|
|
بنات شلونكم ؟؟
بنات بقولكم سالفه وياريت تنصحوني لاني ضايعه فيها وهالسالفه مو هينه
انا حطيت هالموضوع هني عشانكم كلكم متزوجات ووتعرفون احسن مني
بنات انا عمري 21
بس لمن كنت صغيره امي وابوي كانو متطلقين من بعض لمدة خمس سنوات جذي
يعني بفتره سنه 97
وانا بوقتها كان عمري 7 سنوات كنت بالابتدائي وصغيره وايد ماعرف شي كلش حتى دوره مايتني الا متاخر
المهم بنات
انا تعرضت لتحرش من ولد عمتي كان عمره ماذكر بس بالمتوسط كان ايامها
وصدقوني وربي لوتسالوني اي سؤال انا مااذكر لاني صغيره وقتها وومحد كان عندي كنت عايشه عند جدتي لان امي بيت اهلها وواهلها مايبونا وابوي مسافر وقتها خلانا عندي جدتي و سافر برا لمدة سنه وجدتي كبيره وعلى بنه يهال نلعب مع بعض تخلينا
بنات ولد عمتي عنده اخت واخته كانت اكبر مني بسنتين وكانت تمهد لي على التحرش تقولي سوي اللي اخوي يقول عليه اخوي يبيج المهم مااذكر الكلام بالضبط بس اذكر شكلها واهيا تمهد لي بتحرش اخوها وفعلا انا سويت اللي قالتي عنه اخته وسويته اكصر من مره ماابي احدد لاني وربي مااذكر بس اذكر المرات اللي تصير واذكر الموقف وووبنات انا ماادري اذا اصبحت من بعده مره والا للحيني بنت
لاني وقتها صغيره وماعرف شي وربي ماعرف يعني بنت عمرها 7 سنوات وايام قبل ماعرف وربي اكتب وانا ابجي لاني متعقده من هالموضوع حدي بنات انا الحمدلله من عايله وحموله طيبه وفيني دين ومتعلمه وبالجامعه ادرس بس هالسالفه محد يدري عنها الا الولد واخته وانا
واخته من ايامها وكل مااكبر اكرهها زود ولين صرت مااحاجيها كلش بسس مااتجرا ابطل الموضوع هذا يعني مابطلته ولاتحجيت فيه من 13 سنه لااي انسان مع اني بال 13 سنه مسبب لي عقده مايعلم فيها الا ربي
بنات وربي كله ادعي ربي وكله مخترعه من هالموضوع واخترع لمن احد يي يخطبني مااوفق وابجي مع انه مالي ذنب ……….. بنات نوروني قولولولي اي شي
انتي حزتها ياهل وصغيره بس عندج لسان شاللي اربطه وماقلتي حق يدتج يعني اسم الله عليج تفهمين ان هالشي غلط ومايصير جان طرتي وعلمتي يدتج
المهمممممم الحين لازم تبطين الجربه وتقولين حق بنت عمتج عن اللي مضايقج قوليلها ذنبي برقبتج وماحللج لي يوم الدين وانا كل هالسنين ساكته لاني خايفه منج وكنت ياهل بس الحين كبرت واكو مخافر واكو من ياخذ حقي يا اما انج تروحين معاي للطبيب يكشف علي واشوف شكو ماكو والا ببط الجربه واقلب عاليها واطيها وعلي وعلي اعدائي خرعيها خل تروح معاج الطبيب وشوفي عمرج مع اني متأكده ماعليج الا العافيه بإذن الله
واذا ماتبين تقوليلها روحي ابروحج وشوفي لج طبيبه شاطره تطمنج ون ياج نصيبج لا تردينه عرسي وعيشي حياتج وترسي بيتج عيال يشيلونج باجر لي كبرتي
الله يهون عليج بمصيبتج ويستر عليج ويطمنج ويريح قلبج يمه
انا استحي وايد واخاف تكبر السالفه ويدرون اهلي وخصوصا ابوي انا ماهمني بهالدنيا الا ابوي سالفه قويه مو هينه انا خشتها طول هالسنين عشان عيون ابوي مو عشانه اهو واخته
والطبيب اللي قلتي عنه فكرة اروح له بس هم اخاف مااعرف شقولهم ووالا اي دكتور اروح له لاني ماعرف هالسولف
مشكوره على الرد
وطمنينا عليج
الله يستر عليج ويوفقج
حبوبه من راي انج تروحين الطبيبه وتكشفين وحزتها شوفي عااد بس مانصحج تتكلمين معهاهم بالموضوع
لانهم بينكرون ومن يثبت عليهم هالشي وبيقولون تبي تتبلانا>>وهذا الوقت بتكونين فضحتي نفسج بس،،
روحياكشفي وتاكدي ،،
والله ينصرج ويسهل امووورج
وادعي ربج مايرد دعووه احد لجاء له
ماظن صار شي جايد يعني ان شاءالله للحين بنت
ومره قريت موضوع انه الطفله اذا صار لها شي واهي صغيره
الغشاء يرجع مثل قبل بس عشان ترتاحين روحي لطبيبه
الله يهونها عليج يارب
روحي عند دكتورة نساء وتأكدي
| مانصحج تتكلمين معهاهم بالموضوع لانهم بينكرون ومن يثبت عليهم هالشي وبيقولون تبي تتبلانا>>وهذا الوقت بتكونين فضحتي نفسج بس،، |
عددل كلامهـآ
والله يسستر عليج ياقلبي
قلبي لاتحاتين انا اعرف كثير تعرضوا للتحرش واهم صغار وكبروا والغشاء لسه موجود
وطبيا عادة يكتمل الغشاء عند البلوغ لاتحاتين واكيد انت بنت بس انت ادرى باللى صار يفرق التحرش عن العمليه كامله
وطمنينا عليج ياقلبي
اعرف وحده نفس قصتج رحت وياها حق الدكتور والدكتور باممريكا لان ما تبي فضاايح بالكويت ونفس العمر تقريبا تعرضت حق تحرش جنسي
افحصت وجذي اطلعت للحين بنيه تتوقعين ليش
سبحان الله بعد البلووغ يتكون الغشاء من يد ويديد يعني قبل لاتبلغ لبنيه يكون مو متكون عدل عرفتي 
الله يستر علينا اجمعين لاتحاتين انتي للحين بنيه
لان تكون الغشااء مره ثانيه عقب البلووغ
اعرف وحده نفس قصتج رحت وياها حق الدكتور والدكتور باممريكا لان ما تبي فضاايح بالكويت ونفس العمر تقريبا تعرضت حق تحرش جنسي
افحصت وجذي اطلعت للحين بنيه تتوقعين ليش
سبحان الله بعد البلووغ يتكون الغشاء من يد ويديد يعني قبل لاتبلغ لبنيه يكون مو متكون عدل عرفتي
الله يستر علينا اجمعين لاتحاتين انتي للحين بنيه
لان تكون الغشااء مره ثانيه عقب البلووغ
روحي الطبيبه وسأليها طلعي اي عذر قولي طحت اي شي
فض البكاره
فيه الم وصراخ ودم
اذا ماتوفرت عال 3 اشياء
فانتي مازلتي بنت
واذا حابة تطمنين اكثر راجعي دكتوره امراض وولاده
وبفحص سهل وبسيط تعطيج النتايج
فوفو
صدقينــي هذا وسواس الله يستر عليج ان شاءالله