بنات الله يعافيكم أبى شىء ينزل – تكرمون – الدورة
يعنى أحس بعوارها و طاف عليها تقريبا أسبوعين للحين ما نزلت
عظامى و جسمى كله يعورنى منها
فاللى تعرف شى – غير الدارسين – ينزلها و يكون عن تجربة ياريت تقول لى
و جزاها الله كل خير
اذا انتي مو حامل اكلي اناناس بس ترا اذا كليتي الأناناس ونزلت الدوره راح تنزل عليج بغزاره وراح تطولين على ماتنظفين منها يعني اذا انتي تنظفين بعد 7 ايام زيدي عليهم 4 ايام على ماتنظفين اذا اكلتي الأناناس
بس ترا الأنانا وحده بوحده حتى موزين الحامل تاكل الأنانا لأنه يسبب الأجهاض ….
الزنجبيل بعد زين
اولا تأكدي اخاف حامل اذا متزوجة
اما اذا مو حامل ترى المرامية زينة
يعطيكم العافية بنات ما قصرتم
بس ما أنصح بالمرمية هى اللى خربطت دورتى
معقول؟؟؟ المرامية تخربط الدورة ؟ اول مرة ادري بس انتي نبهتيني على نقطة ان الشهر قبل الي طاف هبيت فيها وفعلا انا قاريه بموقع حواج انها مطمثة لكن فعلا لاحظت ان دورتي تخربطت ،،،،،، يزاج الله خير نبهتيني يبة بفك نفسي مابي شي من نصايح العرب صراحة
الدارسين – الزعتر
انا كنت استخدم اعشاب للدوره اخذهم من ام خالد اللي بالقرين جزاها الله الف خير صج روعه دواها ينزل الدورة بموعدها ومن غير عوار حتي كانت تنصح البنات يسخدمونها يعني حتي اللي مو متزوجه وكاهي رفيجتي مو متزوجه والله انها تتاخر عليها بالشهر والشهرين وكله بطنها متفوخ وعلي الله وعليها مرا دينه ونفسها حلوة جزاها الله خير اللي دلتني جربيها والله بتدعيلي
اول شي انتبهي لا تكونين حامل ؟؟؟؟؟ التمره برشاد زينه ومضمونه وعندج بعد شاي الكمون بالدارسين والزنجبيل وماتشوفين شر إنشالله
مشمشه كويتيه
منو ام خالد وجم رقمها ؟
منو ام خالد
اسمها ام خالد واذا تبين رقمها انا حاظره والله هالمره ارتاحلها تنصح علي طول انا يوم ولدت شريت دوا النفاس منها كله وكقعدت تنصحني شنو اسوي وشنو اللي لازم ماسويه وتبين الصراحه قبل لا احمل كنت اراجع عندها ونظمتي الدورة وحتي التبويض عندي اوكي والله مو دعايه لها انا لا اعرفها ولا تعرفني بس حبيت افيدكم
اسمها ام خالد الطامي مرا تبيع اعشاب وتدهن وحتي القرايه تقرا عليج ماشاءالله عليها تهبلورقمها 6669142بس ها اللي تجربها اكيد بتدعيلي ماتنسونا بالدعاء
اذا منتى حااامل عليج بالتمره برشاد زينه ومضمون وانا مجربتها ما استغنى عنها …
جزاكم الله خير بنات ما قصرتم
و نصيحة أخت ديروا بالكم من الأعشاب اللى تشربونها عشان التخسيس ،
الزعتر – المرمية و غيرها يعنى لا تستمرون عليها فترة طويلة
و المرمية تفيد و تضر حسب استخدامها .. يعنى اعرف بنات نظمت دورتهم
و بنات خربطت دورتهم و دكتور قال لرفيجتى ان المرمية هى تكون الأكياس فوق
المبايض …
أنا اللى خربط دورتى انى كنت آخذ مرمية مع الشاى
و هم كنت آخذ خلطة أعشاب شاريتها من وحدة للتخسيس
لا انا اللى خسيت و هم دورتى تخربطت …
و بعدين ردت اوكى
استمريت فترة آخذ مع الشاى زعتر طرى يوميا و ردت تخربطت !
فديروا بالكم لأن الدورة يا بنات مثل السم بالجسم اذا ما نزلت الجسم كله يتعب عظامج و ظهرج و عضلاتج
ليش المرأة رغم الحمال و التعب و تربية الاطفال تلقينها أنشط من الرجل و قوة تحملها كبيرة ؟ لأن دمها يتجدد كل شهر عكس الرجل .
<< استرسلت الاخت بالحديث عبالها قاعدة بمقابلة تلفزيونية .gif "Eh S(6)")