طالبات زوجي يتحرشون فيه مادري شسوي

بنات ضايق خلقي بنبط.. ماعندي احد اشكيله بعد الله غيركم.. انا داشة بنك يديد مابي احد يعرف منو انا
قصتي اني كنت احب واحد 8 سنين و اهو يموت فيني لكن موضوع زواجنا اتعطل لانه مو من مواخيذنا.. عرفته و انا عمري 17و اهو عمره 21 .. اتقدملي اول مره عقب 3 سنين من علاقتنا واهلي تموا يرفضون .. سويت المستحيل و الله سهلها و وافقوا بعد 5 سنين من الرفض ..
الحين صارلنا 3 سنوات متزوجين و حياتنا كانت و لا تزال سعيدة و مستقرة و اهو يموووووت فيني..
يحبني حب مو طبيعي وعلى الرغم من انا صارلنا 11 سنة و يا بعض لكنه دايما يقولي احس اني جني اول مره اشوفج..يحبني حب ما ينوصف و انا اموت فيه بعد.. مو مقصر علي كلش و مشبع كل احتياجاتي النفسية و العاطفية و المادية.. و كل وقته حقي
بس المشكلة اللي منغصة حياتي كبيييرة. ماراح يحسون فيني الا المتزوجات..
مشكلة زوجي الاولى انه اية في الجمال .. و المشكلة انه تعين استاذ جامعي من سنتين..
بنات لو مهما اوصفلكم المهازل اللي قاعد تصير من بعض الطالبات اللي مو متربيين ماراح اخلص..
قلة ادب و تعليقات و جرأة مو معقولة.. هدايا و ورود و اغراءات و رسايل و شي لا يطاق.. مو مخليني اتهنا بحياتي وياه.. نكدوا عيشتي حسبي الله عليهم.. كل كورس مراهقات يدد هذا غير اللي يتمون وراه حتى بعد نهاية الكورس.. بنات والله راسي شيب من اللي قاعده اشوفه كل يوم.. خلاص تعبت والله تعبت.. وصلت فيني الحالة اني قمت افكر جديا بالطلاق ..
اهو مايبي يهد دوامه اللي تعب و اتغرب علشانه سنيين ..
انا مقدره و عاذرته.. و واثقة بزوجي و باخلاقه… غير انه يموت فيني .. انسان تكانة و كلش ما عنده حركات و دايما عينه في الارض.. و كل ما يحس ان الغيرة تذبحني ايقولي انا ما خنتج مع الامريكيات و انا ياهل اخونج مع هال…… و انا كبير و متزوج و ابو.. و كله يقولي تعالي الدوام و شوفي اشكالهم و الله ولا وحدة اتيي ربع جمالج غير انهم رخاص و اطالعهم بنظرة مو حلوه فماعندج سالفة تغارين
لكن بنات انا تعبت..دايما افكر بعدين..اذا كبرت وراح جمالي…وصرت ما اترس عينه نفس قبل يمكن الشيطان يقص عليه و يخليه يضعف جدام وحدة من بنات ابليس..
الله*لا*يحطكم*بهالموقف..*

مو*عارفة*شلون*اتاقلم*و*اتصرف*مع*اللي*قاعد*يصير.. شنو تنصحوني اسوي

الله يعينج صج فيه بنات بقمة الوقاحه
هذا شغله والنوعيه هذه صج رخيصه ما يفكرون هالريال عنده بيت وزوجه
بس ماشاء الله الله يحفظ ريلج واعي ومتفهم ويعرف ومتفتح
يا قلبي لا تنكدين على روحج واستانسي بكل لحظه انتو فيها مع بعض
والي يزرع حب بياخذ حب والي يزرع ثقه اكيد بيحصد راحه وامان
قوي قلبج بالدعاء وانتي من البدايه حاربتي عشانه لاتستلمين
هذا ريلج وبيتج ومحد له الحق فيه غيرج بكل ما عندج حافظي عليه

لا تخلينه يحس انج فاقدة الثقة فيه ولا فاقدة الثقة بنفسج

اهتمي بعمرج
المراهقات طنشيهم بزران وفاضين
ولا تعطينهم بال اصلا
لاتنكدين على ريلج بسبتهم

تقريبا عندي نفس مشكلتج – بس الحمدلله ما خربت حياتي ولا نكدت على زوجي
خلي عندج ثقه بنفسج لا تنهزين لهم
كل إلي عليج في كل صلاه استغفري وادعي الله يحفظه وتظلين طول عمرج بعينه وفلبه
خلي ثقتج بالله كبيره وخليج متجدده على طول مو بس بالشكل حتى الاسلوب – كوني مره هاديه ومره غشمريه
ومره شيطانه ومره دلوعه أصلا بتحسين بوناسه وتغيير
واهم شي الثقه ريلج يحبج وماراح يبيعج بسهوله لأن تعب عشان ياخذج – انا كانت غلطتي الوحيده ثقتي الزايده بنفسي كنت ما ابين له اني اغار كلش لما قالي مره انتي ما تحسين ما تغارين
والله قمت امثل الغيره بس طبعا مو وايد – عشان ااحسسه بأهميته عندي وبنفس الوقت اعطيه انطباع اني حلوه وعندي ثقه

