دشي فيدي و استفيدي عن الولاده بالمستشفيات خل يكون مرجع شامل

السلام عليكم كروشات *….*
كل وحده تكتب عن المستشفيات اللي حاطتها فبالج للولاده سواء قررتي او لاء *.. مع سبب اختيارج للمستشفي .. مع نوع الغرفة اللي تبينها والسعر اهم شي .. *لا تقولون لي ان في موضوع مثبت عن اسعار الولاده لان هالموضوع من 2024 وما تلقون فيه اللي يفيدكم لان اغلبه سوالف بنات ..

يالله انا ببدي وياكم : انا كنت حاطه فبالي السيف لانه راقي وسمعته زينه بس نظرا للمزانيه الصارمه حطيت فبالي المواساة ال في اي بي *والامومه الغرفه العاديه لان ما عندهم غير العاديه والكبيره اللي فوق الالف *ودار الشفا وميزانيتي بحدود 650*
وان شالله راح اروح لهم بجوله خاصه وارفقها بالصور*

يعطيج العااافيه

انا بالنسبه حقي ولاداتي اللي طافت كانت بدار الشفا والحمدالله واااااااااايد وايد نرتاحه عندهم

وهالمره بعد مقررة اولد هناك

لانه الصراحه الغرف ما عليها كلام وحتى السسترات واحس ما فيها عيوب وايد يعني اهون من الباجي هذي وجه نظري انا

وان شاء الله بأخذ الملكي وايد مناسب والسعر ب 860 بس بروح على الاسبوع هذا

برتب اموري واشوف شنو الزيادات وجم بالظبط تطلع الحسبه لانه دكتورتي من برا

والله يسهل ومشكورة مره ثانيه

…..

انا ولت قيصري برويال غرفه ليلي طلع علي 1300

والله يسهل علينا كلنا

وبالنسبه للامومه …
قالي ان في عندهم عرض لاخر شهر 10 بس اقدر احجز على هذا العرض اذا كانت ولادتي احتمال انها اتكون ابشهر 11…
والعرض هو خصم 50% على كل الغرف حتى العاديه …
والولاده عندهم مع الغرفه العاديه … قبل الخصم كانت 500 دينار,,وبعد الخصم
250 دينار و25 دينار للمرافق مع اقامه يومين وفتح الملف 4 دنانير…
بس فتح الملف ماله شغل ابسعر الولاده يعني اذا اروح الحين وابي اسوي سوووونار وفحص ادفع بس 4 دنانير ..
((يعني السونار والفحص )) مجاااني … والعرض هذا ساري لآخر شهر عشره …

وسالتهم منو احسن دكتوره عندكم عددتلي حوالي اربعه ومنهم عبير … وقالي احسن وحده فيهم عبير…. وان المراجعين يطلبونها بالاسم وهيه اول كانت بالهادي ….
والصراحه رحت شفت الغرف حدها حدها عجيبه وذربه وراقيه لابعد الحدووود …وحتى الحمام عزكم الله مرتب وراقي وفيه شور بوكس ..يعني مو نفس المواساه … الي بالغرفه العاديه …. وانا اتكلم عن المواساه لاني امجربته بالغرف العاديه …وهذا غرفته العاديه اكبر من المواساة بشوي مع تلفزيون ابلازما وكل شي فيه راقي وحديث … المستشفى هادي بصوره عامه ..
انا الصراحه عجبني … وفي تره اكثر من غرفه مفتوحه …
اي بنات حتى شفت غرفة الولاده ….حدها مريحه وحلوه …سوري نسيت اقولكم عنها….
خخخخخخ فريت المستشفى كله…ههههه