شنو تحسين إذا ؟

بصراحه كل ما قررت اسافر احس بوناسه واجهز اغراضي …

وإذا سافرت استانس وانبسط

لكن ….

إذا تعديت اسبوع احس بوله للكويت الغاليه

ومجرد ما اقبل على الكويت

احس بشراحه مو طبيعيه وسعاده ما تنوصف تصدقون على حرها وغبارها إلا اني احس ان الهوا فيها غير دبل اكسجين ….

شنو ؟؟؟ تحسين مثلي وإلا لأ ؟؟؟

يب
احس مثلج هوني

بس لمن اروح امريكا ماحس هل احساس مادري ليش

انا مثل احساسج وقت السفر وناسه بس اذا طاف اسبوع اوله على الكويت واحس الرجعه تكون بسرعه .. الله لا يحرمنا من الكويت ولا من شيوخها آمين يا رب العالمين

اللي يخرب علي السفر اهو شوفي للكويت
ما اتخيل نفسي قاعده اتفس غير هواها

انا مثلكم بناااااات وااااايد اوله على الكويت ساعات ودي تصير الكويت والمه من كثر الوله

بعد اسبوعين من السفر بس امل واصير ابي ارجع حق الديرة وشوي ببجي اوله على الديرة يدتي اهلي ولمى تهبط الطيارة على لكويت تشوفين ليتات الديرة احس صج ولهانة عليها وصارلي سنين مو شايفتها الله يخليها لنا يارب ومايحرمنا من شوفها

اشكرج اختي على الموضوع

بصراحه احس ان محد يحب وطنه كثرنا ما اتخيل نفسي بعيده عن الكويت

لو حنا سافرنا الشوق يرجعنا ..حب الوطن غالي والعيشه فيه جنه

بلادي وإن جارت علي عزيزة ٌ … واهلي وإن ضنوا علي كرام

كل انسان يحن لديرته لو يروح لمكان أحسن منها كجو وطبيعة تبقى ديرته أحلى بنظره عشان أهله وناسه حياته وراحته كلها فيها

انا ما اقول الا الله لا يحرمنا من هالبلد ويحميها من كل حاسد

انتوا زين اسبوع ههههههه
انا حدي بالسفر ثلاث ايام بس وارد على طول
ما اعرف انام الا بديرتي
اذكر يوم رحت العمره مانمت واول ما وصلت الكويت نمت ما احس براحه الا اهني

طبعا كلنا نشتاق لها

اول ما اطلع من المطار اشم الهوى لازم واقول ياحلو الكويت وهواها

اييييي والله صاجه اختي ..
مسرع مانوله على الكويت..
احلى شي لما تكونين راجعه من السفر بليل ..
وتشوفين الليتات من فوق ..
وااي شعور غريب..

الغريب غريب الوطن الذي لاوطن له
انا بعد اذا سافرت احن للكويت

بترابها وغبارها وحرها ورطوبتهااهي ديرتي حبيبتي وبيتي اللي ماأقدر اغيره

اكيد احس بهالشي سبحان الله كل واحد فيه فطرة الشوق والحب حق ديرته الله يعين المتغربين والمقيمين بره ديارهم يكسرون الخاطر والله لايغير علينا ويخلي لنا الكويت ويحفظها امين