|
|
مرحبا بنات انا نزلت مشكلتي اللي هي نزل علي خيوط سلك حمرا رحت اليوم لدكتورتي فحصتني فحص داخلي قالتلي ان الرحم مسكر بس راس البيبي حيل نازل حيل ما اتوقع بتكلمين التاسع اول يوم ثاني يوم بالكثير راح تولدين عاد الحين نزل علي افرازات مع دم اسود جنه اول يوم دوره خفت قلت لامي يوم اخاف انفتح الرحم جان تقولي لا هذا من الفحص والبيبي يتحرك حيل ،،توقعون صج من الفحص ولا انفتح الرحم ترى بنات باقيلي على شهري عشر ايام بس وادخل وانتم علموني شنو السداده واذا اللي نزل معاي هي السداده ولا لا ترى ولا مره شفت السداده اصلا ما اعرفه اللي نزل معاي افرازات بيضا مخلوطه بدم اسود وطمنوني بنات هذا شنو اللي يطمنكم حدي خايفه
وينكم بنات
وتنزلين موضوع خبر ولادتج ونباركلج
لاتحاتين
وخوط دم هذا معناها ان السداده طاحت
وفعلا من الفحص مرات ينزل عليج جذي فما اتوقع هذي السداده
واذا وزن البيبي زين تره عادي تولدين قبل شهرج خاصه اذا يالج الطلق من نفسج
والبيبي وزنه اكثر من كيلوين مافي مشكله تولدين وتاخذينه معاج
الله يتمم عليج ان شاء الله
بس الدكتوره قالت لي ان هذي السداده تختلف من وحده لي ثانيه بعضهم يقعدون اسبوع
بس انتي راس البيبي نازل يعني اذا حسيتي باي الم روحي المستشفى على طول
والله يسهل عليج
وانصحج تروحين الطبيب افضل لج و للبيبي
و ان شاء الله قريب تبشريناا بالولاده
بس الي فيج دلاله علا الولاده الرحم قاعد يهي نفسه مراح تطولين لا تحاتين اهم شي تدشين التاسع لو يووم اهم شي وزن البيبي 2وفوق ماعليه شر
انتي نطري شوي وريحي ورفعي ريولج واذا زادت الافرازات
ويالج طلق راجعي دكتورتج والله يهون عليج
شلون حضرتها تفحصج من تحت وماكنتي داشة شهرج غلطانه هذي
اكيد وسعتج من تحت
وطبعا دام نزل دم حيل معناته انفتح معاج الرحم شوي
انا اقول روحي راجعي احسن وسوي تخطيط للبيبي