حبيت اعرض مشكلتي لاني واثقه ان في هالقسم نساء حكيمات

السلام عليكم

شخباركم بناات

شمسوييين ؟؟

بناات .. من خلال مشاركاتي السابقه في المنتدى
ومتابعاتي بالصمت حاليا للمنتدى وبالاخص هالقسم

اعرف ان توجد شريحه في القسم فكرها حكيم ماشااء الله وتعرف اتحل الامور
بمنطق رااائع

حبيت اعرض لكم مشكلتي واتمنى تلقون لها حــل

مشكلتي ريلي

………………….!

ريلي عصبي يابنات .. بس مو ع طول لااا
يعني يوم يعصب يسفل فيني ويعفس الدنيا فوق تححت ويقاطعني ولايبيني ادافع عن نفسي

وان سكتت قال تكلمي وان اتكلمت قااال شلون تكلميني جدي وعصب وسوي مقاطعه
ليين يطيح الا برااسه وادا فكر يكلمني يه كلمني !!

او اني اروح له واساحله …………..!!!!

/
/
مثل ماتعرفون هو يشتعل بدوله خليجيه ثانيه

ويكون التواصل بينه مسجات وتلفون ونت

/

بنات هالمره هو كان يناقشني بموضوع جامعتي
وانه والله والله توه جايتني الدورة ومتنرفزه حيل حيل ومالي خلق
وانتون بنات وتفهمون يعني شنو الوحده ادا جته الدوره صح ؟؟

وهو الله وكيلكم دق علي وقعد يكلمني وبعدين فتح موضوع الجامعه
واني لازم ماهمل هالكورس ويظل الله وكيلكم يتكلم يتكلم يتكلم بنبره حاده وينصح ويعااتب ولي متى ولي متىىى

انه سكت وايد وكنت مستمعه جيده
بعدييييييييييييييين تحجيت وليتني ماتحجيييييييت

وانه مااقدرت استحممممممممممممممممممممممل تضااايقت حيل
جان انه ابي افهمه وهو يرادد ومايعطيني فرصه اتكلم

جان انفجر واقوله الحق امك مرتين كررتها بعصبيه شووي بس مارفعت صووتي

جان يقول لي فجاه .. انا اصير ولد …….. ادا كلمتج مره ثانيه

وطوووووووووط طووووووووووووووط طوووووووووووووووووووط

وانصدمت حيل منه معنها مو اول مره .. مهلت فتره قلت خله يهدي وانه اهدي لان اعصابي تعبانه . ومثل الشيء اتصل ويقطع الخط او مايرد

هالكلام من يوم الثلاثاء ولي الحييين مانكلم بعض او بالاحرى مايكلمني ظ…

يوم الاربعه الساعه سبع وشوي شفت مس كول ف تلفوني وفتحته جان يطلع هو داق
اتصلت فيييه مارد ( ما كنت ف الغرفه يوم يتصل من جدي مارديت ) ..
الصراحه شكيت انه بالغلط متصل لي لانه مارد عللي يوم اتصل له والله شنو تفسرونها بناات

قلت خلاص خله يولي .. دشينا النت وكل واحد من صووب مايكلمني وبصراحه
تعيززت اني اكلمه ولارحت بادرت ..

اليوم تميت اتصل طول الوقت مايرد .. بعدين المغرب اتصلت طلع ويتنق
خلص وسوا للي مس كوول وع طول اتصلت وبعد ويتنق ورديت قطعته مانطرته يرد

انقهرررررررت حيل حيل انفجرت منه

تاخرت شووي وتميت اتصل وبعد مثل الشيء مااايرد يطنشش
او انه يقطع الخط بوجهيي

تعبت نفسياااااااااا ماقدر اصبر ع هالوضع بنات

البارحه دشيت النت وهو حاط بيرسونال مسج انه انه مو مفتكر فيج ولاتهميني وماله داعي اني اتعب نفسي واتناقش معاااه ( كان شعر بس بهالمعنى )

:eh_s (2):

بنااات شنو معناه هالكلام .. مشكلتي احبه وماقدر استغني عنه

تكفون ع الاقل ردوا عليي وناقشوني لاني وحيده وبنفجر من القهررر

اطالع الله ثم اطاالع حلولكم

وماتوفيقي الا بالله وشكرا لحسن الاستمااع

سوووري بنات نسيت اذكر شغلتين ..

