|
|
السلام عليكم
اشلونكم شمسوين
ودي افضفض شوي
الحمدالله مدرستي من احسن ما يمكن ورئيسه القسم وايد زينه وزميلاتي زينين وياي
يمكن المشكلتين اللي صادفوني اهيا سالفه القطيه والافاده
بس اليوم ودي افضفض بخصوص شي ثاني
اللي اهوا زميلاتي طبعا انا الوحيده بالقسم اللي يديده الباجي صار لهم 6 سنين وفوق
وكلهم ماشاء الله متزوجات وعيالهم بالمدارس
وانا طبعا الانسه الوحيده
وطبعا طبعي حياوي ما احب افتر الاقسام الثانيه
وقالو ممنوع بعد ما تتواجد المدرسه بمكتبها
فسوالفهم كبار ومواضيعهم ما تناسبني
ففكرت انتقل لووول مع ان الاداره زينه
بس بعدين قلت لا يمكن على السنه اليديده ايون مدرسات يدد
فايشرايكم شنو تنصحوني فيه
وانا مثلج مو متزوجه وهالسوالف الي يسولفون فيها المتزوجات عاادي بعد ما نقدر نمنعهم بس انا اقوولج بوقت فراغج سوي شغلج جهزي لحصتج اذا ما عندج شي ومخلصه شغلج وتحضيرج شبكي من تلفونج والوقت بيمرر
بس دام الادارة زينه ورئيسة القسم حقانيه وزميلاتج مرتاحه معاهم لا تنتقلين ما تضمنين تروحين مدرسه ترتاحين فيهاا
وعسى الله يرزقج ويرزقني بالازواج الصالحين عالقريب العاجل عشان نتفاعل مع سوالف زميلاتنا
لا تنتقلين …….. اهم شئ ترتاحين للادارة ورئيسة القسم
لانج ما تضمنين تروحين لمدرسة زينه مثل مدرستج ..
وبعدين عادي تقعدين تسمعين لهن … خليهن براحتهن
وحضري وقت فراغج او جيبي لابتوبج واشبكي
ترى والله احسن واريح من تفرين لمكاتب مدرسات ثانيات .. وتحتكين فيهن
ومغير سوالفهن حش وخرابيط ..