عندي اسئلة عن العمره ومكه

تكفون ردو علي
اول مره اروح مكه

راح تطير الطيارة الساعه4
راح اوصل مطار جده يوم الاحد الساعه 7 المغرب
فهل لازم اول ما اوصل مكه اسوي العمره بليل؟

انا راح احرم بالبيت

او ممكن انام وارتاح ويوم الاثنين اعتمر بعد صلاة الفجر
لان يقولون من مطار جده الى فنادق مكه تاخذ مو اقل من ساعتين

وسؤال مهم هل داخل الحرم مغلق بليل او عادي مفتوح بليل ممكن اروح واعتمر الساعه وحده بليل

هل تكفيني 1500 ريال حق يومين تكسي روحه ورده للمطار وغدا وعشى خفيف حق شخصين
ماراح اروح السوق لان مصروفي على قدي حيييل والسفريات الله يسامحهم خذو مني مبلغ وقدرة بس الحمد الله دام راح اشوف مكه

عندي مشكله ثانيه حجزت على طيارة إسمها ناس ويقولون هذي مافيها اكل ولا شراب لازم تشترين منهم مثل البقاله
محرمي كبير بالسن ووايد يتحلطم
هل يصير ادخل وياي بالطيارة اكل من بره علشانه

ردو على الاقل اب اب
علشان اكتب عن رحلتي بطيارة ناس وبفندق دار التوحيد

شدعوه؟ حتى لو اب
كلمه لو جبر خاطر

اب اب

حبيبتي عمره مقبوله مقدما ان شاء الله ترى سهالات لا تحاتيين طيران ناس تقدريين تا خذيين اكل معاج في الطياره بعديين من قالج من جده للفندق ساعتيين من ساعه الاربع او ساعه وتقدريين تريحيين بالفندق بعديين اتسويين العمره انا دايما اسوي جذي ويكون خفيف والحرم على طول مفتوح بالنسبه للمبلغ الي عندج ان شاء الله يكفي لان المواصلات من والى الفندق شوي غاليه هذا من غير سوق على فكره انا بروح ان شاء الله نفس اليوم لاكن على طيران ثاني واي سؤال انا حاضره

هلا اختي
وحيااااااك الله بتنوووري مكه
وتوصلين بسلامه يارب
عاادي الحرم مفتوووح دايم اي وقت تبين تعتمرين عادي مفتووح
ام عن الفلوس ان شاءالله تكفيك بس خذي احتيااط احسن
وبالنسبه لطيران ناس مادري والله عنه
وربي يؤصلك بسلامه ويتقبل منك عمرتك يارب
واي سال انا حااظررررره
تقبلي مروري

ام حمد
مشكوره على الرد
الله يتقبل منا ومنج إن شاء الله
ويفتحها عليج من واسع ابوابه يارب

رمادية الهوى
حبيبتي منوره بأهلها
ماقصرتي بالرد
الله يوفقج ويفتحلج من اوسع ابوابه