|
|
السلام عليكم ورحمة الله وبركاته
اليوم مرت فكره في بالي وعجبتني قلت اقولها لكم عل وعسى تروق لامزجتكم وأفئدتكم مثل ماراقت لي
الموضوع ياطويلات العمر
حنا ولله الحمد في خير ونعمه وعندنا من الرزق الشيء الكثير ولله الحمد والمنه
اغلبنا موظفات أو صاحبات دخل خاص بطريقه أو اخرى
وانا حددت فئة الموظفات لان هالفكره ماراح تكلفهم الا القليل من رواتبهم اما اللي تاخذ مصروفها
من ابوها او زوجها ممكن ترهقها ماديا حبتين
المهم
>>> هاتي الزبده والفكره الجهنميه اللي جايبتها العرب سرا ليلهم ينتظرون ماجاد به عقلك الجهبذ 
فيه مشاريع باللجان الخيريه
>> اختاري الجمعيه اللي تثقين فيها واذا في نفسك شي عليك من نيتك وهم على نياتهم
المهم << اوعدكم آخر مره اقولها .gif "Eh S(7)")
وتعطينهم قيمة وقفية من الوقفيات الموجوده عندهم [ الوقفيات حسب ماشفت اقلها 100 دينار فما فوق ] و الميه هذي حنا نصرفها من غير حساب في الجمعيه على خرابيط نستثمرها في شي يفيدنا بآخرتنا آحسن والله سبحانه وتعالى وعد كل منفق بالخلف
طيب << ماتبي تقول المهم .gif "Eh S(8)")
كل شهر سويلك وقفيه بمبلغ وقدره بحيث ماتخلص السنه الا وانتي مسويه وقف في كل المجالات النافعه
يعني الشهر هذا وقف سقي الماء , اللي بعده الوقف الدعوي , اللي بعده وقف طباعة المصحف , اللي بعده وقف الإغاثة وهكذا
المسألة جدا بسيطه وأجرها عظيم عند الله تعالى
عن أبي هريرة رضي الله عنه قال : قال رسول الله صلى الله عليه وسلم : " إن مما يلحق المؤمن من عمله وحسناته بعد موته , علما نشره أو ولدا صالحا تركه أو مصحفا ورثه أو مسجدا بناه أو بيتا لابن السبيل أو نهرا أجراه أو صدقة أخرجها من ماله في صحته وحياته تلحقه من بعد موته "