|
السلام عليكم ورحمة الله وبركاته
بنات مشكلتي بالنسبه لي كبيره بس بالنسبه لكم ولاشي
بس ابي منكم النصيحه وشجعوني بلييييييز لاني تعبت من جسمي
المشكله وااااااايد يقولون لي جسمج وايد حلو وشلون تحافظين على رشاقتج
بعد جم شهر صار الكل يسآلني شلون صرتي جذي ؟؟؟؟؟؟؟؟؟؟؟
وايد وايد صرتي متينه والتعليقات حبطتني وايد
اعترف لكم جسمي مو وايد متيييييينه يعني وزني بالسبعين لا بالعكس يعني يبيلي رجيم اربع شهور وجسمي ولا اروع
بس وين الاراده؟؟ كنت بسجل بنادي واخفف بالاكل بس مشكلتي اشتط يومين وباجي الاسبوع مالي خلق اقوم اسوي اي شي واكون متحبطه بالمره حتى للحين ماسجلت بنادي
مليت من نفسي واذا صكت فيني الدنيا حطيت حرتي بالاكل
تخيلوا اختي عندها ثلاث صبيان وبنتين واهي اكبر مني بواايد وجسمها روعه اي احد يشوفنا يم بعض يحسبوني امها
وفوق هذا جدامي عرس اختي الثانيه بعد ومتحطمه ابي احد يشجعني
أين ..؟!
ومتى ..؟!
وكيف ..؟!!
وأعطيج مثال على نفسي وراح اجاوب على الاسئلة ؟؟
* الهدف ، وهو يجيب على السؤال : أين .؟!
الاجابة :أخسر 11 كيلو واطلع من فئة المئة ..
* الإطار الزمني لتحقيق الهدف ، وهو يجيب على السؤال : متى .؟!
الاجابة :قبل رمضان ..
* الوسائل ، ويجيب على التساؤل : كيف .؟!
الاجابة : ريجيم (د. طالب الشمري)
ممارسة الرياضة او على الاقل الحركة !!محاولة اكثار النشاط والابتعاد عن القعدة الزايدة والخمول
ومعرفة بعض الوسائل المعينة .. وتم ذلك عن طريق زيارة عدة روابط ..وان شاء الله اتفيدج مثل ما فادتني..
تفضلي :
https://q8yat.net/showthread.php?t=149211
https://www.google.com.eg/ig/adde?mod…ce=arga&bpig=1
__________________________________________________ __________
ثانيا الارادة والارادة والارادة بدونها والله ماتقدرين اتسوين شي …لازم حبوبة اتقولين حق نفسج stop وبقوة ولاتمالطين بالموضوع استغفر الله الكسل والخمول وهمسات الشيطان اهي اللي اتقعدنــا وما اتخلينــا انحقق اللي نبيه من اهداف وطموحــات ..
قعدي مع نفسج وفكري اتخذي قرار جــــــــــاد اموفقة ان شاء الله
جد جد تحمست وايد من قريت كلامج
وان شاءالله بتم على طول متفائله
ومشكوووووره على الرد ,, فرحني واااايد
تسلمين والله ياقلبي
جد جد تحمست وايد من قريت كلامج وان شاءالله بتم على طول متفائله ومشكوووووره على الرد ,, فرحني واااايد |
العفو حبوبة
وان شاء الله اتسوين كل اهدافج
بالتوفيق
انا حالتي نفس حالتج بالضبط ماكو فرق بيني وبينج .. عن جد لاعت جبدي بس كاااافي والله نفسيتي تعبت .. واللي خلاني اوصل لهدرجة انه الكل يقولي متنانه وجسمج مو مثل اول يعني نفس وضعج حتى ريلي لاحظ متني ياااااربي وهم عندي عرس اختي اخر الشهر
وهم وزني نفس وزنج انا وزني 75 وطولي 165 وابي وزني يصير
((((((((((((( 60 ))))))))))))
طلبي اهو : بلييييز خل نتفق انا وانتي نبلش رجيم من باجر وبكل اسبوع كل وحده تقول حق الثانيه جم نزلت والله والله اذا تمينا جذي انشالله راح نغلب على المتن وننجح بس لازم نكون صريحين وكل وحده تقول حق الثانية شكلت اليوم ؟ وشكثر مشيت وشكثر سوت رياضة ؟؟ ومن هالسوالف
هااا شرايج ؟؟ تحطين ايدج بايدى ؟؟
انا من باجر ببلش رجييييم قاسي والاسبوع الياي راح اصوم بس اخلص من الدروة لانه الصيام مع رجيم ومشي ومساج انشالله اطلع بنتيجة كويسة
هاااا خيتووو شقلتي ؟؟
و حبيت اقولج شغله>>>>>> امشي على طريقه تريحج و لا تضغطين نفسج و راح تحسين نفسج شوي شوي تتحمسين وتزيدين الشغل …………. (عن تجربه)
انا بعد مثلكم بالضبط وزني كان 75 والحين 73.5 سويت ريجيم لمدة اسبوع ونزلت كيلو ونص والحين باديه بالاسبوع الثاني
ياله نتحد ونضعف خواتي ماشاءالله اكبر مني بس اجسامهم حلوه بس اناااا كله يقولون انتي اكبر وحده مع اني
اصغر وحده فيهم
بس تحديت عمري ورحت حق دكتورة تغذيه وباديه معاها ريجيم وانشاءالله استمر
نصيحه تابعوووو مع اخصائي تغذيه احسن عشان تلتزمين غصب بالرجيم واذا تبون نمشي مع بعض انااا حاضره
نتجمع الصبح بالافنيوووز ونمشي
وتاج الغلآ وام روان انا باديه باذن الله الاسبوع الياي مع شوية مشي وان شاءالله ننزل ونحقق الي في بالنا الي تبي حياها
الاسبوع الياي بااااديه بالرجيم