|
|
شلونكم بنات حبيت اقولكم عن قصة ولادتي بامريكا كانت الحمدالله سهلة وحلوه بنفس الوقت يوم 30 /12 الظهر قعدت من النوم حسيت بعوار اسئلتني امي شفيج اقولها غازات رد علي العوار مره ثانيه امي تقولي هذا طلق وانا مصره غازات قعدنا ريلي من النوم وشربت دارسين ورحت المستشفى ولا انا مفتوحه 7 سانتي ومو حاسه قعدت ابجي من العوار خصوصا الفحص يوم سئلتهم شنو راح تعطوني كمام قالولي انهم ما يستخدمون كمام ماعندهم الا ابرة ظهر وابرة يغزونها بالدرب وهذي ماتسوي شي المهم ماقدرت اتحمل العوار قلت خلاص ابرة ظهر وريلي وامي مو راضين قالولي الحين تي الدكتورة المتخصصه بهالشي مع المترجمه ويفهمونج اذا تبينها قوليلهم بعدين توكلت على الله واخذتها كنت خايفه اتحرك وهم يغزونها ما بقت ايه ما قريتها عشر دقايق وانا مو حاسه بريولي ولا بالعوار تخيلو اشوف الكفر يتحرك اقول حق امي الغرفه مسكونه اخر شي دريت اني قاعده احرك الكفر بس مو حاسه انطرو لما انفتحت 9 سانتي بعدين يه الدكتور وبط الماي ويوم طلع قعد ريلي يصورني ماكو شغل بعدين يت السستر اطالع راس الياهل نزل خلت ريلي يمسك ريلي والمترجمه تمسك ريلي الثانيه وامي مغمضه عينها تبجي ماتبي تشوفني وانا اولد ريلي يقولهم مابي اشوف بس اول ماطلع الراس الحبيب ماقدر شاف كل شي ويوم ولدت بالسلامه اهم قاعدين يخيطون وبو الشباب قاعد يصورني وانا ابجي مو من العوار قاعده ابجي من الوناسه يوم حطو بنتي على صدري ماقدرت اتحمل لا وهم يخيطون اقول حق ريلي دز مسجات اطلعت ابرة الظهر خوش شي بس صار فيني نزيف مابفى دس في ثلج ماجطوه داخل بس الحمدالله على كل شي 
ومبروك ما جاج
تتربى بعزكوم يارب
بس هاا وين العشا؟
يالله تتربى بعزكم انشالله الف مبروك 
اهم شي سلامتج وسلامة البيبي
تتربى بعزكم يارب
والحمد لله عالسلامة
و الف الف مبروك و تتربى انشالله الكتكوته يارب
وتتربى بعزكم انشاءالله
وفعلا انا ولادتي كلها ابر ظهر وماتحسن باي شئ
لانه انا ممنوع علي الكمام
ومبروووووك العروسه وتتربي بعزكم ان شاء الله