|
السلام عليكم شلونكم بنات أنا قريت موضوع قبل جم يوم بالمنتدى عن الزنجبيل يقولون يحرق الدهون ؟؟؟
صج؟؟
وبعد يقولون ان عجينة الزنجبيل تنحط على البطن مع خلطة معينة وبعدين تحطين فوقها جياس وكورسيه ؟؟
يقولون ان تذيب الهون؟
صج ومالها اي اثر ؟؟ يعني ما تضر الجسم خصوصا للفتيات ؟؟
بس هاذا استفساري ؟؟
ومشكورين
اختكم ***كلي شموخ***
مايحرق الدهون
حرق الدهون يكون عن طريق شرب شاي الزنجبيل
والافضل شربه عالريج الصبح
صج بيحوشج حارج من صباح الله خير
بس مفعوله زين اذا استمريتي عليه
انا عرفت هالمعلومات من دكتور حطوا معاه مقابله ببرنامج بالتلفزيون
وطبعا حفظت كل شغله قالها تساعد على اذابة الدهون وتنزيل الوزن
الهيل
الليمون
الماسترد
الفلفل
زيت جوز الهند (قفشه أو ثنتين باليوم)
قرفه (الي اهي الدارسين)
شاي أخضر
زنجبيل
هيل مخلوط بموز (هذا قال ان بالهند يستخدمونه وايد لأن الموز يشبع فياكلون منه مره باليوم وماياكلون شي غيره ومايحسون باليوع)
خلصت اللسته
بس انا عندي استفسار ؟؟
انا مو متينة وجسمي متناسق ومافيني زوايد الحمدلله بس في مشكلة اعاني منها ؟؟؟ انا عندي معدة ومكرشة شوي وبخصري في زوايد شوي هال اذا حطيت طريقة الزنجبيل ؟؟ راح تنفع معاي
يعني انتي بتلاحظين ان الجزء اللي استخدمتي عليه الزنجبيل شد شوي بما ان نسبة الدهون فيه خفت
لأن مثل ماقلتلج انه يذوب الدهون السطحيه بس
شرب الزنجبيل اهو اللي يحرق الدهون بس بالجسم بشكل عام
بالنسبه لمنطقة البطن والكرش
اذا تبينها تروح اول شي سويه ابتعدي عن النشويات
مو لازم رجيم
بس النشويات اهي اللي تأثر على هالمنطقه
انا ساعات انسى نفسي واكثر فطاير وبيتزات وباستات
عقبها اتحسف والسبه يصير عندي بطن
عقبها اظل فترة بدون هالسوالف لين يرد بطني طبيعي
مشكلتي اموت عالفطاير والبيتزا والباستا
يعني هم ارد اخربط بعدين
جني شطيت شوي وقمت اقول مشكلتي انا؟؟
خخخخخخخخخ
نرجع لموضوعج
خففي نشويات وحاولي تسوين تمارين معده وكرش وبس
لازنجبيل ولا اي كريم او ماده موضعيه تدهنين فيها المنطقه بتخلي بطنج او كرشج يخف بشكل ملحوظ
ومالج الا الطريقه اللي قلتلج عنها
عليج بتمارين أهي ألي تبين وتنفعج أكثر بما أنج بنيه
ومشكورة
بس أنا عموما ً أشرب شاي زنجبيل دايم ؛ وأشهدنه يحرق نص الأكل ألي أكله ..!
أطيب التحيات
شاي الزنجبيل ينباع بالجمعيات تلقينه صوب الليبتون وغيره
بس مايكون مركز مثل اللي تسوينه بروحج بالبيت
اللي بالبيت حتى طعمه احلى
الي باكياس الشاي طعمه جنه فيه غبره خخخخ
عزيزتي انا سمعت من كثير انه جاب معاهم
نتيجه بس اللي متأكده منه ان ( الكرفس )
اذا حطيتيه مع السلطه يحرق الدهون وهذا
من تجربتي الخاصه كنت دايم اكل سلطه
مكونه من خيار وخس وطماط وكرفس
وامشي ونزلت وايد عليه
لان عزكم الله الكرفس يحرق الدهون
بالجسم ويخرجها اكرمكم الله عن
طريق البول
اتمنى اني اكون افدتج حبيبتي
تــحــيــاتــــي
أم عبدالرحمن