لكل معلمة جديده وموعارفه كم

مرحبااااااا يامعلمات
ابسالكم عن النصاب المعلمه الجديده يعني كم صف تستلم تدريسهم بليييييييييز محتاجين نتناقش بهالموضوع لان عن جد غفلنا عنه حييييل ماندري عن كم صف تدرس المعلمه لان اخاف يستغلونا رئيسات القسم بحكم اننا جدد وماندري عن هوا دارنا بلييييز ساعدونا وخلونا نعرف شنو اللي علينا بالعدل وننقذ انفسنا من اول مره وماينضحك علينا
وشكرا. واتمنى اشوف تفاعل من الكل و ردود تريح

اول شيء الله يوفجج

ثاني شيء النصاب يختلف

كل ماده غير و كل مرحله غير

و على حسب عدد المدرسات و الصفوف

و مو كل رئيسات الاقسام مو زينين و يستغلون الجدد

مثل ما قالت الاخت سددن

النصاب يختلف على حسب التخصص والمرحلة

بالنسبه للانجليزى نصاب المعلمه 18 حصه فى المتوسط والثانوى اما الابتدائي 15 حصه

بعدين مادرى ليش كله حااطين على رئيسات الاقسام

مشكورين حبايبي على الرد انا معلمة لغه عربيه متوسط اللي عنده خلفيه تقولي كم حصه لها بالاسبوع؟؟ وباليوم كم حصه؟؟ وسووووري انا ماوضحت هالشغله انا مااعم على كل رئيسات الاقسام بالعكس اكيد فيهم الخير والبركه وفيهم اللي عكس واتمنى يكون الكل فيهم الخيييير يارب
وانا اتكلم من خلال افرارتي بالمتنتدى وشكاوي بعض المعلمات منهم يعني مومن عندي والله يوفق كل رئيسه مخلصه بعملهاومجتهده وحقانيه ويخليهم قدوة حسنه ومثال اعلى يحتذي به

على حســب النقص بالمدرسه إذا إنتي تعيين جديد طبعاً نصآبج أعلى ,,

على حسب حبيبتي

اللغة العربيه فى المرحلة المتوسطة نصابهم 18حصه بالاسبوع

يومين 3 حصص و3 ايام 4 حصص

بس اذا كان القسم راهى وفى زياده ممكن يعطونج فصلين يعنى 12 حصه بالاسبوع

بس اذا كنتى تعيين جديد شي اكييد رااح تاخذين نصاب كامل ويريحون اللى عندهم خبرة

على حسب حاجة العمل و التعيين الجديد يشيل أكثر ،، تهئي نفسيا

مشكورين حبايبي على الردود
يالله الحمدلله على كل حال ومافي شي يبي راحه الحياه بكبرها فيها تعب والله يوفقنا ويرزقنا ويعيننا ويعطينا الاخلاص والجد والاجتهاد بالعمل

يختلف حبيبتي النصاب حسب الماده و حسب المرحله
و بعدين دايما المعلمه الجديده تشيل النصاب الاعلى و الاقدم تكون اخف نصاب

وياكم من حزب التعيين الجديد بس أنا اسلاميه ابتدائي

مثل ما قالوا البنات
هذا اللي دايما اسمعه
اول شي
يختلف حسب الماده و حسب المرحله
ثاني شي يختلف حسب عدد المعلمات بالقسم بناءاً على عدد صفوف المدرسه
اذا كنتو مدرسات وايد بالقسم بيكون خفيف عالكل
اما اذا كنتوا شوية بالقسم بتاخذون اكثر
و هم بعد المعلمة اليديده يكدشونها اكثر ويريحون القدم .
و اذا بالمدرسه ميداني بيريحون الكل ويقطون كل شي على الميداني

اذكر يوم كنت بالميداني كان بالقسم 8 ابلات و رئيسه قسمهم
يينا لهم 3 طالبات ميداني
رئيسه القسم كان عندها صفين ، عطتنا ياهم ، صارت ولا صف كلش
و احنا كلنا الـ 3 طالبات كل وحده فينا مسكت 10 صفوف يعني 10 حصص ، وكل يوم حصتين ( انا علوم اسرة ومستهلك )
والابلات يصفقون بالقسم هههههههههه ، صارت كل وحده منهم حصه باليوم ، ومرات مايكون عندها ولا شي باليوم الواحد
يازين رئيسه قسم جذي ظالمة
وانا معاج يوم تقولين انه رئيسه القسم تستغل
صح كل شي زين ولا مو زين بـ القسم يكون من تحت راسها
ونادر تلقين وحده سنعه
المرة لي ترأست شي تين وتقعد وتنسى العدل :/