انتي تقولين صار لج 3 سنوات زواج بعدين تقولين 11 سنه زواج
شنو هاي لعبه
عرفي تالفين مشكله تدخل الراس بعدين تعالي

……………..
عيل فهمت غلط

بس حبيبتي انتي ليمه الحين جميله وما كبرتي – وريلج طمنج على الاخر فليش المحاتات اللي صج بتييب لج الهموم والتجاعيد مبجر

عيشي حياتج وافتخري بريلج وخلج واثقه من نفسج ترا كل ريال بدوامه حريم وبنات اذا كل وحده بتشيل هم هالبنات الخفاف ماراح تعيش في بيتها مرتاحه البال بسبتهم

دايما قولي هالدعاء (( اللهم اني استودعك قلب زوجي وسمعه وبصره ولسانه وفرجه في ودائعك فاحفظها لي من لا تضيع ودائعه اللهم اجعله لي قرة عيني الوحيده واجعلني له قرة عينه))

اسمحيلي حبيبتي

حسب اللي فهمته 8 سنين حب + 3 سنين زواج = 11 سنه مع بعض

البنت ما جذبت

البنت تقصد انها تعرفه من 8 سنوات وعقب تزوجوا وصار لهم متزوجين 3 سنين

الله يعينك اختي خصوصا ان زوجك مثل ما ذكرتي واايد وسيم وملفت و دكتور بس الحمدلله انج ماليه عيونه وقلبه وانه يخبرك بالي صاير معاه من تصرفات الطالبات وان نظرته لهن أنهن xxxxxxx الله يثبته ويهدي البنات ان شاءالله

شوفي حبيبتي زوجج يحبج وايد لا تنكدين عليه او تتضايقين وايد علشان هالبنات الفاضيين ، لانه زوجج مو داير لهم بال انتي اهتمي بنفسج علي طول واملي عينه ادري انه هالشي صعب لما تشوفين بنات يتحرشون بزوجج بس هذي شغلته كأستاذ مجبور انه يواجه اشكال جذي شنو يسوي ، لو مثلا نقول زوجج يشتغل مثلا بمكان في حريم يشتغلون معاه هم راح يشوف تحرشات يعني ما راح تفتكين انتي واثقه من زوجج خلاص قطي هالموضوع ورا ظهرج لانه زوجج ما راح يلتفت لهم هذيل قاطين نفسهم عليه قط لانهم هييلق اهي ترا ما وقفت على زوجج بس اي واحد يدرس بالجامعه او معهد صغير وسيم لازم يتحرشون فيه وانا شايفه هالنوعيه واااايد بالجامعه يعني هذيل لو يشوفون بعد واحد ثاني غير زوجج بنفس المكان الي يدرس فيه هم راح يتحرشون انتي حاولي انه ما تفكرين بالموضوع لانه راح تصير مشاكل تبين تخربين زواجج علشان هالاشكال الي ما تسوى تمسكي بزوجج وعطيه كل الحب والحنان .

بالعكس خليج واثقه من نفسج واهو بيده يفتح لهم مجال وبيده يرفضهم ويرفض اغرائاتهم ويصدهم باخلاقه وتربيته

ودامج غيوره وايد لاتحاولين تلتفتين لهالامور وعديها اشياء عااااديه ومشي حياتج وخليهم يولووون كافي انج ماليه عيينه

اختي بالتربيه الاساسيه وبالتحديد اسلاميه تقول عندهم بنت بس تترز عند الدكتور وجايبه اقصاها بالزين واختي تقول اهي تهبل وبس تخز الدكتور بنظرات اعوذ بالله واهو متحطم وتقول بس يكلمها وجنه مافي احد غيرها بالقاعه ولا بعد اخر وحده تطلع من القاعه اهي حرتني الجلبه لو عندها قسم بالله فشلتها الحين رجال كبير اكيد عنده اسره هذي حركاتج يابنت الكلب تخربين حياته حسبي الله على كل بنت تكلم متزوج ووعساها ماتتوفق لادنيا ولااخره

خخخخ معروفين هالبنات ما عليج منهم تلاقينهم محترين منج

الامور كلها اوكي .. بس الهدايا و الخرابيط خليه يردها للبنت بوقتها ولا يحذفهم بالزباله

ريلج وانتي سويتوا المستحيل عشان بعض وبنات هالنوع كل مكان يصدافهم ماراح يفرقون معاه لانه ماراح يشوف غيرج لا تنكدين عيشتج

ودايما قبل مايطلع قولي له الله يحفظك من بنات ابليس وعين الحساد ويخليك لي ويدوم حبنا لبعض

ولا تخافين الريال اذا حب حتى لو يصير عمرج 100 سنه بتظلين بعيونه البنت الصغيره لي حبها