|
|
مرحبا بنوتات
انا توني متخرجه والحمدلله قدمت على البنك التجاري
نادوني علشان الاختبار رحت وقدمت زين
ابي اعرف شنو الخطوات القادمة…
المقابلة…؟؟اذا في فحص طبي وين اسويه؟؟الدورة التدريبية مدتها..؟؟
ومشكوورين
الدوره اتصير بالرئيسي في شارع بيروت و مدتها شهر و بعدين بعد الشهر اتروحين الفرع و تقعدين شهرين بعدين في امتحان اختبار من 75 % و اذا ما يبتي 75 % ايعيدونلج الامتحان و اذا صقطتي 
بايي باي
بس الصراحه ما يسوى يعني بالفرع ما يتريقون وما ايروحون تكرمون الحمام وبعدين … الدوام مو شي الصراحه اذا لقيتوا مكان ثاني روحوا والله ايوفقكم
Joon^^Joon
انزين انا بجرب حي وياهم
شنو يسالون بالمقابلة..وين اسوي الفحص الطبي..؟؟ والراتب شلونه…؟؟
ليش تبين التجاري بالذات ؟؟
اذا وديناج فرع الجهراء اوكي عندج ؟
عرفينا عن نفسج ؟
يعني جذي ….
الفحص الطبي مالت عليهم بالمجلس الطبي ايلوع الجبد مو مثل باجي البنوك في مستشفيات خاصة ؟…
الثنويه 300 الدبلوم 400 و الجامعي 500 + دعم العماله
بس والله لوعة جبد يعني شغل وكراف وعلى شنو تكفى اقصاهم بنك خايس :@
انتي وين ساكنه ؟
شكلي بهون عنهم عيل
انزين خيتو شكلج خبرة بالبنوك
شرايج بالخليج….انا مقدمة عندهم وعندي اختبار يوم الاحد
عطيني نبذه عنهم مثل ما عطيتيني عن التجاري يزاج الله خير
شنو يسالون بالمقابلة..وين اسوي الفحص الطبي..؟؟ والراتب شلونه…؟؟ شغلهم كراف ولا شي يحتمل..؟؟
والمهم شنو صار عليكم
انا اختي مقدمة هناك ونادوها وقدمت الاختبار ودقوا عليها عشان المقابلة وراحت وقالولها اذا في مقابلة ثانية بندق عليج وليلحين مادقوا صارلها 10 ايام
منو فيكم دقوا عليها حق المقابلة الثانية وشلون تعرف اذا انجحت بالمقابلة ولا لأ عفية فيدوها قاعدة تحاتي
والحين دخل علينا الرمضان وما دقو عليي ما ادري شنو صار ….
كل عام وانتو بخير