ساعدوني والله تعبت من المشاكل والهموم اشلون جذيه ؟

السلام عليكم خواتي
بنات تعبت تعبت مشاكلي بازدياد مايصير جذي خلاص احس الموت ارحم كنت متفاءله بهالسنه بس اشوف الشي يزيد ماينقص مع اني اصلي وادعي واقرى قران وحريصه على صلاه الليل احط سوره البقره واحنا نايمين اشغلها بشكل شبه يومي وادعي واصلي صلاه الليل بالشده والرخاء بس ليش يصير فيني جذي؟
هل ممكن يكون ربي مايتقبل دعائي ؟بس ليش ؟
وايد ناس مايصلون ومتوفقين وفيه بنات مو متحجبات وسعيدات بحياتهم وفيه ناس يسوون اشياء حرام ومرتاحين بحياتهم اعرف بنات حقودات وحسودات ومتهنيين مع رياييلهم ووايد ظلام متهنيين اخاف اموت وما اشوف حوبتي بالي ظلموني ابي اشوف حوبتي بالدنيا قبل الاخره ناس شفت حوبتي فيهم وناس ناطره اشوف حوبتي فيهم يارب انت على كل ظالم
استغفر الله ما اعترض بس بديت اياس الشيطان يوسوس لي وما ابي اشرك
من اقول خلاص انفرجت وبتنحل مشاكلي ارتاح جم يوم واتييني مصيبه اكبر
اللهم احيني مادامت الحياه خيرا لي وتوفني مادام الموت خيرا لي
ياربي تعبت تعبت من بدايه 2024 الا الان وانا محتاسه وعموما بحياتي الايام السعيده الي شفتها قليله جدا ونادره من بلوغي حتى الان ادعي باشياء وايد ابيها تتحقق لي تصير حق غيري وانا لا وايون يحروني ان صار لهم الي يبون وانا لا
غيري كل شي يبونه متيسر لهم من غير دعاء ولا شي وانا لا
كل ماخططت بشي وادعي ربي واستعين فيه افشل افشل افشل
حتى قانون الجذب طبقته وخرطي بخرطي
اسوي خير وينقلب عليي شر اسعى لسعاده غيري حتى لو على حساب سعادتي واساعد غيري وينقلب عليي شر
مع انه الكل يشهد بطيبتي صج اعصب بسرعه بس قلبي نظيف وما احب احارش احد مني والطريج وكل من يشهد لي بطيبه قلبي والله ما ابالغ
مشاكل مع الريل مع الاهل مع الدوام
لا لا الحياه لا تطاق شنو هالحياه الي كلها نكد بنكد الموت ارحم
بنات ساعدوني احس اني بنهار ابي ابجي مو قادره خلاص
ابي دعاء يريحني ويفكني من هالمشاكل مع اني قاعده ادعي بكل الادعيه الماثوره واستغفر بس ابي دعاء ربي يستجيبه باذنه يخلصني من كل مشاكلي تكفون ساعدوني والي تساعدني حتى بدعوه ربي يحقق لها مرادها ويسعدها ويويع لها دنيا واخره

الهم لك الحمد هالدكتور غير مجرى حييييييييييييييييييييييييياتي ..مشالله
البنات خبرتهم مثل خبرتج روحي لواحد مختص والله والله ماتندميييييييييييييييييييييييييييييييييين ابد ابد

صدقيني بطلي الاخبار وشوفي الناس شلون عايشه بالعراق وفلسطين
في ناس تتمنى تعيش مريضه علشان بس تعيش

والله ترا الدنيا بخير.. ولو سويتي شي لله لاتسوينه على اساس ان الله يسويلج الي تبينه
سوي كل شي بنيه صافيه وخالصه لوجه الله

والله سبحانه اذا حب المؤمن ابتلاه.. وكذا ايه بالقران تقول معنى ان الله اذا حب المؤمن ابتلاه
والثانين يمتعهم شوي وبعدها بغرقهم بعذاب أليم

كثري من الاستغفار لانه مفتاح للابواب المصكره.. ولا تيئسين من رحمه الله
مهما صار وبعد كل شي بيصير.. بتشوفين رحمته سبحانه

وعسى ربي يفرج همج ويسعدج يارب

والله سبحانه يبتلينا ويشوف منو فينا اللي يتحمل
صح انتي اتشوفين ناس ثانيه ماتستاهل وتحصل اللي تبيه
بس اهم شي تصبرين لانه الله مع اللي يصبرون

يمكن احد زعلان منج وانتي مضايقته

احد داعي عليج لاسمح الله

شوفي ليش يصير جذي هل من سبب ولا فجأه يصيرلج جذي ؟؟

ماقدر احكم لاني ماعرف شنو مشاكلج بالضبط ومن شنو مضايقه ….

