رشحوا لي أفضل جراح تجميل (شفط جوانب + تكبير المؤخرة)

السلام عليكم

كل عام وانتو بخير بنات

أدري القسم زحمة حيل وفيه كلام تفصيلي عن كذا دكتور

بس الردود حيل متناقضة

قررت أسوي شفط جوانب وشوي من الفخوذ وبكبر المؤخرة بالدهون الذاتية لأن يبيلها رفع شوي
ويمكن أشد صدري

رحت لـ د. محمد معروف بالمواساة
بصراحة خوش دكتور والكشف كان مجاني .. وما شالله العيادة زحمة
وكل شي شغل ايده بالمستشفى 2000 دينار ( شفط جوانب وفخوذ وتعبئة بالمؤخرة) بدون شد الصدر

بس سويت سيرش عنه اخترعت لأن يقولون انطرد من رويال لأنه كان بيسبب مشاكل صحية لمريض
بسبب البنج تقريبا .. حتى لما رحت له ما وافق على تخدير موضعي وانا اخاف من الكامل

شرايكم بشيرين ابو الفتوح ؟؟ وايد امدحوها لي بس عيبها يقولون مو شاطرة بالخياط ..

مين ترشحوا لي .. دكتور شاطر وأهم شي أمان من ناحية التخدير والخياط يكون نظيف
بس رجاء ابتعدوا عن نيشو وعادل قطينة ..

وعملية شد الصدر ما أبي تكبير .. هل لازم يغير مكان الحلمة ؟

ويعطيكم العافيه مقدما

انا سويت شد بطن وزنود ..

عند الدكتور اشرف عبدالقادر ..

حلو شغله ماشاء الله ومريح

بس شوي غالي يعني مو حيل يعني يفرق جم 100 دينار عن الدكاترة الثانيين

قطي فلوسج بالشمس وقعدي بالظلال

شوفي هذيل المواضيع جديدة فرش ..

وكلنا عند نفس الدكتور اقريها وتمعني عدل بكل الكلام والردود واهم شي استخيري والله يوفقج

الحمدلك يارب ….وأخيرا سويت شفط وشد البطن عند الدكتور أشرف

شفط وشد اشرف عبدالقادر

شديت بطني وزنودي وجسمي كله ماي _ مساعده

بس انا تجربتي مثل ماقلت لج شد مو شفط وتعبئة عاد انتي شوفي وقرري

بالتوفيق

لرفع

انا مفتره على جم دكتور الكل الحين يشتغل بنج كامل مافى موضعي حق الشفط والى يقولج موضعي ماراح يشفط وايد لان ماراح يقدر يتعمق اكثر من طبقه وراح تحسين وتعورين
والافضل اشرف عبدالقادر وروجيه خوري

ما شاء الله 3 ترشيحات لأشرف عبد الله ..
خوفتوني من دكتور شيرين كنت بتوكل على الله واروح لها أهون من دكتور رجال

كلي غنج .. يعطيج ألف عافيه ما قصرتي
الأميرة جوري .. الله يرفع قدرج حبيبتي
am ksha .. يعني للحين ما استقريتي ولا حددتي موعد عملية ؟؟
ووين بتروحين أشرف ولا روجيه ..

وحيدة أمي .. مشكورة حياتي ع الافادة .. شكلي بهون عن شيرين لأن كل تجارب شد الصدر عندها فاشلة

بانتظار بقية العضوات ..

وااو سويت عنه سيرش الحين النتايج تبرد الجبد ولا وحدة ذمته
خصوصا الخياط أهم شي عندي شغله نظيف

بالنسبة لهالدكتور من خلال قراءتي عرفت انه مصري .. ماله عيادة بمصر ؟؟
لأني حاليا بمصر وما رح أرد الكويت الا بعد 5 شهور

وشلون اسعاره ..

ماعتقد عنده عيادة بمصر

لان مرة سألته / دكتور ماشاء الله انت تسافر بشكل دايم عندك عيادة بمصر

قال لا والله اروح اشوف عيلتي ..

يشوف اهله المسكين ماعتقد عنده

بخصوص الاسعار..

انا كتبتلج بأول رد لي ..

( بس شوي غالي يعني مو حيل يعني يفرق جم 100 دينار عن الدكاترة الثانيين

قطي فلوسج بالشمس وقعدي بالظلال )

موفقه

لو فكرت اسوي
ما راح اختار الا اشرف عبد القادر
لان بالفترة الاخيرة يمدحونه ما شاء الله
وخصوصا البنات اللي نثق فيهم بالمنتدى

ما اقول لج اختاريه وانتب مغمضة
لكن اقول لج خليه اختيارج الاساسي وابحثي عنهاكثر بجدية

وصج نسيت
سمعت عن الدكتور هشام ابو رزق
"كويتي" متخصص بالجراحة التجميلية الترميمية
اسئلي عنه بعد

سما

هشام ابو رزق واشرف انا اعتبرهم مستوى واحد

وعلى فكرة قبل لا اروح لــ اشرف كنت ابي هشام

بس عيادته كانت فل ولما دقيت اخذ موعد هذيج الايام طبعا .,.

قالت مافيه موعد الا بعد عشرين يوم المواعيد فل وزحمة فــ رحت للخيار الثاني الي اهو د اشرف

هذا وذاك اعتبرهم واحد ..

بناءا على السيرجات الي سويتها والي اتضحلي من خبرة ومهارة هالدكتورين

وطبعا انصحها عن دراية بــ د هشام وعن تجربه د. اشرف

موفقين

بيرفكت

انصحج بهالدكتورين وانتي استخيري وقرري

وللامانة انا لما سويت سيرجات وبحثت وخلاص قررت العملية

ماكان ف بالي الا هالاثنين لان من جد شطار والكل يمدحهم

وإلي كاتبه ربج يصير

موفقه

والله ما قصرتي يا حبيبتي كلي غنج
وانتي بالنسبة لي من البنات الثقة اللي بالمنتدى

انا مفكره ارفع او اشد خدودي
احسهم شوي طاحوا صوب الاذن

من خلال بحثج
من تتوقعين يضبط لي هالشغلة
اشرف والا هشام !؟

واعتذر لصاحبة الموضوع
على المداخلة "العرضيه"