معلمات التربية الخاصة نصيحتكم جزاكم الله خير

أنا كتبت موضوعي حق معلمات التربية بس ما عندهم فكرة فيا ريت تفيدوني جزاكم الله خير ويسهل عليكم ان شاء الله كل أموركم …. أنا ياني نقل حق مركز تقويم الطفل وهذا المركز تو مفتوح راح ندرس فيه الطلبة الي يعانون من صعوبات التعلم اهم ما عندهم إعاقة لكن عندهم صعوبات تعلم …. فحبيت أشوف رايكم بما انكم قريبين من هالمجال …. شلون الشغل اهناك هل هو متعب وكم عدد الطلبة في الصف الواحد وكم نصابج في اليوم …. ودوامكم صج ينتهي الساعة ثنتين … عفية بنات والله احترت أقعد في مدرستي ولا أروح والله الي بتساعدني بدعيلها من قلب الله يسهل ان شاء الله كل أمورها لأنها فعلا بتسهل علي

شدعوة يا بنات لا تدخلون وتطلعون عفية فيدوني أنا لازم أنفذ النقل

لو عندي فكرة جان فدتج بس للأسف ماعرف أي شي عن " مركز تقويم الطفل "
بس انا اعتقد دام فيه فئة " صعوبة التعلم " فأكيد راح تبذلين جهد فيه لان هذيل الطلبة
يجمهونهم من المدارس بسبب مستواهم المتدني فعلشان جذي راح تبذلين وياهم جهد
علشان يتعلمون ببطئ

واذا تبين نصيحتي قعدي في مدرستج احسن، على قولتهم اقعد على مينونك لا اييك الأين منه.
على الاقل المدرسة العادية فيه نسبة متفاوتة من الطالبات الجيدين والمتوسطين اما هناك راح تعانين
ان كل الطلبة مستواهم متدني وتعالي شرحي وعيدي مليون مرة.. فليش البهدلة!

انا عندي ولد عمتي يعاني من صعوبة التعلم لكنه ما نقوله وقاعد بمدرسته تخيلي اهو الحين
بصف سادس ومايعرف لا يقرا ولا يكتب وكسلاااان ويبي بس يلعب. يعني باختصار يبيلهم طاقة
واذا شايفة نفسج لج خلق عبالتهم نقلي..