شتسوين اذا شفتي أبلـــة تغشــش طـــالبــة؟

مرحبا ابلات

ابي تقولون لي شنو ردة فعلك

اذا كنت معلمة ثانوي وواقفة مراقبة على الطالبات

و باخر عشر دقايق من وقت الامتحان تجـــي أبلة المادة نفسها

وتروح لطالبة معينة وتغششها والطالبة تغير اجاباتها

وكل الصف يطالعونك ويطالعون الأبلة المغششة..

ابي اعرف شتسوين بهاللحظة؟؟؟؟؟؟

وانا بعد ماشوف ردودكم بأقول شسويت..

وين رئيسة اللجنة؟؟؟
بصراحة لو كنت مكانج ما أكلم المدرسة اللي تغشش (( ماتستاهل ))
على طول أكلم المسؤولة عنها <<<رئيسة اللجنة

ليش الباجي مالهم رب

ولا الواسطة بعد حتى بالغش ياالجميع او ماانقل احد معين ….

اذا بتغششهم كلهم عااادي اذا وحده بس بعصب بس بسكت حرام اقطع رزقها

اقول لها ابله لو سمحتي غششيني..او اعلم عليج

انا عن نفسي ما اسميها غش اسميه مساعده ان احاول ابسط السؤال واقربلها الاجابه وانا عن نفسي ما اروح حق طالبه معينه لا اخلي مساعدتي علني واقولها حق الكل عشان ما اميز طالبه واخلي الباجي بشكون او شي وطبعا يعتمد عالمرحله وانا اذا شفت ابله غششت وحده بروحها وخلت الباجي انا بنفسي اشوف اي سؤال غششت واساعد فيه كل البنات لان حرام اخلي وحده على حساب غيرها

لا اغشش ولا اغش ابدا ابدا وان شفت وحده تغشش ابلغ عنها رئيسة الجنة او الناظرة باسم البنت والابلة

الغش صاير ماله والي ,, وبكل جرأه

بصراحه لو انا مكانج بحاول امنعها ,,, واذا ما امتنعت امري لله بعد شسوي

يابنات لازم نلتزم بقيمنا ودينا -شلون اسمح لها تغشش اذا سكت اشتركت بالاثم -الغش مايختلف عليه اثنين ولايسمى مساعدة في هذي الحاله , اوقفها عند حدها وذنب الي درست اعاقبها بمعادلتها مع المهمله مايجوز ولا يصير-يقولون الي يقولون المهم ماغضب ربي وادعو لها بالهدايه

اكلمها بيني وبينها واحاول اوقفها عند حدها
عاد انا دم اضروسي الغش وخاصه بنات الثانوي حرام يكسرون خاطري يجون سهرانين وحالتهم حاله والله شي يقهر

اذا اتغشش الكل جزاهاااا الله الف خير واذا بنت معينه لا بالله بعلم عليهاااا

احاول الفت نظرها او انبهها بهدوء …

واذا ما امتنعت ابلغ رئيسة اللجنة واخلي مسؤوليتي …

انا لان ابتدائي فأحس اهون اذا ساعدتهم غير الثانويه طبعا وانا لما اساعد ما ايي اقول الاجابه لأ اعطي شرح مبسط جدا عشان افهمها لان احنا طبقوو نظام اللجان فشوي احس هالسنه مدودهين شي يديد عشان جذي شوي تساهلنا

نفسيييي بالضببببببببببببط

اساعدهم بتبسيط السؤال علنييي بس

واذكرهم بطريقة الشرح

اي انا مت من الحرة والوقاحة

وشنو ذنب الطالبة الي درست

وبعدين حنا معلمات

ونعلمهم الصدق والاخلاص والأمـــانة

وشلون نغششهم؟؟!!!