|
|
شلونكم حوامل , , ,
الله يسهل علي وعليكم يارب , ,,
اليوم يايبتلكم خلطة حق جرح الولاده علمتني عليها صديقة يزاها الله ألف خير .
أنا سويتها حق أختي وحق صديقتي واليوم بان الله بسويها حقي بس قلت أكتبها لكم قبل لا أقوم أسويها , وانشاءالله تستفيدون منها , وعلى فكره اختي سألتها دكتورتها وكانت " د.بهواني " اللي بمستشفى هادي انتي شنو مسويه جرحج وااااايد نظيف وصديقتي دعتلي وايد وقالت لي حدها عجيبه هالخلطة .
المكونات :
1 – موميه (تنباع عند الحواي) استخدمي العلبة كلها .
2- زيت زيتون 2 كوب تقريبا .
3- 4 ملاعق كبار كركم أكل . (الكركم يساعد على التئام الجروح)
4- كسرة مره مطحونه عدل .
يسخن الزيت على النار ونضيف عليها باقي المكونات ونحاول نذوب الموميه بالزيت لأنها صايره مثل الدبس أو العسل , حيل صاكه أنا أحط القرشه واهي مسكره بماي مغلي علشان تذوب وأقدر أطلعها بقفشه واخلطها مع الزيت .
وبعد 5 ايام من الولاده تاخذين من الخلطة وتحطينها على الكوتكس تكرمون ولبسينها ومع كل تغيير تحطين من الخلطة وانشاءالله تدعونلي . بس لبسوا اندر وير غامج لأن لون الكركم يتلف الدنيا .
وانشاء الله تستفيدون منها يارب .
وهذي صورة الموميه :
بس كل وحده ولدت لازم تستخدمها والا لا انا والده لي شهر الحين
ونشالله اجربها بولادتي
مع التحية……….
وان شاءالله بجربها ……..
أمي تسوي نفس الخلطة بس جنه تضيف لونها احمر اسمها الخواجوا
ولازم تنحط على الكوتكسه موو الجرح مباشرة لانه بيطررري الجرح وايد
وهالشي ما يخليه يبرا بسرعه ..
شكرا نونيا …
|
المشاركة الأصلية كتبت بواسطة آخر ذكرياتي
 مشكوره اختي
بس كل وحده ولدت لازم تستخدمها والا لا انا والده لي شهر الحين |
اهي حق الجرح وحتى قبل لا تشيلين الخيوط وعقب ما تشيلينهم لين يبرى جرحج بس اذا صار لج شهر احس ما منها فايده خلاص .
|
المشاركة الأصلية كتبت بواسطة Brounzi_girlly
حبوبة شنو فايدتها؟؟؟ بس تنضف الجرح ولا لها منافع ثانية……….
مع التحية………. |
اهي سبحان الله تساعد الجرح انه يبرى بسرعه وتعقمه هذا اللي انا اعرفه .
|
المشاركة الأصلية كتبت بواسطة الجوهره70
مشكورة واتوقع عند البدو أسمها خواجوا بس مانحط كركم وانا حسيت انها تلين الخياط مادري ليش
|
ما أدري والله اذا اهي نفس الخواجوا والا لأ لأن انا عندي من الخواجوا شكله مو جذي سائل . وعموما اهي مكتوب عليها موميه حيواني .
والعفو حبيبتي ما سويت شي .
|
المشاركة الأصلية كتبت بواسطة أوشال
هلا نونيا
أمي تسوي نفس الخلطة بس جنه تضيف لونها احمر اسمها الخواجوا ولازم تنحط على الكوتكسه موو الجرح مباشرة لانه بيطررري الجرح وايد وهالشي ما يخليه يبرا بسرعه .. شكرا نونيا … |
هلا اوشال . . .
اي حبيبتي انا كاتبه تنحط على الكوتكس مو على الجرح دايركت مع ان والله اختي كانت تحط منها على قطنه وتمسح الجرح بعدين تصب على الكوتكسه وتلبسها وتقول الجرح ماشاءالله حده نظيف .
مشكوره مواضيعج دايم مفيده