بس حاولي تصلحين وضعج تشوفين الخلل منج ولا من غيرج

صفي نيتج

ولاتيأسين من اي شي

ادعي ادعي ادعي وكثري من عمل الخير وان شاءالله بتنفرج حتى لو طالت

غيري حياتج وحاولي تجلبين الفرحه حق نفسج

وماعندي غير ادعي ربي ييسر امورج و يسهلها و يمسح على قلبج يارب

اقتباس:

المشاركة الأصلية كتبت بواسطة قطوه ورديه ياحياتي كلنا كان عندنا مشاكل بس هذي الدنيا والله سبحانه يبتلينا ويشوف منو فينا اللي يتحمل صح انتي اتشوفين ناس ثانيه ماتستاهل وتحصل اللي تبيه بس اهم شي تصبرين لانه الله مع اللي يصبرون

بعد عمري صدقتي هذا الي يحر ناس ما تستاهل وتحصل الي تبيه
بس تعبت تعبت مليت

اقتباس:

المشاركة الأصلية كتبت بواسطة tolay اول شي راجعي نفسج شوفي يمكن في شغلات بحياتج غلط يمكن احد زعلان منج وانتي مضايقته احد داعي عليج لاسمح الله شوفي ليش يصير جذي هل من سبب ولا فجأه يصيرلج جذي ؟؟ ماقدر احكم لاني ماعرف شنو مشاكلج بالضبط ومن شنو مضايقه …. بس حاولي تصلحين وضعج تشوفين الخلل منج ولا من غيرج صفي نيتج ولاتيأسين من اي شي ادعي ادعي ادعي وكثري من عمل الخير وان شاءالله بتنفرج حتى لو طالت غيري حياتج وحاولي تجلبين الفرحه حق نفسج

ما ابالغ ان قلت لج عمري ما ظلمت احد وراجعت نفسي وانا ان غلطت بحق احد اعتذر وكل الي اتمشكل معاهم اهم الي يكونون غلطانين بحقي والحمدلله ربي وراني فيهم يعني حاليا انا عندي عداوه مع وحده كانت اعز صديقاتي واهي الي ظلمتني يوم وقفت معاها ولا افكر ارجع لها لان سمعتها بالحضيض وتوني سمعت انها تتطلقت والسبب هالشي الله يستر علينا اللهم لا شماته
بس فيه ناس ظلموني واتمنى اشوف حوبتي فيهم
والحمدلله اتصدق وادعي وكافي ابوي الله يرحمه مات راضي عني وامي راضيه عليي هذا اهم شي بعد رضى ربي

اقتباس:

المشاركة الأصلية كتبت بواسطة أمواج البحر والله ما ادري شنو اقولج وماعندي غير ادعي ربي ييسر امورج و يسهلها و يمسح على قلبج يارب

بعد عمري عسى ربي ينولج مرادج دنيا واخره

اقتباس:

المشاركة الأصلية كتبت بواسطة بنت اوسكو الغاليه منو منا ما انظلم ؟؟؟ مو كل الناس اتفضفض يشهد علي ربي مر علي شي لو اقولج شنو جان قلتي الحمد لله على اللي انا فيه بس هم اقول في ناس عندها مصايب أكبر مني والحمد لله على كل حال الغاليه الله ايحبنا عشان جذي ابتلانا عشان ندعي وندعي وندعي ولا انمل لان الله ايحب يسمع صوتنا كفايه لي صليت قيام الليل احس جبل انزاح من على صدري صح مرات ثاني يوم أحس بضيقه بس صرت كل ما احس بضيقه على طول أصلي ركعتين لدرجه أهلي ايقولون ما اذن على بالهم صلاة عسى ربي ينصرج وينصرني على من ظلمنا وايراوينا حوبتنا فيهم وحسبي الله على كل ظالم حسبي الله وكفى دايم كرري هالكلمة وبإذن الله بينصرنا على من ظلمنا وبنشوف بعوينا وصدقني قريب ربج يمهل ولا يهمل بس اللي طالبته لي ولج كن فيكون وايعوضنا عن اللي شفناها باللي أحسن منه يااارب يا أرحم الراحمين يا جبار يا جبار يا جبار أجبر بخاطري وخاطر اختى وكل مسلم مظلوم كن فيكون يا أرحم الراحمين يا رب

بعد عمري ربي ينصرج على من ظلمج ويسعدج وينولج مرادج ماقصرتي على دعواتج الحلوه الهي يفتحها بويهج دنيا واخره

اقتباس:

المشاركة الأصلية كتبت بواسطة brettey بعد عمري ربي ينصرج على من ظلمج ويسعدج وينولج مرادج ماقصرتي على دعواتج الحلوه الهي يفتحها بويهج دنيا واخره

آآآآآآآآآآآآآآآآآمين اي والله يشهد علي ربي محتاجه لكل دعوه الله العالم بالحال يارب رحمتك نرجو فلا تكلنا إلى أنفسنا طرفة عين يارب يارب يا رب وربي انزلت دموعي الله كريم