لازم نسوي تجمع خاص لتعليم الخياطة

السلام عليكم شلونكم كويتيات
حبايبي لازم نسوي تجمع خاص شامل جميع الخطوات عن الخياطة من المستلزمات لي الغرز وانواع المكاين والخام والابر
انا احب الخياطة وبشتريلي مكينة بتعلم عليها
شرايكم سمعت ان البرذر احلى شي
وسعرها مناسب شي و40 بس وين المحلات السنعه اللي تنصح الزبون
يلا شاركوني

هلا ام دلال
انا شايفه مكاين خياطه ماركة بروذر في لولو هايبر ماركت

وانا بعد ودي اتعلم خياطه واللي اتعرف خل اتفيدنا ودي آخذ دورة بالصيف استفيد من العطلة بسنا نوم

عندي ماكينه ونفسي اتعلم خياطه ياليت والله

وانا عندي ماكينة وودي اتعلم
خدامتي تخيط وبخليها تعلمني خووووش معزبه

هههههههههههه
بنت العمده ……اي والله خليها تعلمج
شوفو بالنسبه لمكاين برذر انا ما اعرفها عدل
وكنت بشتري منها
بس البايع نصحني وقال لي انها مالها وكيل بالكويت
والافضل سنجر وكيلها بالكويت ..بالبلوكات .بلوك 5
وهذا يعني
اذا خربت
تعطلت
انكسر منها شي
راح تلاقين قطع غيار لها
عشان جذي شريت سنجر عاديه مافيها غرز
ب 40 دينار
اما ال
لولو هايبر ماركت قبل 5 او 6 شهور رحت لهم عشان اشوف البرذر لقيتهم فوق الخمسين او اكثر بعد
حبيت افيدكم باللي اعرفه
ويالله وين اللي بتعلمنا الخياطه
:
:
:
وياليت نلاقي وحده تعلمنا الخياطه اللي بدوووون بترون
لان البترون يدوخ الراس ويضيق الخلق ويخليييج تكرهين الخياطه
وانا حطيت موضوع قبل فتره عن بعض اساسيات الخياطه
لحظه بس
اغوووووووووووووص بملفي واطلعه لكم

ــــــــــــــــــــــــــــــــــــــــــــــــ
يو الغواويييص
https://www.q8yat.net/showthread.php?t=546135
لتعم الفائده

يعطيكم العافية على الردود السنعه
انا يوم الجمعه رحت لولو هايبر وشفت المكاين عجييييييييييييييبة وسعرهم مناسب على 49 وفي ب50 وانتي صاعده بس شنو فيها عالاقل 12 نوع غرزه وفيها تقريبا 7اشكال لتطريز وعلكمبيوتر بس عيبها مالها وكيل سالت البايع قال ان اهم يستوردونها من دبي قلت واذا خربت شلون قالي عادي اي مكانينكي يصلحها وقطع الغيار متوفرة بس ما يدري وين
عاد بشوف متى افضى واروح البلوكات واقارن بالاسعار

جان زين
انا عندي مكينه بس ماعرف استخدمها كل شوي ينقطع الخيط لول

وااااوو .. ايه والله يبي لنا نسوي تجمع ونشجع بعض.. ان شاء الله بشتري لي سنجر عادية

مو لازم تطريز اهم شي اعرف اخيط

ساحة الخياطين …..انا احب احب الخياطة ….وودي اتوسع اكثر بالخياطة عندي ماكينة الخياط سنجر ومستااانسة فيها

لا وبعد اخيط ح روحي دراريع والبسها حق بيت ابوي واكشخ فيهاااا

اي والله ودي أتعلم الخياطة يا ريت اذا في دورة أو وحدة تعلمنا نفيد عمرنا

يبيله نتعلم الخياطة

على الاقل للشغلات البسيطة

ويعطيج العافية على هالاقتراح

اي صوب لولو هايبر

موضوع حده حلووو تسلم ايدج حبيبتي 00 انا كنت اخيط بس لما انشغلت بالتصميم وتمو القصاصات اهم يقصون وايد نسيت امور عن القص والخياط 00 بس التصميم وتركيب المنيكان هذا شغلي الي مستحيل انسى عشان وايد احبه 00 اعتقد الحين لو قعدة على المكينه كم يوم بتذكر 00 اول كنت اخيط من غير باترون ياكرررررررهي للباترون مع انه يضبط الشغل بالملي بس ياخذ وقت وعباله 00جدتي قالت لي خلي ايدج ميزانج بالاكل وقياسج بالخياط 00 الله يرحمج يديده 00
حلو انا معاكم بالحمله 00 لولو حي الله الغواصين ههههههههه