام عليكم مثل ماقريتوا عنوان الموضوع
الله يسلمكم أبي أسماء محلات لكاكاو مواليد حق بنوته عسل
بس عفيا أبي شغل ذرابه
أنطركم خواتي
حبيبتي اكو بالسالمية مجمع بلازا (الابيض)
اكو بالمحلات الي برة محل وحدة تسوي حق مواليد
واستقبالات شغلها حلو بس غالي شوي
وأنطر باجي البنات
وين صاير ريبيل ؟
وفي اب بيت لوذان يمدحونه شفت وحده يايبه منه من زمااااااااااااان كلش والحين مادري عنه
انا خذت منه حق استقبالي سوولي كبت كبير وللحين عندي وكل يراره داخلها مجموعة كاكاو واسم ولدي سوتلي اياه باحرف خشبية ولصقتهم على المرايا الموجوده فوق الكبت بروحه بستين بس يستاهل وزينته بدببه وبعض الملابس اللي مطلعتهم من اليرارات
شغلهم ذرب وحلو بس في شغلات تنباع بالحبه
وشغل فضيات .. والحبة تنباع شي بدينار وبدينارين بس واااااايد حلو
روحي شوفيه
مشكووووووووووووووووووورين
آنا اختى يابتلها صينيتها وزينتها لها وعندها شكر بعد
|
المشاركة الأصلية كتبت بواسطة هدوي
تسلمون حبايبي وماقصرتوا وان شاءالله اليوم باخذ فرة على المحلات وبقولكم شصار معاي ومن وين شريت
مشكووووووووووووووووووورين |
أقول لج على نصيحه …
أكو محل إسمه الزهور الشرقيه في مجمع منيره مقابل مستشفى دار الشفا
يبيع كل إكسسوارات إللى يحطونهم فوق الكاكاو ..
الإكسسوارات تنباع بالجمله .. يعني الكيس فيه 12 حبه ب1.200 فلس
بالمحل هذا تلقين أشكالل عجيبه غريبه … وإذا ماعندج فكره مجرد ماتشوفين
الأغراض إللي هناك تييلج أفكار مو بس وحده …
طبعا هذا المحل يبيع إكسسوارات لجميع المناسبات
مثل المواليد ( نفانيف _ مميات .. فراش .. شرايط على فيونكات .. ) صغار
إشتري الأشكال إللي تعجبج وبعدين روحي أحسن محل كاكاو مثلا ريبل ..
إشتري منه كاكاو بالكيلو … ولصقي إنتي الإكسسوارات بالشمع
عموما إختي العزيزه ..
إذا تحبين أفكار جذي تصفحي في قسم الأشغال اليدويه وتبادل الخبرات المنزليه
بتستفيدين وااااايد
هذا كل ما عندي أتمنى إني أفدتج بمعلوماتي
ساراديور000والله انا أفتقد للحس الجمالي ماعرف أسوي جذي عندي رفيجتي ماشاءالله عليها يدها خفيفة وعندها أفكار ولو بقولها بتسويلي بلاوي بس صراحه مفتشله منها لأني مابي أتعبها لو آنا أسوي جان علوووم خخخخخخخ
المهم بنات رحت اليوم ولضيق الوقت ماقدرت أفر على كل المحلات بس لين اللي قالت عنه أختي مومو فظيييييييييييع عجبتني وحده ب5!! فقلت هذيل باخذهم لمن تسوي استقبالها بعدين
ورحت عديت الشارع يمين ديليس ولين أكو محل اسمه بتيت أبيتيت حليو وخذيت منه 60حبة ب42دينار بس حلو
وهذي كل أخباري