طالبتكم بنات خلاص انا تعبت :(

السلام عليكم

بشكل سريع ابي اقولكم ان انا مدرسة تربيه فنيه في وحده من مدارس (الفروانيه)
واول ماتعينت فيها
بس المدرسه اتينن اتينن اتينن ناظره تنحط على الجرح يبرا ووكيلات عسلا لا كثر ماامدح ماراح تتخيلون
مو هذي المشكله
المشكله ان بيتي بمشرف واتعرفون الدرب الله بالخير 6 سنوات بس احس تعبت
والشهاده لله ان امراعييني بس لحد متى راعوني لان اعيالي حضانه وريلي يدرس بره بس الحين زوجي يخلص بالصيف يعني ماكو عذر
المهم ان ابي انتقل حق مشرف متوسطه بنات ؟؟؟؟
احد يعرفها زينه موزينه ادارتها مدرساتها غيره
وخايفه انتقل اييني توجيه كسيف وانا احتمال اييني ترشيح رئيسة قسم هالسنه واخاف اذا انتقلت يتأخر الترشيح
شسوي بعمري تكفوووووون فيدوني

حبيبتي

والله انا رفيجتي ابلة عربي كانت فيها من 4 سنين وطلعت منها نقلت عشان بيتها بعد
بس كانت مرتاحة من الادارة والقسم

عاد الفنية مادري عنها

موفقة

الله يوفقج

ما عرف عن مشرف اي شي

بس حاولي تستخيرين و جربي هالسنه بس لما تاخذين الاشراف

عشان ماحد يخرب عليج ………وعقبها انتقلي وين ما تبين

بالتوفيق

يعطيكم العافيه

طلعتي بمشررررررررف

ههههههههههههه

يعني طلعنا ييران هخخخخخخ

والله حبيبتي بنات حمولتي دشوا هالمدرسه بس كادارة ماعندي خبر كلش

والله يكتب لج اللي فيه الخير

mooomooo

هلا والله بأهل مشرف
لا وبعد اتصيرين بقطعه 2 تكمل

اي والله كنت بسأل عنها بشوف اشلون الاداره

لا حسافه

بس مارحت بعيد انا بقطعه 3 ههههه

ان شاء الله البنات يفيدونج كاداره

تصدقين حتى انا هالسنه بتم بمدرستي اللي بجنوب السره

بشوف الوضع ويمكن السنه اللي وراها انقل حق احدى مدارس مشرف

الله يوفقج

لا لا لا لا لا
اذا ادارتج زينه تمسكي فيها

بروحه الادارات هالايام ريا وسكينه قطيعه تقطع هالنوعيه من الحريم الله يعلم اشكثر تحسفت علي روضتي القديمه كانت ادارتي تهبل والناظره عسل

ديري بالج تري اغلب الناظرات الحين استخفوا الحمدلله والشكر

كللللش ما انصحج اذا انتي مرتاحه بالمدرسة وبس علشان الطريق,انا كنت جذي لمن وصلت للمدرسه اللي ابيها بس للاسف ما ارتحت من القسم مع ان المدرسه وايد زينه وقريبه علي ,لكن اللي بالقسم نفسيات وانا اقدم منهم يقولون لي انتي دخيله علينا !! اذا بعطي اقتراحات او بتكلم يحسسوني اني غير عنهم مع اني الحمد لله متعاونه , والله اني نفسيتي تعبانه وما ودي يجي الدوام منهم.

أقول أمسكي ارضج .. مدرسة اتينن على قولتج.. وناظرة تنحط على الجرح يبرا..ووكيلات عسل..
أقوووووووووووول الله يهنيج ويرزقنا..
أنتي دام راح يجيج اشراف عن قريب ومبروك مقدماً.. شنو له هالتغيير..بالاشراف أنتي منتقله..منتقله..علشان الطريج.. اللي صبرج 6 سنين.. يصبر على كم سنه باقيه لج..
(وعلى قولت أختي غير كل الناس : بروحه الادارات هالايام ريا وسكينه قطيعه تقطع هالنوعيه من الحريم )
فأقول استخير وأقعدي وعسى الله يوفقج..
وأنا اللي أكلمج مدرستي ورى بيتنا مرات إذا صار الجو حلو أروح مشي..وناظرتنا كانت عسل..بس الله لا يوريج جتنا ناظرة ماشيه على سياسة فرق تسد..خلاص ماني قادره أتحمل.. أفكر أنقل ( مع إنها ورى البيت المدرسة) أو أكمل دراستي
أدري طولت عليج..
الله يعينا على هالدنيا

الله مادري شكتب لان ماعرف شي عن هالمواضيع لللاسف

بس ماحبيت امر من غير رد

الله يعينج الدرب صج طريل بس اذا انت مرتاحه بالمدرسة كل شي يهون

وما ظنتي في مجال للنقل الخارجي الحين

وبالنسبة لرئاسة القسم عادي النقل ما راح ياثر عليج ابد سواء انتقلتي او ما انتقلتي

والله يعينج ويوفقج ان شالله

صلي استخاره اول شي
وبعدين اذا مرتاحه بالمدرسه لا تروحين انا جذى رايي يمكن تروحين مدرسه قسم زفت واداره ازفت وما تضمنين الامتياز خليج على الي انتي عارفتهم وعارفينج ولما تترشحين منقوله منقوله خليها مره وحده
بس ارد واقول صلي استخاره

انا رايي بعد انج تظلين بمدرستج صبرتي كل هالسنين ميخالف تحملي

الحين الناس يدورون راحتهم حتى لو مكان بعيد بس تشتري راحتها ..

وعاشوا ابلات مشرف

انا بعد رأي من رأي البنات هالسنه خليج بمدرسج دامج مرتاحه فيها واذا ترشحتي للاشراف ومشت امورج انتي منقوله منقوله