|
|
لاتقولولي اولداي بالخاص افضل وخياط وووووو…. كللللله حجي فااااااضي..
صدقوووووني يا بنات التساهيل من الله..حفظي أوراد الولاده( سورة الفاتحة سبع مرات وآية الكرسي وسور الإخلاص والفلق والناس كل منها ثلاث مرات وسورة الزلزلة ومريم
– قول "بسم الله (3 مرات)..أعوذ بعزة الله وقدرته من شر ما أجد وأحاذر (7 مرات )ًعلى موطن الألم "
– (ياحي يا قيوم برحمتك استغيث) ثلاثا
– (حسبي الله لا اله إلا هو عليه توكلت وهو رب العرش العظيم) الايه سبع مرات
– والخمس آيات الأولى من سوره البقره وأواخرها من (آمن الرسول…)
أدعية لتسهيل الولادة .. قراءة الآتي في ماء ويرش منه بطن الحامل وتشرب منه :
( يا خالق النفس من النفس يا مخلص النفس من النفس يا مخرج النفس من النفس خلصني)
– لاا له إلا الله الحليم الكريم سبحان الله رب العرش العظيم والحمد لله رب العالمين
– (كأنهم يوم يرونها لم يلبثوا إلا عشية أو ضحاها ) و(كأنهم يوم يرون ما يوعدون لم يلبثوا إلا ساعة من نهار بلاغ فهل يهلك إلا القوم الفاسقون)
– ( إذا السماء انشقت وأذنت لربها وحقت و إذا الأرض مدت ألقت مافيها وتخلت )
وعن تجربه الصباح الصباح ثم الصباح انا اولد طبيعي وخياطهم لا يعلا علييييه وواسطتي الرحمن..
ببنتي الاولى عناية مووووووو صج ما يخلونج مع اني طولت نزل علي ماي الفجر وما ولد الا الساعه 1الظهر بس كانوا صبوريييين
وببنتي الثانيه سبحان الله كان ماكو طلق رحت العصر والا مفتوحه اربعه قالي دخول قلت لا مابي ما صارت الساعه ثمان وربع والا ينبط الهادي عندي واللللللللللله يا بنات على ما وصلت المستشفى ترا ما مداهم حت يركبون علي الأجهزه بس عالسريع ركبوا الدرب والله والله والله دشيت الساعه8:30 انا 8:45 واااااااااالده والحلو فيهم يحطون البيبي على صدرج
وهالمره كنت مقرره اولد بالخاص بس امي الله يحفظها ما رضت قالت لي الخاص لي توهقوا حذفوج عالحكومه استخرت وانشالله اولد بالصباح بس انا اننننننننصحج لا تروحين اول ما تحسين بالطلق لالالالالالالا صبري واحتسبي الأجر ولا يقصون عليج بأبرة الظهر بالعكس أساس الأمومه الاحساس بالطلق والا شنو الفرق بينج وبين الرجل؟؟؟؟
الله يسهل علينا ااااااااامين ويهون الطلق ويحسن الخلق
انا بالفروانيه حيل ارتحت هناك
وان شاء الله الحين بعد الفروانيه
بس احنا نروح للخاص عشان العنايه والاهتمام !!!!
انا مرتين اجرب الحكومه لانه تجيني طلووق بالسابع واقعد عندهم يومين عشان يوقفون الطلق .. ومره ولدت عندهم بالسادس لانه مامداني اروح للسلام .. والله جربت الموت الا شعره اهمال البيبي يطلع واصارخ اناديهم تعالو الحاهل طلع تطالع المصريه بطرف عينها وتخليني وتروح ..
تدرين انا ولدت نفسي بنفسي يوم .. بس اخر شي البيبي طلع طالع من المقعده اخرتها حسوو على اعمارهم عقب عشر دقايق بغيت اموت فيها رجول البيبي طالعه وراسه داخل لي الحين .. جو اربع دكاتره وتلوه من عقبها جاني نزول بالرحم وبلاوي زرقا 
الحمد لله على حال ..
اللي عنده واسطه يعيش بنعيم بالحكومه اللي ماعنده ياكل ترااااااااب هناك ..
العنايه والخدمه فايف استار للهنديات والمصريات ولا الكويتيه تبجي عشان يعطونها ابره مسكن .. ولا الهنديه شوف عيني تمسح على راسها السستر ما تروح عنها دقيقه ..
خلي اللي بالقلب بالقلب فتحتي الجروح علي ..
يارب ياحي ياقيوم لا تحدني عليهم يااااااااااااااااااااااااربي
ولا الصباح اشكثر اعرفهم يولدون هناك يمدحون الولاده …
بس الخياط بالولادة الطبيعية
لما يكون عند دكتورتج اللي تثقين فيها غير
الحكومي مايهتمون بالخياط
نهائيا
وخاصة لو تكررت الولادات
قط فلوسك بالشمس واقعد بالظلال
وهذا مايمنع من استشارة دكاترة الحكومي اذا مو مقتنعة بالخاص
ياساتر زين ماكفخوني مايبوني افتح حلجي
يمكن انتي تحربتج زينه وياهم اما انا لاااا
الله لايحدنا عليهم ولا على الخاص
السهاله من الله وبس
( وإذا الأرض مدت وألقت ماقيها ….)
بس حنا نروح للخاص نبي عنايتهم بالطفل
واهم شيء الخياط ؟؟ شلون خياط الصباح
توقعون بنات مستشفيات الحكومه فيها تجميلي
وانا ما عندي واسطه واسطتي رب العالمين
وبالنسبة للبيبي صدقيني اخذيها مني ماكو على عناية الصباح رئيسة الأطفال أمريكية بروفوسيرا بنتي الأولى تعبت أول ما يبتها والله لو بالخاص جان ذبحوها بس والللله بعد الله اهتمام المستشفى.. ويبقى الموضوع راي شخصي وتجارب
بس عسى الله يسهل عالكل
ماشاء الله
يمكن ربي سخرهم لج بولادتج بس الشائع ان خياطهم خوارة
وانا معاج التساهيل من الله
يمكن يمكن ارضى بالصباح
لكن بغيره لالالالا …الله لا يكتب لي ادش الفروانيه
رحت مره لرفيجتي والده هناك…تقول وانا اولد كسرت خاطر نفسي حسيت ان السسترات
ماايرحمون ومحد يرد عليها… غير المكان مأرف والاجنحه كلها وافدات وماكو نظافه
الله يخلي الخاص