|
|
السلام عليكم
هالمره المشكله فيني
بنات انا ما ادري شنو فيني بالضبط احسها مشكله نفسيه من كنت وانا صغيره احس فيها
ان دايما اخاف افقد شخص عزيز معنه الحمدلله ما سبق لي وفقدت احد
بس دايما احي بهالشعور وهالشعور مخليني اضيع اوقات حلوه بحياتي
كل ما اطلع ويه ريلي او حتى بالبيت نسوي جو رومانسي ابجي جدامه واقوله اخاف افقدك
معني الحمدلله اصلي بس والله مايد قالولي بالصلاة ترتاحين انا صح ارتاح وقت الصلاة بس من اقعد وياه افكر بهالشي
ما ادري ليش
حتى قبل لا اتزوج كنت افكر بهالشي مع امي الله يحفظها ويخليها لي كنت ادش الغرفه ابجي اخاف افقدها
هالشي مسببلي مشكله لان ريلي احس بهاللحظه يضايق لاني عكرت الجو معنه ما يقولي هالشي بس انا احس والله مادري شفيني
منو تحس نفسي وهذا شنو مرض نفسي وله شنو ؟
المشكله لو كان مرض نفسي لان صج ما اقدر اراجع عند دكتوره ريلي ما يحب هالسوالف ومعطي الدكاتره النفسيين اكس
بليز ابي حل 
وقت الي تفكرين جذي حاولي تغيرين تفكيرج باي شي ثاني ياقلبي
وحاسه ان حياتك ليها معنى بوجود ال حوليك
من حبك فيهم تحسى كدا
اول مايجيكى الشعور دا
فكرى فى حاجه تانيه علطوول فى وقتها
هالحاله تجيني بس أختلف معاك اني فقدت عزيزين سواء بالموت أو انشغالهم بأمور الحياة
هالمشكلة عالجتها بنفسي يوم قلت لنفسي كفاية ليمتى أضيع على نفسي أوقاتي الجميلة
كل ماجاتني فكرة سيئة قلت حسبي الله لا إله إلا هو علية توكلت وهو رب العرش العظيم 7 مرات وبعدها أشغل نفسي والحمدالله خفت المشكلة كثيييير
أبدا ما أنص بالدكتور النفسي لمثل حالتك لانها بدخلك بمتاهات , كل اللي تحتاجينه موقف حازم مع نفسك
الله يوفقك 
انا جذي كله اتخيل اني بفقد امي بيوم واقعد ابجي وكله اتخيل ان زوجي يموت بحادث لان سواقته سريعه وحركات شباب واقعد ابجي
انا مثل حالتج الله يعين :/
احيانا ينام وانا اسهر جمبه واجلس ابكي اتخيله يموت واني راح اعيش وحيده
واخطط شنو راح اسوي وابكي لين راسي يعورني
اعوذبالله
ولا كمان دايم احلم انه يموت
انا نفسي اتجاوز هذي المرحله بس مادري كييييف؟؟؟
ابي حل . كله أوسوس وأخاف إني أفقد الي أعزهم وأغليهم
و مرات لما اشوف مشهد عزا بالتلفزيون أتأثر و احط نفسي مكانهم … و أغير القناة
قبل كنت أخاف
بس من صرت أم … قمت أخاف زيادة
الله يخلي لي ولج كل اللي نحبهم يا ربي
الله المستعان
واحيانا اتخيل اني افقد امي او ابوي الله يطول باعمارهم او احد من عيالي
بس سبحان الله من تجيني هالوساوس علي طول اتعوذ من ابليس واشغل نفسي باي شي
اول شي لازم نغير تفكيرنا اذا حسينا بهالاوسواس الى شي ثاني وبعدين نحافظ على الاذكار بالصباح والمساء والاذكار بعد الفرائض مثل قراءة اية الكرسي بعد كل صلاه
اووووووه بناات ياااكثرنا خخخخخ