السلام عليكم ابلات حدى منقهره واصله معى 
الناظره مو راضيه تعطينى اجازه امومه تقول نقص والقسم فيه ست مدرسات ونصاب اكثر وحده فيهم عشر حصص بالاسبوع وتقول انتى مو اول ولااخر مدرسه تداوم بعد الوضع طيب شكو انا اذا فيه مدرسات ماياخذون امومه واللى يبط الجبد قعدنا شهرين اول السنه اربع مدرسات وماعليناضغط وهالحين سته حسبى الله عليها وين ماراحت يعنى احنابس مهنتنا تدريس وبس موامهات عيالنا مالهم حق يعنى اقط بنتى وعمرها شهرين حق الخدامه الله لايوفقها ناظره ظالمه وماعندها عدل مدرسه عندنا توها راده من الامومه معن قسمها 4مدرسات بس وصار عليهم ضعط الممفروض اجازه الامومه ماتكون بايد الناظره ابلات اقدر اخذ اجازه خاصه والا هم بوافقتها
على قولتج كل شى بييد الناظرة
بقولج عن موقف شذيه صارلى كنت ابى امومة بسحسيت الناظرة مترددة
قلت لها شوفى وافقتى جزاج الله الف خير ما وافقتى انا غايبه غايبة اشتغل على المرضيات
بس الله هداها ووافقت وديرى بالج لاتاخذين خاصة يخصم من معاش العطلة اخذى مرضيات
ليمن تنفرج
يعنى قصدج اخذ مرضيات لحد ماترضى ووووووووى ماتعرفين البلوه اللى عندنا لو اقولها نفس ماقلتى لناظرتج تنجن وتقلب على المدرسه اصلا لواقول اسم المدرسه بتعرفونها معروفه بمنطقتنا انه شديده وراعيه شغل وكرف بس متى تخلص هالسنه وافتك من هالمدرسه ليته على جذى وبس قسمى يلوع الجبد كله وافدات ونفاق ومجاملات وجذب الله يعينى بس ابى اعرف الخاصه لازم موافقه منها والا لا خليه يخصمون من معاش العطله اهم شى الراحه النفسيه
شوفيلج وااااسطه او خلى زوجج يكلمها يمكن تستحى على دمها وتوافق
جوان يعنى اقدر اخذ الاجازه بواسطه من دون موافقتها اذا على الواسطه اقدر عليها يعنى اروح المنطقه التعليميه والا الوزاره تكفين ردى على عشان اروح هالحين وهاذى ماتستحيى اللى مكلمها زوجى وتخانق معها ماقول الا حسبى الله عليها وين ماراحت انتم ماتدرون شنو مسويه فينا يالمدرسات
لازم موافقة المديرة على الامومه
واذا عندج واسطه بالوزاره او المنطقه يكلمونها وتوافق
وحتى الاجازه الخاصه موافقة المديره ضروريه
حبيبتي اذا عندج واسطة تقدرين تاخذينها من المنطقة
واذا على الناظرات كلهم ظااااااااااااااااااااااااااااااااااااااالماااااااا اااااااااااااااات
آنا عشرة سنين مع ناظرتي وتخيلوا محد يشتغل في القسم الا أنا ! دروس على مستوى ومسابقات ومراكز !
وآخر شي يوم طلبت منها اتوقع على أمومتي مع انها أول مرة أقدم وهذا طفلي الخامس ! رفضتها !
والسنة اللي وراها وافقت على أمومات مدرسات جدد غيابات ولا يسوون للمدرسة شي !!!!!!!!!!!!!!
أمانة شنو تقولون عن هالأشكال !
روحي حق المراقب وكلميه وراح يشوف اذا ما عندكم نقص وانتي ما راح تأثرين على قسمج بيعطيج امومه بدونها انا سويتها قبل وانقهرت لان اهو دق عليها قالها ترا فلانه فلا عندي وانتي ما عندج نقص بالقسم تراني وافقت على الامومه
الله يعينك وترضي
اخذي موافقة قسمج .. إذا راضياات يشيلوون نصاابج مالهاا حجه عالإجاازة ..
ابلات مشكورين وماقصرتوا على الردود بس هاذى لواجيبلها وزيره التربيه بكبرها ماراح ترضى وحده من المدرسات معاى دقت على وقالتلى لاتعبين نفسج داومى والا اخذيها طبيات ماتعطى لوالقسم عشر مدرسات ماتبى تعطى المدرسات مجال ياخذون الاجازه اللى اهى من حقهم انا من تعينت بالمدرسه ماشوف احد اخذ امومه الا مدرسه قديمه وخبره وتعرفها
غلا الروح قسمى من ولدت واهم يحسبون اجازتى عشان يعرفون مباشرتى متى عشان تصحيح الفتره الثالثه وبنفاسى ازعجونى يدقون على جيبى سيدى اطبعى وطرشى السايق بالشغله الفلانيه ويييييييييييييع ماتهنيت بالاجازه صرت اقفل تليفونى من الساعه 7 الى نهايه الدوام واطنشهم وزعلوا بطقاق اهم الود ودهم ادوام وانا نفاس
ماراح ادوام وراح اخذ طبيات وبالطقاق المدرسه والقسم بشوف انا والا هالمدرسه التعبانه وراح اروح للمراقب واشوفلى حل
ي *
واااااااااي
يا كرهي للتدريس
الله يعينج
.gif "Eh S(2)")
الله يعينج …
دام عندج واسطه كل شي ينحل …
انا يوم شافتني كله اغيب عطتني اجازه خاصه سنه من غير راتب
صججج صعبه بس شسوي بعد بنتي اولى …
بس بالنسبه للقسم انا كل وافدات ما عدا رئيسة القسم بس اموووت عليهم ولي الحين اتواصل معاهام 
على حسب الشخص ماله شغل الجنسيه
والله يكتبلج الي فيه الخير
الله يعينكم بنات
اول مره ادري ان الاجازة تطلع من عين الوحدة
انا بالميداني كنت ملاحظة الاستئذان يذلونا عليه
الله يعين خوفتوني مع ان توني ما تعينت و مو متزوجة بس ما احب احد يتحكم فيني
الله يعينا يا رب