اول ماتهاوشونا وقطع الخط بوجهي ..

طرشت له مسج قلت له اني كل مره اقولك ان يوم الا علي الدورة لازم تراعي مشاعري
وانه مو كل وقت بقدر اتحمل انك تضغط عللي بالكلام .. وانت كل مره تحاول تتغير وترد مثل الاول
وتقلب سوالفنا هوااش ووجدي ..

بعدين طرشت له مسج اني بروح الصالون .. هم مارد

اليوم اول ماقعدت من النوم طرشت له مسجيين زوجييين ههههههههه

واذكره باشيااااء حلوة وبعد مطنشششششششششش

عل جبديي شنوالحل وياهالرجاااااااااااال يااارب

دام انه ما يحب احد يقاطعه
بكل بساطه لا تقاطعينه
نطريه ليمن يخلص كلامه تالي وضحيله وجهت نظرج
بالتوفيق

طنشي
انا من الصبح مايكلمني
لا واذا سأل عن شي مارد عليه
مو ماتبي تكلمني؟شكو تسأل لووووووووووووول
عطي طاف شوي وشوفي شلون يبادر

مافهمت شنو يعني الحق امك ..؟؟ اول مره اسمع هالكلمه ^_^

اهلييين اختييي

اني مو من طبعي اقاطعه بسس والله سااعات الانسان اادا حصل ضغوطات من كل صوب ينفجر

خصوصا انه عصبي انه وااااايد اراعي اني مانرفزه ولا اقاطعه بس الموقف الا صاار يعني مايستدعي انه يقاطعني هالجم يووم ويقهرني بهالحركاات

الله يسترر ..

مشكورة على الرد والنصيحه اختي الله يجزيش كل خير

هلا اششتياااق ترى اتابع مواضيعج اول باااول لان اسلوبج حيل عسسل

وانتي شوقتيني اكتب موضوعي هدا من موضوعج مال حجايج الرجال هع

خل خل اشراكككم المعاااناااااااااااااه

اشتييااق اخاف اطنششش واطنششش ويزيد البرود بيناااا بعدين
يصير شيء لا يحمد عقبااه لاسمح الله

ويه مختفيه انتي من عقب عضوه بورطه غطيتي ماقمنا
نشوفج

ووو الله يهدي النفوس انشالله

و كلام مي صح لا تحطين الدوره عذر عشان تنفسين عليه حرام كافي انتو كل واحد بديره خلوا تواصلكم بالنت و التلفون لاتقطعون خير شر تفتر علاقتكم

يعني روح ويا امك او اتبع امك

حبيبتي اول شي حاولي حلي مشكله انو زوجك بسكر الخط بوجهك ، وما برد عليكي لما

تتصلي ، هاي اكبر مصيبه لا سمح الله يمكن يصير شي عندك وبدك ياه ضروري وما يرد

عليكي هاي اكبر مصيبه ، حاولي حلي هالمشكله وحاولي كلميه بهالموضوع احسنلك ،

وحسب مافهمت كلامك انه زوجك مو عايش معك بنفس البلد يعني مضغوط راعيه مو

مشكله حبيبتي ، الزوج والزوجه لبعض وقت ما يكون في ضغط ، بس حاولي عالجي

موضوع تسكيرت الخط وازا زوجك عادها الحل انك تقاطعيه وما تكلميه ، عالجي الموضوع

هاد بالصمت والمقاطعه ،،

ترا هالشي مو منيح الك بالمستقبل ، لا سمح الله ازا كنتي بدك ياه ضروري وما برد عليكي والله مصيبه

الله يهدي البال ويصلح الحال

يا ماما النقطه اللي بصالحك انه هو بديره وانتي بديره

يعني العلاقة بالمراسله والموبايل

فدوسي على نفسك شوي وجاملي وطوفي له زلاته دام انه مقدور عليها

هو من النوع اللي يحب يتدلل

ولكن من الخطأ تكررين الاتصال والمسجات

كأنك بتموتين عليه

احب الثقل بين الزوجين وقت العتب والزعل

لانه اي طرف يضعف بهالطريقة نقولها بالكويتيي (يموك) الطرف الثاني )أي يتكبر ويشوف نفسه

