|
|
مرحبا عزيزاتي أتمنى تساعدوني في بعض الأمور في دولتكم الحبيبة كويت
بقول لكم قصتي أتمنى العبرة والعظة للقلوب القاسية هذي قصة خالي اخو امي بالرضاعة لأن جدتي يكون ولد أختها يعني هو صلة القرابة بينه وبين امي انه (ولد خالتها وأخوها بالرضاعة) لحد الحين تمام .
القصة
هذا خالي عنده 9 اخوات واهو الوحيد بين كل البنات وبعد فترة ابوه تزوج على امه زوجة هندية وخلفت الهندية عيال لحد الحين تقريبا عندها 3 بنات 4 اولاد وكانت امهم مسكينة ابوهم ما يعاملها بالزين يعني ما عادل بينهم ابدا كا يفضل الهندية عليهم كلهم لأنها ساحرته وبعد فترة قامت الهندية بعمل *** لولد زوجها اللي هو خالي اول ما تزوج بعد اسبوع من زواجه هجر الديرة كلها طلع من سلطنةعمان يعني الهندية سوت له *** خلته ما يرجع عمان ولا يذكر شي فرقت الأم من ولدها هذا الكلام سنة 1993 والأم احترق قلبها علي ولدها وماتت سنة 1998 يعني بعد 5 سنوات وبعدها توفت يدتي ام امي سنة 2000 شهر 5 ومرت الأيام وما عرفوا خبر عن أخوهم ابدا لعلمكم راح الكويت طلع من عمان جاء ديرتكم الكويت وبعد تقريبا 9 او 10 سنوات توفى خاله خالي وبعدها بأشهر تقريبا 3 شهور توفى خالي انا اخو امي وهو ولا خبر عنه نعرف نذكر مرة اتصل على رقم بيت خالتي الجديم قال انا جوازي منتهي قاله زوجي خالتي روح السفارة وجددها وبعد ولا خبر انقطع مرة وحدة وسبحان الله قبل اسبوع خالتي تقول اجازة الصيف بروح ادور على اخوي ولا اليوم الثاني شباب كانو من ولاية السويق عندنا كانو بالكويت ولما رجعوا سألوا عنه وعرفوا ولد خالتي العود وخبرهم هذا خالي واتصلنا فيه قعد يبكي مثل الياهل اللي مضيعة أهله يقول لا تتركوني انا وحيد ماعندي حد وعرفنا منه انه ( عايش عند واحد عماني بالكويت مقيم من سنة كان يدوام بشركة الكهرباء وبعدها ماعرف كيف طلع و وقع على شيكات بمبلغ ما اذكر كم كانو هنود قاصين عليه مأخذين الكترونيات وخلوا اهو يوقع علي الشيكات والحين معمم عليه مايقدر يطلع من الكويت لحد ما يدفع المبالغ اللي عليه وهو حتى سكن ماعنده ولا ملابس عايش بالبر في خيمة بنطقة الجبد بخيمة والله لما عرفت بكيت وايد وايد على حاله ونحنا قررنا نروح نجيبه وندفع الديون اللي عليه تعرفوا والله والله الحين متذكر زوجة ويسال عنها يقول مشتاق لها حيل حيل والحين زال مفعول السحر عنه من سنة 1993 الى 2024 يمكن اليوم او باكر نجي ديرتكم يالكويتيات أول مرة ممكن تخبرونا الإجراءات اللازمة اتمنى تساعدوني اليوم ضروري )
وشلون انفك السحر بنفسه
عالعموم الحمدالله عالسلامه
ومااقدر افيدج شنو الاجراءات بس استشيرو محامي بالكويت شوفو شنو الاجراءات عشان تدفعون عنه ويتنازلون عن القضية *
نفس سالفة اللي لقى اوراق وشعر مدفونه ووداهم لشيخ وقاله هذا *** معمول لشخص
وفكه الشيخ , ومادري عاد شصار عليه المسحور , بس اكيد انفك السحر
,
شوفي حبيبتي الكويت ديرتكم الثانيه
عادي حياكم الله , وخلوآ اي تاكسي يوديكم منطقة جبد اللي فيها اخوج !!
وخلوكم على تواصل وياه , عشان توصلون له ,
واذا على سالفه الديون , اكيد هو أدرى !
يعني اسألوه عن التفاصيل وخلوه يدلكم على الناس اللي يطلبونه او الجهات المعنية !
وسددوها عادي
بس شلون يعني هل هو وياه اثباتاته وأوراقه الرسميه ؟؟
اذا مو وياه اخذوها معاكم , ماادري احس السالفه اكبر مني مااعرف بس ماحبيت اطلع من الموضوع بدون رد 
والحمدلله اللي لم شملكم بعد كل هالفتره الطويلة ..
قرّت عينكم …
والله يفرج كربته ويريح بالكم
وبالنسبة للاجراءات ماعندي فكرة والله
بس اختي سؤال فظولي يعتبر .. شلون حكمتو ان اهي اللي مسويته السحر ؟؟؟ وانفك الحين؟
انشالله البنات
يفيدووونج
انتي بتجين الكويت وبتدخلون حالكم حال اي واحد يدش الكويت
بالنسبه لخالج اخذو تكسي وروحو لجبد واعرف مكانه
بس يفضل معاكم رقمه الخاص
وغير جذي اذا لقيتوه
حاولو تسددون ديونه
يعني اذا يبون يقبضون عليه بسبب الديون
هذي الاجراءات والاشياء هذي ماعرفها
بس اكيد حلها بالمحكمه
لازم يكون عندكم مبلغ تقدرون تسددون دينه
وتقدرون تدفعون للمحامين
والله يفرجها عليكم
وبشرينا عقبها بردة خالج لكم
الله يفرج همكم
أبشركم أن خالي البارحة ساعة 1 منصف الليل رجع لنا بكينا من الفرحة له وصل عمان دولته وناسه عند أهله الحمدلله الحمدلله الحمدلله
من ناحية البنات اللي قالوا اشلون مسحور أنا أخبركم ( الله يسلمكم عيال خالتي كانو صغار كانت الهندية تأخذهم معاها لما تركب القارب اهلي ساكنين منطقة بحرية البيت قريب من البحر يمكن 12 خطوة وانتي قدام البحر المهم كانوا عيال خالتي يقولون أنها كانت تأخذ سمكة صغير تحط داخل فم السمكة رماد الجثث الميتة في الهند وترميه بالبحر على كل مسافة هذا الشي يصير يوم الخميس قريب المغرب ) عرفتوا يا بنات الحمد لله تصدقون حتى زوجته راحت عند مفتي عام السلطنة قالوا تعتبر طالق إذا ما جاءها زوجها أكثر من 8 سنوات
(كما تدين تادن كما تفعل تجازى مثل ما فعلت)
تصدقون يا بنات أن هذي الهندية بعد ما طلع خالي من عمان تقريبا 10 سنوات بنتها هربت مع واحد وتزوجته بالمحكمة و زوجها تبرى من بنته يعني هي حرقت قلب أم على ولدها الله سبحانه وتعالي حرق قلبها على بنتها
يمكن كان طيش شباب ؟؟
اشلون حكمتو ممكن توضيح ؟؟