|
|
اولا تمنيباتي لكم بوافر الصحه
ثانيا بنات انا عروس جديده صارلي 5 شهور
وحسيت انه عندي افرازات لونها صفرا مخضره شوي فقلت اروح دكتوره وفحصتني قالت قرحه بالرحم
وكان الفحص عذاب عذاب يعور لدرجه نزل مني دم ورحمي يعورني لمدة يومين وقالت لي لازم تسوين كي للقرحه شرايكم بنات
شسوي ؟؟؟؟
هل اسويها
او مااسويها
وترا للحين ربي مارزقني بالحمل… دعائكم لي
انا سويت كوي القرحة لاتخافي كلها 4 دقايق وينتهي الموضوع
وتعطيك بعدها تحاميل تطهر المنطقة
وعلى فكرة القرحة تأخر الحمل لازم تعالجينها
تمنياتي لك بدوام الصحة والعافية
سويها وترتاحين وتفتكين لا افرازات ولا بطيخ
ومن بعدها اهتمي بهذه المنطقه وغسليها عدل مدل عشان لا ترجع القرحه وسلااامتج
حاولي تعالجينها بالمضادات والتحاميل والغسولات الطبيه والطبيعيه مثل المره ..
وملابس الداخليه خليها قطن وبدلي باستمرار ولاتسخدمين الكيرفري لانها ماتساعد عالتهويه..وغسلي الملابس بما حار وديتول الاستعال الشخصي
انا صبرت عليها 6 شهور كل ماقالتلي الدكتورة كوي قالت لها لا ابي اصبر شوي…. والحمدالله راحت من سنه ونص ..
الدكتوره اهي الل تحدد وغالبا اللتي تروح منهم بالمضادات وجذي ترجع دام انها قرحه لازم تنكوي
نصيحه من اخت
عساكم الجنه البارده على نصايحكم
بس تعتقدون هي اللي مأخره الحمل عندي
وغير جذية … تأخر الحمل اذا ما انكوت وترى في حريم اذا ما انكوت عندههم يحملون عليهاا ويطيح البيبي الحمل عشان ما ثبت جيس الحمل من الالتهابت
اكويهاااا وان شاءالله تحملين بسرعه يارب
المشكله انه فيني عوار للحين من الفحص الداخلي
وحدي خايفه اسوي الكي
والدكتوره عطتني تحاميل وكريم
وعلى ماتطلع نتيجة الفحص الداخلي تعطيني مضادات والله المستعان
انا بصراحه خفت.. وقلت لها خلاص انشالله ارجع لج بعدين
قالت: ترى القرحه تكبر مو تتم على حجمها مثل ما انتي متوعه
واحسن لج اكويها وهي صغيره بحجم الخمسين فلس
جان اكويها.. والله ماحسيت بالم وعذاب
لا لا سهالات حطت لي مسكن وكوتها وب 10 دقايق خلصت. وطلعت مرتاحه
وتراها تمنع الحمل… انتبهي