مسااعدة بخصوص عمليات التنحيف

بسم الله الرحمن الرحيم

بنات شلونكم شخباركم؟؟

بنات انا وحدة ابي اضعف و ما بإذني ماي, وانا مسوية عملية بالون المعدة من سنتين ابدار الشفا وضعفت وشلتها ورديت متنت حيييييل, والحين برد اضعف بأي طريقة… وانا سامعة ان مستشفيات الحكومة قامت اتسوي هالعمليات الحين… لكن بشرط ان المريض يشتري المعدات الخاصة بالعملية بفلووسه, وانا بصرااحة ميته اسوي عملية التحزيم او البالون, و بسويها بالحكوومة… والحين سؤالي: مافي احد منكم يعرف اي مستشفى يسوي هالشي؟؟ او اي دكتور ارووح؟؟ عفية بنات فيدوني عسى الله يفيدكم في دنياكم واخرتكم عفية ضرووووووووووووووووري

جني سمعت ان الاميري يسويها

تاخذين تحويل من المستوصف على المستشفي وهناك يشوفج طبيب الجراحة واذا لقى حالتج تستدي يحط لج رقم على قائمة الانتظار يعني ممكن يطول انتظارج سنة سنتين لان لستت الانتظار طويلة

يسونها في مبارك مثلا على حسب خبرتي د خالد الشرف خورشيد باسل السميط

انا فرحي بعد 6 شهور و ابي اضعف حييييل ودي اسوي عملية بس مو عارفه اروح عند اي دكتور بلييييييييييز ساعدوني

اخذي تحويل من المستوصف لمستشفى زين اللي يم مستشفى الصباح بس اذا عنج واسطه يعطونج موعد قريب

حبوبه الي اعرفه مستشفى مبارك بس مواعيدهم تطول وايد

حبيت اسالج شلون عمليه البالون واشكثر ضعفتي ووين سويتيها وبجم

وشنو الاثار الي تعرضتي لها

دوختج بالاسئله سامحيني

هلا حبايبي مشكوورين عالافادة, عسى الله يفيدكم بدنياكم واخرتكم, بس حبايبي شلون يعني اخذ تحويل من المستوصف؟؟ يصير يحولوني مستشفى على طوووول؟؟؟ وشلون على سالفة المعدات مالوت العملية لازم اشتريهم بعد؟؟ اتمنى تفيدوني اكثر حبايبي واسفة عالازعاج, وكلا في ميزان حسناتكم ان شاء الله

حبايبي الي فيكم تسأل عن عملية البالون… انا مسويتها ابدار الشفا عند الدكتوور خالد عياش اب 870 دينار غير شيلتها لان شيلتها اب 270 دينار … بس ترا اهو ما يضعف واااااااااااايد نفس التحزيم والتحوير, يضعفج اول اسبوعين لان اول اسبوعين راح تضطرين انج ماتاكلين وبس تشربين سوائل وهم فوق هذا اترجعين (الله يكرمكم) ف ابهالفترة مضطرة تضعفين, بس عقب فترة الاسبوعين تضعفين تدريجي و بطيء يعني بالشهر 2 كيلو تقريبا, يعني بإختصار هالعملية بس حق الي ابتضعف 10 الى 20 كيلو, وانا شخصيا سويتها حق عرسي وضعفت 10 كيلو , بس انا بصراحة ما شلتها عقب 6 اشهر انا خليتها ابمعدتي سنة و شوي, وفوق العملية يعطونج رجيم لازم تمشين عليه عشان تضعفين, بس انا طبعا ما قربت صوبه ولا ادري عنه, عشان جذي ما ضعفت واايد, وبالنسبة حق العملية نفسها… يعطونج بنج عام ومدتها ربع ساعة فقط, ولمن تقومين ما تحسين بشي الا ابعوار البلاعيم جنه لمن يصير فيج نشلة وبلاعيمج تعورج وبس, وطبعا من عقب يوم العملية تييج اعراض الغثيان والترجيع …الخ, واذا في اي سؤال ثاني انا بالخدمة

ضيقتي خلقي يعني ماتضعف وايد

عاد انا ابي انزل 20 كيلوو

شلون يعني شنو الحل بالله

الي فهمته ال20 كيلو هم مو بالسالهل انزلهم بعمليه البالون

انزين شلون على مواعيدهم اتطول ولا لاء

هلا حبي!!!! لا عادي انتي تروحين عند الدكتور ياخذ وزنج و طولج, وانتي قوليله انج تبين العملية بأسرع وقت
واهو دكتور حبووب يتساهل
بس انصحج اتسوينها ابمستشفى حكومي احسن وارخص

بنات شدعوة!!!! معقووولة محد يعرف احد سوا وحدة من هالعمليات ابمستشفى حكوومة؟؟؟