|
|
السلام عليكم
بنات ضايق خلقي وحدي تعبانه من امس احس بعوار بحوضي يعني صوب المبايض والرحم حتي للمثانه
اول شي كان علبالي من ضغط البيبي بس انا قبل اسبوع حاشني حرقان بالبول وانتوا بكرامه
وقبل شوي دقيت على الدكتوره لمن شرحت لها حالتي قالت اكيد فيج التهاب مثانه وعلى فكره انا كنت شاكه بهالشي بس اهملت نفسي الاسبوع الي طاف ولا سويت تحليل بول
الحين الله لايوريكم مو قادره اتحرك احس بثقل مو طبيعي صوب الحووض وظهري يعورني بعد
والقهر ان ريلي مداوم الحين وما يطلع الا الصبح وماقدر اروح المستشفى الحين .gif "Eh S(11)")
والله مادري كتبت الموضوع وانا بروحي بالشقه حدي متضايقه قلت ماكو الا اكتب موضوعي لخواتي الكويتيات يطمنوني ويدعولي لان صج ما فيني صبر للصبح
اي صج انا حامل بشهري السابع ومن الي اقراه عن التهاب البول وشلون يأثر عالبيبي حدي خايفه
عادي ياكثر ماصارفيني التهاب بالبول وانا حامل
انتي الحين حاولي تشربين ماي كثر ماتقدرين لي الصبح ان شاالله
والدكتوره بتعطيج مضاد بس هم لاتنسين الماي حتى لما تطيبين ان شاالله
وعصير التوت وايد زين
بصراحه لمن اقرى عن اعراضه وشنو ممكن يسبب اخترع
انا وايد صار فيني التهاب بول سواء قبل حملي او حتي بحملي بس اول مره جذي يصير فيني عوار بالحوووض ما يخليني اقدر امشي
الحين الين يطلع زوجج من الدوام
والله محد تعب كثري من التهاب البول ما كنت اعرف شي ولا أحلل ولااشرب ماي وايد
النتيجه ولادات مبكره وهالحمال من اول شهر كان فيني حراره واستمرت٣اسابيع تخيلي بس ما تتعدى٣٨ من التهاب بالبول
وانا ماعرف شدراني ودكتورتي أقولها تقول عادي
آخرتها حاشني نزيف بعيد الشر عنكم والله ستر
الحين كل شهر اسوي تحليل والماي ٢٤ ساعه
وسبحان الله كل ما انوي اروح طبيب او اروح لدكتوره ما يكونون زينيين او انهم ما يعرفون حالتي
والله استغرب من هالشي وساعات اقول يالله كل شي خيره من ربنا
وعسالله يحفظ لنا ظنانا وتقر عيونا فيه
انا مثلك بالشهر الرابع وعندي التهاب فالبول مرتفع نسبته 40 من 45 والدكتوره تقول مرتفع ولازم اشرب ماي واجد واكل مضادات حاليا لمدة 8 ايام ولازال الالم ذابحني اسفل البطن ولما اروح الباثروم وانتي بكرامه
الله يعين
والدكتور وصفلي تحاميل للحامل مطاطيه التحميله هذي احسن نوع ومو زين الحبوب
ولا غسول داخلي طبعا
التحميله احسن شي بس تنظف