مدرسة فجر الصباح

مساء الخير عالجميع

قاعده افكر في هالمدرسة وايد وسالت عنها وايد وسويت بحث

ابي اودي بنتي اولى ابتدائي اهناك
شفت بعض الردود اللي تخوف وبعضها تريح

مميزاتها
قويه بالتدريس
منهج حكومي
نظام
متفوقين يتخرجون منها كل سنه

عيوبها
تكدس بالصفوف
يطقون بالمسطره – مادري اي سنه اللي كاتبه الرد ومادري اذا فيه هالشي والا لا
موقعها زحمه

اخر شي اللي صدمني وحده قالت لي
انهم الراهبات يدرسون عن المسيح والكريسمس

اشرايكم انتوا

والله انا اللى أعرفه عن هالمدرسة انها قوية بالتأسيس .. ليش ما تودين بنتج مدرسة القطوف مدرسة اسلاميه والكل يمدحها ومستواها نفس مدرسة الرؤية
قطوف بحولي والطريج وايد زحمه وانا دوامي بالعارضيه
فصعبه وايد
حتى لو في باصات توها اولى ابتدائي مابي ابهذلها بالطريج
حبيبتي عشق – انا عيالي بمدرسة فجر الصباح اولا كل سنة مدرسة فجر الصباح تاخذ المركز الاول بحفظ القرآن والحديث الشريف وسألي وزارة التربية التعليم الخاص – والراهبات ما يدرسون عن المسيح المدرسة من اروع المدارس من نظام وترتيب وتدريس وعطاء ولا في تفرقة بين الكويتيين والجنسيات الثانية انا عيالي كوتيين عمرنا ما حسينا بالتفرقة والحمدلل وااااااااااااااايد مرتاحين
نقس كلام لولي انا ام متخرجه من قبل ٨ سنين تقريبا من فجر الصباح صج انه زحمه مكانهم وتكدس بالصفوف كان الصف يشيل ٤٠ او ٤١ طالبه وجنج بمعسكر ماكو ترفيه كله دراسه بدراسه بس بالنهايه تطلعين منها وبنسبه حلوه وتفوق وراهبات مالهم شغل بشي غير انهم يديرون المدرسه بس ونفس كلام لووي الاخت اللي قبلي وانا كنت بالمدرسه هذي من الابتداءي ليمن تخرجت
مشكورين حبيباتي ما قصرتوا

بس اشلون على الاختلاط بالابتدائي

حبيبتي ipink شلونك ما ولهتي على فجر الصباح ، المدرسة ما تغيرت بادارتها وبالمبنى والراهبات الى الآن موجودين – حبيبتي عشق بالنسبة لالختلاط بالنين الى الصف الخامس ، البنات عندهم الى الثانوي
لولي وبنك مشكورين حبيباتي

لولي اشلون تدرسين عيالج والا تعتمدين على المدرسه بس
لان اللي اعرفه منهجهم مثل الحكومه

اهلا اختي عشق سامحيني على التأخير – المدرسة منهجها حكومة بس التأسيس قوي قوي وانا لازم اتابع عيالي لان المدرسة وااااايد دقيقة من ناحية الشرح اعتمد على المدرسات وانا بدوري اتابع والمدرسات عندهم طريقة بالشرح علشان الطالب بسرعة يفهم – اتمنى لكم التوفيييييييييييييق
بنات والي يعافيكم بعرف شلونهم بلانجليزي ومن اي صف يدرسونهم انجليزي

9 أفكار عن “مدرسة فجر الصباح”

  1. ولا اي شي من اللي قلتي صح انا بمدرسة فجر الصباح مبندرس عن عن الكريسماس بل العكس احنا بندرس تربية أسلامية ولا مدرسة بتضرب بالمسطرة.المدرسة حلوة كتير .

  2. وانا بعد محتاره بين القطوف وفجر الصباح لان عندي بنتي بتروح ثالث وولدي رابع ومحتااااااره بس خفت لما قلتو يطقون بالمسطره عيالي الحين باكسفورد الباكستانيه وحابه انقلهم مدارس عربيه

  3. ممكن حد يدلني على طريقة التسجيل بنتي بالصف الاول الابتدائي بالمدرسة الباكستانية وحابة اسجلها بالصف الثاني الابتدائي.. قالوا ان موضوع التسجيل صعب وشبه مستحيل ..هل هالكلام صحيح؟؟؟

  4. انا تأسيسي في المدرسة ده و كنت فيها من ٢٥ سنة تقريبا
    الإدارة لم تتغير و الراهبات لم تتغير
    و تعلمت منهم أحلى ما فيا
    التعايش و الاحترام و النظام و التفوق

    ما كان فيه ضرب و لا كان فيه اختلاط زايد و لا حوارات عن الدين
    و لا تفرقة بين الجنسيات

    طبعا الزمن تغير و لكن قول الحق
    كانت احلى ايام

  5. اصحكم تسجلون اولادكم في هي المدرسة انا طالبة فيها و التعامل سيئ جدا جدا يعاملو الاولاد كانهم حشرة و التدريس سيئ و يفرقون بين الطلاب و يعقدوهم نفسيا و الادارة ما الها اي فائدة بس شاطرين يسحبو فلوس من الطلاب و حتى الحمامات اوسخ ما يكون و و و و و لو بدي اكمل ما اخلص و مين ما سالتو يقلكم نفس الحجي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top