حلق شعر العانة

سلام عليكم بنات
راح تستغربون من العنوان بس هذا الموضوع
وحده دزت لي ايميل عن الحلق والنتف ويمكن مر عليكم
تقول فيه انه في حديث الرسول صلي الله عليه وسلم امر بنتف الابط وحلق العانه
انا بصراحه دايم استخدم الشيره وعندي لها عده مرايه وفوط وكم باديه شي حق ماي حار ….الخ
المهم لما رحت الدرس سألت التي تعطي الدرس واهيا اداريه بحملة العساكر
قالت لي انه هالكلام صحيح وانه الشيره اتنزل الرحم وتسوي البتهابات
وانه الدكتوره مالت الحمله قالت لهم هالكلام وحذرتهم تحذير شديد من نتف العانه
وانه اكثر الحريم اللي يشيلون بالشيره يحوشهم هبوط بالرحم ويشيلون رحمهم
اعاذنا واياكم الله اللهم عافنا ولا تبلانا
فسألتها شنو الحل قالت اما فييت او ماكينه للاماكن الحساسه
وعلي الفكرة الطبيبه مالت الحمله اهيا دكتور بالصباح بالودلاه
واتقول احنا نحذر الحريم من الشيره

سؤالي ؟؟؟ هالكلام صحيح 100% لانه لا ينطق عن الهوا
صلي الله عليه وسلم

بس قد احد طبق

صح كلامهم لان هم سمعت وحدة دااعية سالوها البنااات عن هالشى وحذرتهم من استخدام الشيرة للماكن الحساسة

بس الشيرة انظف شي اهالينة من عمر شيرة وماصار فيهم شي مادري

جووفي يالرقي

بغض النظر عن كلام الداعيه

فيه دراسات طبيه تفييد انه الشيره ترخي الرحم وخاصة حق اللي مو متزوجاات اللي متزووجات عادي …

بجي يه حديث الرسووول انه احلقووا العانه وانتفوا الابط

آنا والله ماستغني عن الشيره ,,وبحاول هالمره اسنخدم المووس

انا نفسج ولا عمري شلت بموس بصراحه انظف
ويطول علي مايطلع
بس اذا موت او كريم بيصير كل اسبوع استخدمه
والله المستعان

عليه الصلاة والسلام .. لا ينطق عن الهوى … لكن ما سألتي نفسج إن ممكن في عصر الرسول ما كان في شيره !!! يمكن أنسب طريقه و اسهل كانت الحلق .. خصوصا و إن القصد من الحديث الشريف النظافه الشخصيه خصوصا للرجل لأن الرجل بالعاده ما يهتم بالنظافه خصوصا بمنطقة العانه و الإبطين .. فكان لازم ينبه الرجل للمعلومه هاذي … طبيعة المرأه الزينه و الجمال و التطيب و أشياء أخرى لكن الرجل لأ .. و لو فكرتي فيها ترى الرجل مستحيل يقدر ينتف شعر المنطقه الحساسه ممكن تسبب له فتق و تسبب ضرر كبير لأعضائه الجنسيه .. فشي طبيعي يحلق .. اما الأبط ف سهل نتف الشعر منها .. هاذي وجهة نظري الشخصيه .. لن الرسول عليه الصلاة و السلام ما يقول حديث أو شي مني و الطريج لازم يكون في حادثه معينه أو موقف يخليه يقول هالحديث … أتمنى ما أكون غلطت في شرحي لفهمي لحديث سيد الأنبياء و المرسلين .. و بالنسبه لدكتوراتنا الفاضلات .. أذكرهم بشغله إن المنطقه اللي أكثر شي نشيلها إهي العانه .. و العانه عند النساء عباره عن قطعه من الشحم و تحتها عضله و الرحم يكون تحت عظمة الحوض .. ف بالله عليكم إِلون ينزل الرحم ؟! و حتى من تحت ( سامحوني على دقة الشرح بس لا حياء بالدين ) طبيعة التركيب الخاص للمرأه ما يعطي مجال للمس الرحم .. حتى عنق الرحم ما تلمسينه بس فتحة المهبل ف أقنعوني إشلون ينزل الرحم!؟!؟!؟! الله يهداهم بعض الداعيات يتكلمون في أمور إهم حافضينها من اوراق ما ندري من وين جايبينها .. يا بنات الحلال في امور أهم من إزالة الشعر و كيفيته و من سوالف الدوره و الطهاره و ما إلا ذلك .. نبي عن زرع القيم في صدور عيالنا .. نبي الطرق اللي نقدر نواجه فيها مغريات هالعصر من فنانات و سوالف لها أول مالها تالي .. نبي الطريقه اللي نربي فيها بناتنا على إنهم يكونون امهات و راعيات بيت يعتمد عليهم .. نبي السنع نبي المنع نبي الأمور اللي تخلي المرأه المسلمه جميله فكريا في عين زوجهاو اهلها و الناس .. نبي المواضيع اللي تعلمنا اشلون نضبط أعصابنا في المواقف اللي تتطلب القوه .. نبي نعرف إشلون نحسن الظن و لا نحش بالناس و لا نفكر اي فكره سيئه عن الناس سواء المسلم او المسيحي … في امور واجد للاسف .. الداعيات ما يتطرقون لها ابدا … شوفو شبابنا بالسوق و الله ما عدنا نفرق بين البنت و الولد شوفو العدسات و المكياج و النعومه و المياعه و الصياعه … شوف الكشه اللي حاطينها لا و صارو يركبون بوستيج و توصيل للي ما يمديه يطول شعره و الصبغات و آخر موضه بالتعليقات .. شوفو بناتنا و آنا و الله تعبت من الكتابه قسما بالله شي يعور القلب .. تحياتي ام الغزال .

حبيتي
اهي لاحياء في العلم مو لاحياء في الدين

أنا أول مره أسمع بأنهاالسبب بتنزل الرحم …لاحول ولاقوة الأبالله

انا مع الاخت ام الغزال واايد كلامها 100%

انا بعد اضم صوتي لام الغزال
وكلامها بصراحه مقنع
والشيره انظف شي كل شي جربناه بس ماافي انظف من الشيره

صح ما فيه وقت الرسول صلي الله عليه وسلم شيره
بس انتي ماتدرين انه كلام الرسول للحين قاعد يصير وقاعد يطبق
والرسول عليه الصلاة والسلام قال حلق العانه وقال نتف الابط
يعني النتف للشيره والحلق موس او مقص

والله ام غزال كلامها ما شاء الله وايد مقنع يعطيج العافية

انا سمعن نفس الحديث بس اعتقد ( و الله اعلم) انه للرجل اما النساء لهم طرقهم الخاصه ..
و بالنسبه للدكاترة اللي قالوا انه يسبب انزال الرحم ليش ما بسوون اعلانات بالتلفزيوون و حملات توعويه لو كانوا فعلا متأكدين .. و راح ياخذوون اجر اكبر لأنهم راح يكونوا افادوا الناس كلهم

و الله اعلم

الشيره زينه بس انا استخدم الشمع واهو نفس الشيره وينظف مكان ويشيل جلد ميت ومايصير سواد يهبل وجربوه