شلون طريقة بنك المعلومات؟

السلام عليكم

من ثاني اسبوع داومت فيه يتنا الموجهه

وقالت نبي بنك المعلومات

انا طنشت لاني ما ادري شنو يعني بنك المعلومات واصلا رئيسة القسم ماعادت الطلب علينا

المهم شفت المدرسات يوم الخميس اللي طاف يسلمووون رئيسة القسم هالبنك من المعلومات

اللي فهمته ان مثل اسئلة مراجعه

وما قالت رئيسة القسم ابي

بس انا بسوي بصراحه

واللي ابي اعرفه هل اهوا عباره عن اسئله واجوبه؟

والا اسئله من غير اجابات ويمها نحط ارقام صفحه الاجابه

وهل يكون كل الكتاب والا كل فصل بروح؟

واشلون يكون الغلاف

والطبيعه العامه لشكل الاوراق والاسئله عباره عن اسئلة موضوعيه ومقاليه

والا اشلون

وانا ادرس مقررين مختلفين ؟ هل اسوي بنك المعلومات للمادتين والا بس حق ماده وحده؟

انا من سمعت سالفه رئيسة القسم نغزه اني حنانه ورجيجه ما قمت احب اسألها وايد

وما عندي غيركم ممكن يفيديني

ويعطيكم العافيه

حبيبتي هو عبارة عن بنك تدخلون فيه بطاقة وتطلعلج فلوس مجسم يعني // بس شخباري أنا مسويته من سنتين بس للامانه لي الحين استخدمه ولي الحين عاجب الأقسام حتى ان 3 اقسام عقبي سووه // سويته بمركز بدر بفحيحيل

لا حبيبتي اهوا مو مجسم

اهي عباره عن اسئله بس ماني عارفه طبيعة الاسئله الموجوده

ويعطيج العافيه

فراي انصحج تسألين لانه بنك المعلومات يختلف هل اهمه عندهم مشروع مذكرة مراجعه او مثل ماقالت الاخت الي قبلي ان يكون مجسم له مغزى تعليمي او او او
لذلك سألي و لا تقولين ماراح اسأل علشان كلمه انقطت عليج هي مجبوره انها تجاوب عليج انتي تعيين يديد و تحتاجين مجابل و من حقج و لا انتي طاره منها
سأليها او سألي الي وياج بالقسم شسالفه

شفتي اشلون مو اهي مجبوره انها ترد علي ليش عيل اقعدت اتذمر ما احب جذي عاد اوف

احنا طريقته كل وحده تحطين عليها اسئله تشوفينها حيل ضروريه من غير اجابات طبعا

وحق فصل واحد

بس انت سألي رئيسه قسمج بعد اكثر