***مافيج شي و تأخر الحمل؟! سمعي ها المعلومه***

السلام عليكم بنات و رحمة الله وبركاته

عسى الله يا رب يرزق كل من يطلبه الذريه الصالحه
ذاك اليوم أسولف مع امي على ها الموضوع(تأخر الحمل) الا تفاجأت منها بمعلومه انشالله تنفعكم…

تقول من سنين كانت قرت كشف طبي حق دكتور ان اللي واااايد تاكل بنادول يتأخر و تأخر عليها الحمل لازم توقف عن البندول.!

قلت لها مو معقوله شعلى هذا من ذاك!
قالت عيل سمعي ها السالفه.

لما قرت امي الخبر وقتها واحد مع ابوي بالدوام يعاني سنين من تأخر الحمل و مافيهم عله لكن مو عارفين السبه.
فقالت حق ابوي قوله اذا مرته تاكل بندول خل توقف.
ساله من باجر ابوي مرتك تاكل بندول وايد؟!
قال ايه!
قاله خلها توقف و انشالله خير.

ما مر جم شهر الا و الحرمه حامل و ها الريال لي اليوم كل ماشاف ابوي قاله انت ما أنساااااااااالك الفضل
و الفضل لله. الحين ماشالله مخلفين صبيان و بنات

و سبحان الله كل شي سبه و الأمر من الاول و الآخر بيد الله سبحانه و يجعل الاسباب قدره

جزاج الله كل الخير على هالمعلومة

أنا البندول صراحة مالي غناة عنا لي ياني عوار الراااس الي ما أشوف طريجي منه

بس عسى الله يقدرنا ونقلل منه

جزاج الله كل الخير حبيبتي

انا كلش عاااد ما احب الادويه ولا الحبووب تكرمين تقلب جبدي منهم ومشكوووووره عالموضوع وهم انا سامعه انه البنادووول ياخر الحمل

آنا من الله ما احب آخذ بندول الا نادر واذا حسيت اني خلاص ما اقدر اتحمل العوار كلش بس اتذكر اني لما كنت امسويه تلقيح صناعي اخذت بندول لأن راسي كان بينفجر.

آنا عموما الأدويه ما احبها بس ادوية العلاج للحمل آخذها كلها غصبن عني.

صح انا بعد سامعه انه البندول يأخر الحمل

ياربي شنسوي بأعمارنا

مشكوره حبيبتي ويزاج الله خير

انا وحده ما احب الادويه بالمره بس طبعا الا اذا احتديت كليت

ومشكوره حبووبه عالنصيحه

مشكووووره علي هالمعلومه

العفو و اياكم و حياكم الله وحده وحده دون عد و لا حصر و عسى الله يا رب يبلغكم مناكم و يرزقنا و اياكم ما تمنينا

جزاج الله خير على هالمعلومه الزينه:")

و اياج حبيبتي كويتيه

وي وي وي عاد انا مااعرف الا انام وانا ماكله بندول وقت الدوره ولا اموت من الالم

بس اذا جتنيي هالشهر عساها ماتجي يارب بس ان جت اراح اكل انشالله

مشكوره حبيبتي جزاج الله خير

مشكورة حبيبتي على المعلومة والله وقتنا متسبب على اي شي ، الله يرزقكم الذرية الصالحة " وان شكرتم لأزيدنكم " الحمدلله على كل حال

أمون جربي تاخذين حبوب الدوره و حاولي توقفين البنادول قد ما تقدرين لعلها تكون سبه باذن الله

العفو مريم و حياج الله

تسلمين على المعلومه

مشكورة على المعلومة حبيبتي

الله يرزقنا ويرزق الجميع بالذرية الصالحة