للترديد وعلاج فري الراس والعقم،،تعرفونها؟؟

انا مجهضه من 6 أيام بعد ماكنت حامل بشهرين ( وهذا ثاني اجهاض لي في سنه و3 شهور وقبلها عندي ماشالله 4 أولاد مااشتكيت من شي في حمالهم ) والحمدلله على كل حال ،، وصارلي جم يوم أحوس بالمنتدى أبي وحده زينه ترددني ولقيت مواضيع وسألت بنات وماااااااااقصروا معاي

وبالصدفه وانا اتفحص النوته لقيتني كاتبه رقم من فتررره لوحده لقيت اعلانها بوحده من جرايد الإعلانات وهذا الإعلان

( اخصائية وخبيرة متميزه للترديد بالطرق الحديثه والقديمه بالأعشاب المساعده في علاج فري الراس وكذلك العقم وآلام الروماتيزم )

اتصلت وكلمتني واسمها ( ام بدر) وقلت لها حالتي قالت لي انها تجيني باجر تفحصني وتشوف سبب هالإجهاض واللي قبله

قلت لها انا ماسويت تنظيفات بس عطوني حبوب هرمون تساعد الرحم ينظف نفسه وقاعده آخذ لهوم وشاي اعشاب ومهتمه بالدفا وبأكلي وابي انظف رحمي من القطع اللي بقت فأبي ترديد عشان يساعدني ويريح جسمي بعد ،، قالت مالي شغل بهالسوالف اللي تلهمينها ،،انا اذا فحصت رحمج اشوف ،، يمكن فيه شي مسبب هالإجهاضات ،، واشوف اذا تحتاجين ترديد (جلسه ب 20 دينار واذا 3 جلسات ب 50 دينار واذا اكثر بنتحاسب ) وبشوف اذا بعطيج اعشاب من عندي عشان الحمل الياي ماتجهضين واذا وصلتي وقتها للرابع تسوين ربط

وقالتللي انتي مجهضه يعني 3 أسابيع بعد الاجهاض وتمارسين حياتج عادي !!!!!!! صج ؟؟؟؟

وتقوللي انا خبيره أردد وأعالج وحتى توليد بالبيوت أولد

وخذت عنواني وارقامي على اساس باجر تجيني