|
|
السلام عليكم ورحمة الله وبركاته
شلونكم كويتيات شخباركم
الجامعه ينوا الحمدلله والشكر جنه ناقيص
كنت مسجله ماده عالوينق و بقالي تقريبا 4 بنات قبلي … هذا امس
توني دخلت مره ثانيه والا الماده محذوفه و يوم دخلت بسجلها مره ثانيه الشعبه مغلقه !!!
شسوي الحين وانا ابيها ضروري ؟؟ اتوقعون اذا رحت ايام الباي فورس يسجلوني ؟؟
اول مره تصيرلي هالسالفه شسوي قولولي
ومشكوريييين
حدي منقهراااااااااا اسحبو مني مادتين كنت عل ويتنق رقم 5 …
كانو بيساعدوني وايد حق التخصص صج اي شي ..
ورفيجتي مسكينا كانت رقم 1 وسحبوها !!!!!!!!!!!!
يلا ننطر لوقت الباي فورس ونشوف ..
شكل الجامعه كلها بالباي فورس الله يعين ولاااا بعد مسوين لنا التكنلوجيا نسجل بالنت
انتم سنعوووو حالكم بالاول وافتحووو شعب بعدين تكلموووووو
وربي بديت اهستر من موقعهم اللي نفس فيسهم
حديييييي منقهره لازم اخذ هالماده الحين لانها مسبق جم ماده
مالي خلق باااي فورس بهالحر ورمضاان بعد
حديييييي منقهره لازم اخذ هالماده الحين لانها مسبق جم ماده
مالي خلق باااي فورس بهالحر ورمضاان بعد
مشكورين حبيباتي والله يعينا و يعينكم
و انا اقولج اذا ما رحتي من الــ 7 الصبح مالج مكان و لا مواد و لا ارقام حتى
و اذا تعرفين بنات خاصة " ائتلافية " دقي عليهم و خلي وحدة تضبطج برقم مبجر لا يخشونهم حق ربعهم
و و و و و و و سجلي اكثر من مادة على ورقة عساس اذا استصعبت عليج وحدة بسرعة تلقين الحل لا تفكرين عندهم داااخل
و الله يعين
بيقولون مانقدر واحنا بروحنا ما سجلنا كالعاااده هذا كلامهم مامنهم فايده
توقع الغير متوقع مع جامعة الكويت الموقره
هذه شغلات عادي تصير وايد
انا مره كنت مسجـــله وخالصه مو ويتنق واليوم الثاني الا انا محذوووفه من الماده مع انه الماده موجوده موو الماده اللي انحذفت انا اللي انحذفت بكبري
ومره ادش التسجيل اشووووفهم مسجليني ماده بكيفهم اهما مختارينهااا
يالله الله يكون في العون
واذا على البايفووورس
على حسب الكليه وعلى حسب القسم
وان شاء الله تقدرين تسجلينها مره ثانيه
مزيانا 
|
المشاركة الأصلية كتبت بواسطة لوالو_q8
 بطاطا اخاف بس الائتلافيه بيسوون شي!!!
بيقولون مانقدر واحنا بروحنا ما سجلنا كالعاااده هذا كلامهم مامنهم فايده |
انا معاج بكلامج بس اهم الحين هابين ريح هههههههههههه عشان الانتخابات بس
انا ما ارشح بس هذا معروف قبل الكورس الاول احنا السادة و اهم …………… هههههههههههه
الدنيا مصالح تمصلحي شنسوي بعد
حسبي الله على اللي كان السبب
و بنات في مواد تنسحب " حتى لو ماكو ويتنغ " يكون ماكو دكتور بسبب تغيير جدول .. او ان الطلبة اقل من العدد المشروط لفتح شعبة معينة و جذي
و اختي مزيانا تاكدي ان محد يعرف رقمج ترى تصير هالسوالف !!!!
اللي تعرف وحدة تعرف رقمها السري و الجامعي على طول خل تغير و ترتاحوووون
موفقييييييييييييييييييييييييييييين
عاد امس وحده دازتلي مسج تقول اذا تبين شعبه دزيلي رقمج الجامعي واسمج الثلاثي
ادري بس حجي بس بيبينون انهم سوو شي
وبنات ترا كل شي خيره لاتحرون عمركم..
والله يوفقكم يارب…
خل اجيك ع جدولي..
موفقين ان شاء الله