|
|
قوووووه بنااات شلوووونكم …
في بنات كثير فترة النفاس ما تعرف شنو يسووون او شنو المفيد لهم ..
عشان جذي حبيت اني احط لكم جم شغله سهله .. تقدر اي بنت تسويها لنفسها .. او حتى تعلم الخادمه عليها .. عشان وقت النفاس تسويها لها …
اول شي .. في عندنا :
شاي الزنجبيل 
الطريقه :
نحتاج زنجبيل مبشور ـ او مطحون ـ 3 ملاعق
4 اكواب ماي
3 اعواد قرفه ولو ما عندج عود حطي ( ملعقة مطحونه ) متوفر بكل الجمعيات
اول ما يغلي الماي .. نحط القرفه و الزنجبيل . و نصبهم بالكوب ونشرب منهم فترة النفاس ..
على الاقل كوبين في اليوم .. عشان يطلع الدم وينظف الرحم ..
اللي تبي تحلي الشراب هذا تحليه بالعسل . او السكر . او سكر النبات ….
شاي الزعتر
الزعتر تلاقونه عند العطار .. او في الجمعيات ينباع .. جيبوا كميه .. باللغة العربيه الفصحى يسمي ( الزعتر ) بس عندنا اسمه ( زعتر ) او ( إزعتر )
الطريقه :
نبي ماي 3 الى 4 اكواب
ملعقتين زعتر
يغلي الماي .. بعدين نحط الزعتر .. ونسكر النار
خلوه بالغوري لمده 10 دقايق عشان يخمر عدل .. ويتركز الطعم
طبعاً النبته هذه ما تنغلى .. انتي بس ظفتيها على الماء الساخن وسكرتي عليها ..
بعدين تصبونه بالكوب و تشربونه محلى بسكر
للاكل :
تمره الحبه السوداء :
عندكم التمره مع الحبه السوداء .. وااايد زينه
التمر عاديه جيبوا التمر و اخلوه من النوا
وصبوا عليه حبه سوداء . و ملعقة كبيره دهن .. و اعجني التمره بايدج ..
واذا تبين سهوله بالعجن .. حطي التمره على النار بمقلاه .. عشان يصير العجن سهل ..
تاكلين هذه التمره من اول يوم ولاده لـ 30 يوم … بعدين توقفينها ..
في اكله حلوة انا كنت اسويها لخواتي …
شفتوا شوربه كويكر ..؟؟
سويها شوربه ..
بالجدر حطوا البصل . و الثوم . وخليه يطبخ شوي .و حطوا قطع اللحم المكعبات .
و صبوا عليه الماي وزيدي الفلفل الاسود .و الفلفل الاخضر البارد .. و شوي جزر .. الخضا اللي تبينها .
اول ما يستوي اللحم .. حطي ملعقتين من الكويكر ..
لما تصبينه بالصحن .. زيدي عليه من المردود اللي عندج ( يكون مطحون ) …
في حريم وقت النفاس ..يستخدمون المره .. المره حلوة بس انا دائما اقول المره ما ينغسل فيها ولا يتنقع فيها .. حريم تنقع نفسها بالمره وينصحون الغير بهذا الشي ..
المره استخدامها الوحيد يكون شرااااب .. انا بالنسبه لي انقعها بالماء … واشربها .. ( ان شاء الله ) بس بالنسبه حق رفيجاتي وخواتي .. انصحهم دائما بشرب شراب المره .. مو الغسل فيه !!!
وطبعا لنفسه اللي يعطيها الطبيب مضاد حيوي .. ما يصير تستخدم المره كلش .. لان معروف ان المره توقف عمل المضاد الحيوي …
الحين نجي حق قشر الرمان :
قشر الرمان شي مو طبيعي للمرأة يعدلها عدل ..
انا قبل شوي كلمت الحرمه اللي اخذ منها الاغراض .. و الله يا بنات ما شاء الله عليها .. اهي اللي نبهتني لقشر الرمان .. بنات ما تدرون الفوايد لهذه الرمانه شلوووون كثيره ..
اول شي قشر الرمان اياني واياج تاخذينه مطحون من اي احد .. اصلا الاعشاب كلها لو ما تغسلينها بنفسج و تطحنيها .. ما تقدرين تشربينها …
شوفوا بنات …
اما تجيبون القشر مطحون من جهه موثووووقه 100 %
او انكم تجيبون الرمان .. و غسلون القشره . و تحطونها بالشمس الظهر يومين ثلاث مني ليما ييبس
و بعدين تطحنونها …
النفاس في نفاسها .. تجيب كوب حليب ساخن وتظيف له 1 ملعقة قشره رمان مطحونه .. وشوفي الفرق !!! شي مو طبيعي . .واللي ما تحب الحليب تحطها مع الشاي او النسكفيه او القهوة او حتى صحن شوربه المهم شي ساخن …
انا المردود اللي اعطيه للحريم يكون فيه نسبه من قشر الرمان .. لان قشر الرمان اهوا اللي يوقف الافرازات اللي تصيب الحرمه .. خاصه بعد الولاده ااكد عليكم لازم تكون القشور يابسه ومطحونه .. اللي مو مطحونه مو زينه توقف الدم وتجمده داخل الرحم !!
