|
|
مرحبا
بفتح الموضوع عشان اللي سمعته بالمنتدي
يقولون ان الدكتوره
فوزيه القطان ماتهتم بالمراجعات
وانها ما تدقق بالسونار
ولا تراعي الحالات الخاصه
انا اراجع عندها بس معاملتها لي زينه نوعا ما
ما شفت منها لازين ولا شين
ودائما تتاخر بس لما توصل تمشي الدور
معناته شنو انها مستعجله
مادري بس صج خفت انا اخر مراجعه لي عندها كانت مسويتلي سونار وشافت راس الجنين و قاسته والوزن للجنين وقالت لي ان كل شيءاوكي وهم الماى حول الجنين زين
وسويت تحليل سكر
وعشان حالتي قالت للحين ما كو طلعات ومولات وتسوق
وبس
انا ما عندي خبره هل هذا كافي ولا لازم اتشوف وتقول اشياء ثانيه
ابي اسوي استفتاء عن الدكتوره فوزيه
والشي الثاني كل وحده تقول وتلخص ماذا يحدث لها في غرفة المراجعه سواء كانت عند الدكتوره فوزيه ولا لا عشان انعرف شالطبخه
وشنو الاسئله اللتي تسألها لدكتوتها في كل مراجعه
ولكم الأجر
الظاهر يا حوامل ما تراجعون
شوفي انا ماعرف د فوزره بس دكتورتتي نهاد استشاريه عند د ماجده اليتامي انا كنت اراجع عند ماجده بالبدايه بس فضلت نهاد عليها المهــــــــــــــــــــــم
اول شي السسترات يشوفون وزني وضغطي ويشوفون السكر وياخذون تحليل بول عزكم الله
عقب الدكتوره تشوف النبض وقياسات البيبي من راس ووزن وارتفاع المشيمه امممممممممم وهم تاخذ ارقام مادري شنو وتعطيني فيتامينات وبسسسسسسس
الصراحة ما ارتحت لها احسها مادية و تبي تفتك من المراجعين
و تلقينها مستعيلة بسرعة بنخلص و تروح لمريضة ثانية
مرة كنت بعيادتها و دخلوني سونار تخيلي نص ساعة قاعدة بروحي بالغرفة وناطرتها تشرف بعد نص ساعة يتلي السستر و قالت لي الدكتورة عندها ولادة سألتها متى راح ترجع قالت لي مادري
المهم طلعت من عندها وقالولي اول ما ترجع ندق عليج
تخيلي توني طالعة من عندها ماصارلي ربع ساعة الا داقين علي و يقولون لي تعالي الدكتورة يت!! من هني حسيت انها ما تهتم في مريضاتها بالله ولادة نص ساعة؟ شنو هالولادة اللي مدتها نص ساعة!! متى مداها تولد المرا و تخلص و توصل بهذي السرعة 
اهي على كل مراجعة تسوي سونار مرت حماي تهاوشت معاها و طلعت من عندها وراحت حق الدكتور قطب اللي بعيادتها تقول الدكتور زفني قاللي انتي مسوية سونار من قبل قالت له اي قال قومي روحي فلوسج زايدة!! بكل مراجعة تبين تسوين سونار تقول انا مادري اهو قاللي خلال فترة الحمل بس 6 او 8 مرات تسوين سونار طول فترة الحمل مو على كل مراجعة
على ولدي الاول ذبحتني ولدتني قبل موعدي بــ10 ايام و ذبحتني فحص قعدت يومين اطلق و حضرتها ماكانت تيي تفحصني تخلي السسترات يدقون عليها و تقول لهم شنو يسوون و كل ما امي تسأل السستر وين الدكتور تقول لها راح تيي بس قالت نفحصها جني اطر منها …
و على ولدي الثاني عديت شهري و خرعتني قالت لي احتمال قيصرية و رديت البيت ابجي
بس على بنتي ولدت قيصرية لان صارت لي ظروف و الياهل راسه كان فوق و موراضي ينزل و قاعد يضغط على المثانة و نادو استشاري و قال لازم بسرعة نسوي لها قيصرية حق سلامتها وسلامة الياهل لانهم كانو خايفين يصير فيني شي بالياهل
قلت قصة حياتي
نسيت ارد على اسألتج
بكل مراجعة ياخذون وزنج
و ضغطج
و بالشهر ال4 او ال5 ماني ذاكرة اي شهر بالضبط يسوون لج تحليل دم و يشوفون اذا فيج سكر او لا
يسوون لج تحليل بول علشان يشوفون نسبة الزلال
اكره شي تحليل السكر .. تكونين صايمة و يسحبون منج دم و بعدين يعطونج شراب جلوكوز اونه ابيض مترووووووووس سكر 
و لازم تشربين كل القلاص و بعدين يقولون لج تعالي بعد ساعتين علشان يسحبون منج دم و النتيجة تطلع خلال يومين او ثلاث و اهم راح يدقون عليج يقولون لج اذا فيه سكر او مافي
وانا يمكن مره أو مرتين راجعت والصراحه بارده احس ماتحب تعطي من نفسها يمكن اهي جذي ماتقدر اجامل شوي
يعني اتسوي شغلها وبس بس الله خير زينه بالفحص وهذا اللي اعرفه وان شاء الله افدتج
بس في حملتي الثانية كانت انتقلت المستوصف مالها الحياة كلينيك وبصراحة ما عجبتني والستاف مالها كله تغير حاطه شلة بنات حبربش واهي ما تعطيك من وقتها كله مستعجلة واذا عندي تحاليل محد يكلمني ولا يقولي النتيجة … وين أيام قبل للأسف الدكتورة خسرت مرضاها لأنها ما تتعامل باخلاص مع المرضى وبعدين احنا قاعد ندفع فلوس مو ماي ؟؟؟؟!!!!!!
صراحه خوش دكتوره
طمنتوني عالأخر هههههههههههههههههههه
يعني شسوي الحين
اقعد عندها ولا اغير
محد يمدحها والله اني احاتي صراحه انا خايفه من التغير
بس شسوي
زين ليش ما تروحين حق ناهده العلي وايد يمدحونها اهيا وهند الحمدان
مع اني خايفه من التغير يا فوفه
ومشكوره عالرد يا سارا ديور
الله يعينج ويسهل عليج..