|
|
السلام عليكم يابنات
الله يخليكم كل وحده سوت عملية منظار للرحم
تقول لنا تجربتها بالعمليه
يعني وين سوتها ؟؟ (اي مستشفى) (واي دكتوره)
وجم كلفتها ؟؟
ونامت بالمستشفى ولا لأ ؟؟
ولاي سبب سوتها ؟؟
وشنو الاعراض الي حست فيها بعد العمليه ؟؟
وشنو الادويه الي خذتها بعد العمليه من مضاد حيوي ومسكنات ؟؟
وحصل حمل بعد العمليه والا ما حصل؟؟
اتمنى الرد على كل الاسئه على شان الكل يستفيد
ومشكورين على ردودكم مقدما
انا لي الحين ما سويتها بس ان شاء الله بسويها الشهر الياي
انا ولله الحمد كل تحاليلي وفحوصاتي والتبويض عندي طبيعي
بس ما صار حمل
سويت الاشعه بالصبغه وقالت لي الدكتوره ان الانابيب طبيعيه
والحين الدكتوره شاكه ان في التصاقات بالرحم
وبتسويلي عملة منظار
وان شاء الله بسويها بمستشفى دار الشفا
عند دكتوره معصومه
شرايكم فيها
وقالت لي العمليه تكلف 600 دينار
انا قلت احط هالموضوع على شان نستفيد من تجارب بعض
و ان شاء الله اقول لكم اخر الاخبار بعد العمليه
هل هي للرحم او الانابيب ماقالتلي الدكتوره
وانا سويتها لان كل فحوصاتي طبيعية الحمد الله وحتى ريلي ومع هذا ماحصل حمل …ولمن سوتها لقت عندي انبوب مسكر بس عالخفيف وفتحتلي اياه بأشعة الصبغة….وليلحين انطر الفرج من رب العالمين ولاصار حمل بعدها ولاشي…
الله كريم
وردودكم
بس وين مشاركات وتجارب باجي البنات
يالله همتكم خلونا نستفيد
ونامت بالمستشفى ولا لأ ؟؟
ولاي سبب سوتها ؟؟
وشنو الاعراض الي حست فيها بعد العمليه ؟؟
وشنو الادويه الي خذتها بعد العمليه من مضاد حيوي ومسكنات ؟؟
وحصل حمل بعد العمليه والا ما حصل؟؟
خلوا الكل يستفيد
واحب اظيف سؤال
شلون كانت الدوره قبل المنظار
وشلون صارت بعد المنظار
وما سويتها وتوني مسوية اشعه الصبغة ولله الحمد طلعت الانابيب مفتوحة بس مكتوب شيء عن اوعيه بطانه الرحم والدكتورة ما شافت التقرير ليلحين وخايفة تقول بأشوف رحمج بالمنظار وخايفة ما ابي اسويه
عموما انا كنت مسوية تنظيفات وبطانه الرحم عندي ضعيفة وما راضية تصر زينة بس اخر شهر صات زينة ودورتي كانت خفيفة واللون غامج
الحين دورتي من شهرين زينة من ناحية الكمية طبيعية وتطول لي اليوم السادس مثل قبل بس اول شي ينزل احمر اول يوم ومن ثاني لي الاخير ينزل غامج حيل وهذا الشيء تقول الدكتورة اذا كان لون الدم مو طبيعي يعني غامج وشوية ينذر بوجود التصاقات
بس ملاحظة هامة قالتها الدكتورة ان في ناس تحمل وعندها التصاقات وهالشيء اللي مخليني ما ابي اسويها
وعلى تجاربكم
والله يكتب لكم الحمل الصالح والذريه الصالحه يارب العالمين
انا سويتها قبل خمس شهور كان عندي انسداد في كلا الانبوبين
ولكن قدر الله وماشاء فعل
ماقدرت تفتح الانابيب الحمد لله على كل حال
طبعا التخدير كامل بس بعد ما تقومين من البنج تجلسين ساعتين وبعدها تطلعين
وبالنسبة للالم تحسين اول ثلاثة ايام بالم في مكان المنظار انا كان المنظار مدخلينة من فتحتين وحدة بنص البطن والثانية تحت البطن وتختفي الفتحة بعد شهر تكون تلاشة تماما