|
|
السلام عليكم
ربي يرزق كل محرومه بالضنى الصالح ويتمم على كل حامل وتولد بالسلامه
بنات انا عندي استفسار وحطيته هني لانه القسم فيه حوامل ويمكن جربوا اللي بسال عنه
انا سالت الدكتوره عن ولادتي ونسبه الولاده الطبيعيه لاني حامل بتوام وبجري ولدته طبيعي
قالت حوضي ممتاز وانه يساعد عالطبيعي واذا كان راس واحد منهم بالحوض تعتبر طبيعي حتى لو الثاني فوق
انا مفكره اولد قيصري لاني ناويه اشد بطني بعد الولاده وطبعا هذي اول مره بسويها لانه بطني حيل ترهل من اول ولاده لاني ما اعتنيت عدل بنفسي لانه حاشتني انزيمات الكبد وما كنت استحمل حتى ملابسي من كثر الحبوب اللي طلعت لي
انتوا شرايكم اطلب قيصري واسوي الشد بنفس الوقت بالعمليات ولا اخليها طبيعي وبعدين اسوي الشد؟
حدي محتاره واللي تعرف وحده اولدت وسوت الشد تقولي
ومدحولي دكتور حيان الاحمد
وفي له تجمع للبنات اللي يراجعون عنده
وان شاءالله باجر بروح له
بس عموما اذا في لج نيه حمال بعد لاتسوين شد
خلي عقب ما توقفين
او يسون لج شد بس مو قوي اللي يكون في مجال للحمال مره ثانيه
ويسويها هم دكتور حيان
وللامانه من كثر مامدحووو الدكتور البنات انا بروح له
وانا انصحج اذا بتسوين معناته ماكو حمال فتره طوييييله
انا راح اولد بطيبه كلينيك لانهم عارفين حالتي والادويه اللي اتحسس منها وملفي عندهم
انا يمكن احمل بعد هالتوام بس بعد فتره ٣ الى ٤ سنوات
دكتورتي قالت اذا مصممه عالشد وكانت قيصريه راح يكون دكتور التجميل موجود واول ما نولدج يشد بطنج وتطلعين غرفتج يعني مالي نزله للعمليات بعد
هذا اللي مخليني افكر اطلب قيصريه
بروح امر على تجمعهم واشوف
مشكوره على ردج يالغاليه
وشد البطن ترى كلش مو هين مؤلم وخصوصا لي شدوا عضلات البطن المسأله كلش مو هينه حييل يعور
انصحج تولدين بالسلامه سواء طبيعي او قيصري والله ايسرلج ولادتج عقب ما ترتفعين وترتاحين سوي الشد لكن ما انصحج خلال النفاس لان التعب مضااااعف بعد تعب الولاده والثقل لا والله ما انصحج
وبعدها ارتاحي جم شهر وسوي شد
ولاتنسين البيبي يبي مجابل ورعايه وسهر وتخيلي نفسج مسويه عملية الشد
اعرف وحده مسويتها والله متحسفه تقول من الالم اللي شفته ويمكن تلبسين كورسيه فتره طويله
تاكدي اكثر من العمليه واستخيري
الله يسهل عليج ويتمم حملج على خير
الفكره انه ابي اخلص الشد علشان لا اطلع وارجع للمستشفى اكثر من مره
وباذن الله باجر او اللي عقبه بسال الدكتور وبستخير وانشالله خير
وبوضعي حاليا لله الحمد راح يصير عندي ٣ البجر والتوينز
عموما بشوف شنو وضعي وانشالله خير ومشكوره حبيبتي رويال عالنصيحه
انتي روحيله و سأليه عن هالشي و مثل ما قالت لمووش اهو عنده نوعين واحد خفيف عساس يعطي مجال للحمل بعدين و في قوي يشد صح بحيث خلاااص ماكو مجال (( طبعا هذا للي خلاص وقفت حمال ))
استخيري اول شي…الله يسهلج و الخيره فيما اختاره الله
وانشالله خير