فوفو

غلط
الرجل لا يقاطع لو ساعة
سبحان الله
لو تدرك كل وحده فينا منزلة الزوج لسعت لرضاه بكل دقيقة

اهلييييييييين اختي مممممييي يافديتج والله كنت من اشد المعجبين بمواضيعج اختي

شووفي انييي اؤمن بان الكلمه ساعات يصير لها تاثير اشد من الرصاصه ههههه
بسسس شنسوي حنا النساء طاقه مثل ماالرجال طااااقه ..

انه صح عقدته من هالفتره لانيي حيل اصير متنرزفه ومعصبيه معظم الاوقااات
انقلب اصير شريره بسس ويااه والله اتحكم باعصابي بسس ادا صارخ وعصب عللي بطريقته الا تنرفزنييي سااعات انفجر وادا انفجرت شوفي عاد شنو اقوووول وادا هديت اندم واقعد ابجيي

وابو الشباب عاااد طناااقر مايعطل منوووووب

مشكورة ياالغاليه ع الرد والنصيحه يعلها بميزان حسناتج ياارب

يسلمو اتراااب حياتي :** ادري انا فهمت الكلمه بس مافهمت مغزاها .. يعني مثل روح اذلف او اقلب ويهك او انك سكان امك ؟؟

المهم ..

حبيبتي الحين انتي لاتدقين عليه ..
واي وقت تتهاوشون وتتزاعلون لا تشكلين عليه دقي مره وحده واذا مارد مايشوف شر لاتحسسينه انج مستذبحه عشانه ..
مثل ما اهو حارق قلبج انتي خليه يحس شويه ترى كل مادقيتي عليه اتشجعينه هالحقران بس لو يشوفج مطنشه بيصير عنده فضول بيقول وينهي ليش مادقت ليش كشتت فيني ..؟؟ انا ماقول كل مره طنشي بس مره جذي ومره جذاك .. اهم شي لا تشكلين عليه اسعي بالصلح بس اذا شفتيه متصدد خلاص انتي طنشي ..

ثاني شغله ريلج على ماعودتيه ..
الحين اذا اتصالحتو ان شاء الله .. لازم تتفاهمين معاه .. قوليله فلان وقت الهواش انا ماعرف اشلون اتصرف معاك اذا اتحجيت قلت تراددين واذا سكت قلت تحقرين انت اشلون تبيني اتصرف ..؟؟
خلج واضحه بهالنقطه لان انا ريلي مثل ريلج كان وسألته بهدوء هالسؤال قالي لا سكتي حتى لو اقولج ردي لاتردين ..
لان الكلام يستفزه زياده .. ويشعللها زياده ..

ثالث شغله .. لازم تتفاهمين معاه بشغلة رقعة التلفون او انه يصكره بويهج ..!!
ترى هالحركه عيب مافيها احترام قوليله لو مهما يكون انطرني اخلص كلامي او قولي اكلمج بعدين
بس لاتسده بويهي .. ترضى انا اسده بويهك وما احترمك ..؟؟

رابع شغله مافي مره ماتحب ريلها .. بس لاتخلين ريلج فوق الكل ..
حبي نفسج وعزي نفسج وكرامتج وخليها فوق كل اعتبار حتى لو تدوسين على قلبج بس لاتحسسينه انج ميته عليه ..!!
ترى بيشوف نفسه عليج زياده وبيكبر راسه ..
لازم تتحكمين بمشاعرج انتي باين عليج تتصرفين بعاطفتج قبل عقلج واكبر دليل انج مشكله عليه واهو مطنش ..
لا حبوبه انتي اتحبينه خلي هالشي بقلبج ماقول لاتبينيله حبج لا بالعكس قوليله احبك ودلعيه وقوليله كلام حلو بس بحد المعقول
عشان لا يحط فباله انج ماتقدرين تعيشين بدونه ويمسكها عليج .. ويكون ظامنج وظامن انه لو شنو يسوي فيج بتسكتين لانج ميته عليه وماتعيشين بدونه ..

وسلامتج