في الايام العشره الاخيره …
مشكله لان الدم يصير خفيف .. و مرات يكون نقط .. وعند حريم خيوط ..
عشان جذي العشره ايام هذه احتمال كبير يكون جت الدوره ..لان الدوره اللي بعد النفاس مرات تجي على آخر الاربعين ومرات ما تشوفينها ( حسب الرضاعه ) …
المهم الايام هذه .. لازم ولا بد يكون فطورج و اكلج شوي ثقيل وفيه اعشاب عشان لو في شي يطلع ويفكج من اول العشره ايام هذه …
ممكن الفطور يكون عباره عن تمره و زبده 0حوسيهم على النار 0 وزيدي عليهم شوي من حب الرشاد . التمر شوي مو كثير .. سوي لج طاسه صغيره و شويه زبده ( مو لورباك ) …و الرشاد .. عشان لو تم دم في الحرم ينزل معاج بالايام هذه ..
الغدا .. ممكن يكون ثريد . مع شوي من الاعشاب الي عندج المطحونه
او ممكن يكون …قبوط .. اللي تقدرين عليه ..
اكيد في اشياء كثيره انا ما ذكرتها
منها شراب قشور القهوة ..
هذه تسوينها تحطينه بالثلاجه .. يوم تبينه اطلعين منه كوب .. وتغليه وتشربيه ..
قشر قهوة ـ حب رشاد ـ حبه سوداء ـ قرفه ـ ماي ـ السكر حسب الرغبه
تغلينه ربع ساعه .. بعدين خليه ببطل وخليه بالثلاجه .. كل يوم اخذي منه كوبين …
( هذا شي خاص فينا حنا دائما نسويه لحريمنا .. ) صراحه ما ادري عن البقيه ..
طبعا هذا شي وجيز من الاشياء اللي تقدر تسويها لنفسه لنفسها ..
وفي اشياء كثيره .. يمكن حوايجي اللي استخدمها غير غيري . لان تعرفون كل قبيله نفاسها غير .. نفاس الرشايده و العوازم و المطران وشمر وعنزه غير عن بعض …
ملاحظة : الحين انا موقفه بيع كورسات النفاس لان انتهت ما عندي
ان شاء الله عقب العيد .. اردها .. ما عندي الا التمره العجيبه
وبارك الله فيكم .. وان شاء الله تقومون بالسلامه ..
و عسى ربي يرزق كل محرومه الذريه الصالحه …..
وياليت تزيدينه من خبرتج
وبغيت اسالج عن الكبو الموجود عند العطار زين للنفسه ولا مفعوله عادى واذا في احسن منه او شي احنا انسويه في البيت
وحفظت الي انتى كاتبته اسويه باذن الله كله بنفاسي
بتابع موضوعج ياليت تجددين فيه وتكملين لنا الوصفات
اختج فينوس
|
المشاركة الأصلية كتبت بواسطة ناني سيكرتس
 والله خوش موضوع, كل الوصفات الي قلتيها سهله حيل, مشكوره حبيبتي وما قصرتي..
|
ما سويت شي ياقلبي
والله موضوعج فادني لاني الحين حامل
وماعرف اسوي شي بالنفاس
يعطيج العافيه
|
المشاركة الأصلية كتبت بواسطة الفودرية
يزاج اللة خير على المعلومات القيمة بس عندى سؤال يصير اييب قشر الرمان من الحواج ومتى استخدمة؟
|
لا يا قلبي قشر الرمان الافضل و الاضمن انج انتي اللي تطحنيه ..
يعني لو تبين تجيبينه من العطار .. انتي طحنيه بالبيت ..
اختي الافضل تستخدمينه كل يوم على الاقل كوب باليوووم ..
بعدين اول مرة اسمع سالفه المره انها توقف مفعول المضاد الحيوي جزاج الله خير نفعتينا بخبرتج
بعدين اول مرة اسمع سالفه المره انها توقف مفعول المضاد الحيوي جزاج الله خير نفعتينا بخبرتج[/QUOTE
العفو حبيبتي ما سوينا شي
شكلهم واااايد زينين