|
خواتي نفسيتي مو صفر تحت صفر بعد
بقولكم سالفتي انا والريجيم
يعني انا وياه جذيه
مريوم × ريجيم
هالعنوان اللي بالاحمر حق اللي مالها خلق تقرا الموضوع يعني زبده الحجي اللي بقوله ^^
يعني ماكو ريجيم ما سويته عالمي محلي
يعني مثل ..
ريجيم atkins جربته ماكو فايده زدت بدال لا انقص
تعاملت مع حسين دشي المده الطويله والاعراض الجانبيه اذبحتني اول شهرين وبعدها الامتحانات امنعتني او مافاد
وحتى انا متصفحه وايد للهقسم وحتى تجارب خواتنا حولت اطبقهم
ماكو فايده يا ثابت ولا يزيد
القهر والمشكله واللي ملوع جبدي واللي باط جبدي
انه انا ملتزمه واراده
بس لما ايي اخر الاسبوع عقب التعب والرياضه والحرمان غير فقر الدم اللي ذابحني وغير الشد العضلي و .. و ..و
الاقي النتيجه كيلو ولا نص كيلو … ولا زااااااااااااااااااااااااااااااااااااااااااايد
زين كيلو نص كيلو نعمه راضين
زايد اشلون بفهم اشلووووووون
والله يا بنات اللتزم وما اكل شي زياده وساعات حتى انقص الاكل اللي في النظام وحتى
من الساعه 7 ما اكل شي
ولم ايست من كل شي سويت ريجيم من عندي عشتو
اللي اهو عصير الصبح ع الريوق من غير ولا شي
سلطه الغدا
وبس اوبعدين اقزرها شرب ماي ولا انام
كلش ماكو فايده هاذا اللي باط جبدي اتعب حيييل وكيلو يروح مني بالاسبوع او انه خلاص فقر دم او اتعب او ادوخ ومااكمل
زين خلو هالقهر
جربت اشياء تساعدني
مثل بدله السونا وسمعت انها ماكو فايده يعني اهي تساعد على التعرق والتخلص من الماي الزايد والكلى راح تتعب فتحتاج ماي والماي اللي نقص منج راح تعوضينا يعني السالفه اهيا اهيا جان اخليها تولي او ما قمت استخدمها
استخدمت جهاز المشي منعني الطبيب منه لانه انا فيني تمزق وشد عضلي !!!
قلت بستخدم احبوب او كريمات تخسيس وااايد قالولي لحبوب طريقة انتحار بطي والكريمات مالها مفعول
بنات والله حدي تعبت من جسمي يعني
طولي 159 ووزني اللحين الله يعلم ما وصل 80
وانا اصغيرا وااايد وجذي دررررررررام والله حرام تعبت قولولي شسوي
احس كلش ماكو حل !
ياريت تساعدوني خواتي
انا سميتج ونفس الحاله !!
الله يعين بس
كم عمرك؟
لانه في عمر المراهقه الوحده ماتنزل يمكن الا كيلو باسبوعين اذا كان رجيم صحي
18 عمري
والله على ايدكم اذا في دكتور يحل لي هالمشكله جان زين
اختي اللي تقول في المنطق ماشيه عدل ورياضه لازم تضعفين
احلف بشنو انه انا كلا ماشيه سيده بالريجيم بس لما ايي اشوف انه الوزن ثابت عقب اتعب
اهني انا خلاص اتحبط !
في وحده اعرفها مثل حالتج كلش ماتنزل او تزيد
وراحت دكتور تغذيه هم استغرب منها وطل منها تحاليل للغده
وفعلا طلع عندها هرمون زايد وعالجة الهرمون بعدها سوت النظام والضعفت الحين اشحلات جسمها
اكيد عندج خلل بالهرمونات
ويمكن اذا تعالجتي تضعفين من غير رجيم
+
ولايهمج ياالغاليه ان شاء الله تضعفين وكل هذا يرووح
طبقي نصيحتي من غير رجيم
راح تضعفين بس طبقي الآتي
1- تشربين شاي اخضر مع زنجبيل بودره بمقدار ملعقة شاي صغيره جدا بعد كل وجبه
2- العشا يكون مبجر وخفيف
3- الاكل اللي متعوده تاكلينه وتحبينه اكلي ( بس بنصف الكميه ) يعني اي وجبه تاكلينها اقسميها ليما النصف واكليها
والباجي عطي اي احد بالبيت
والله رااااااااح تضعفين ومن غير رجيم
بس طبقي هذيل وشوفي
اخوي من غير رجيم ضعف على الشاي الاخضر 10 كيلو بشهر
تحياتي لج واهم شي المشي حبوبه
زياده الهم همين
هم المتن وبعد غدد !
حواء فديت قلبج من باجر والله احاول اطبقه
اي خو عادي تعودت اي ريجيم اشوفه اطبقه والوزن ثابت
والمتن اسمي الثاني (
مشكورين خواتي على المرور
مريوم لا تحاتين سوي تحليل غدد احسن لا تسكتين على نفسج
لان لو عندج غده او هرمونات متخربطه لو تذبحين نفسج بالريجيمات ماراح تضعفين
وحتى لو فيج مثل ما قالت الاخت يعطونج دوا يضبون الهرمونات وتضعفين بسرعه
لحقه على نفسج دام توج صغيره
وانا نفسج وقالت لي طبيبه الرجيم سوي تحليل سويت بس للحين ما طلع ناطرته