حبوب منع الحمل و الاستحاضة !!! بس مليـــــت :(

حبيباتي كويتيات

لاعت جبدي من هالدم الللي ينزل ما يمر اسبوع اطهر الا ويرد بس مليت زهقت حتى زوجي تعب المسكين ولاعت جبده من هالسالفة

مشكلتي مع هالمانع

قبل لا اخلص نفاسي رحت لدكتورتي استشيرها متى اكل حبوب المانع قالت لي مع اول يوم دورة قلت انا اخاف اطلع من ال40 والدورة ماتشرف قالت اذا خايفة تحملين اكليهم من اليوم ال35 !! وقالت ممكن تصير معاج لخبطة قلت عادي اختي قبل سوت نفسي صار معاها لخبطة 3 شهور بعدين كل شي تمام التمام

فقلت بسوي نفسها ’’’ شريت اول شي حبوب مارفيلون مع ان دكتورتي كتبت لي جنيرا بس من كثر ماسمعت عن مضارها قلت ابي مارفيلون نفس اختي

كليتها شهرين بعدين غيرت خذيت بيلارا وكليتها 3 شهور

اول شهرين من بيلارا كان ينزل معاي دم خفيف استحاضة و الدورة كانت 12 يوم و بالشهر ال3 مانزلت الاستحاضة وخلصت العلبة وبعدها بيومين نزلت الدورة 7 ايام وكنت مستانسة قلت كل شي تعدل

بس بعد ماطهرت من اخر دورة 9 ايام بالضبط ونزل علي دم للعلم الشريط مستمرة فيه ما خلص شكيت استحاضة ولا دورة المهم طلع دورة و استمرت 7 ايام وطهرت

خلص الشريط قبل امس و امس نزل علي دم خفيف استحاضة اوووووووف وانا توني طاهرة

بنات والله لاعت جبدي افكر اترك الحبوب ماني قادرة اسوي رجيم نفس الناس والسبة هاللخبطة
زوجي يقول اتركيهم وانا اخاف احمل بنتي توها صغيرونة 6 شهور

بنات بليز احد يقدر يفيدني بشي او يساعدني

اذا بتقولون روحي للدكتورة رحت لها وتقولي ركبي لولب خبلة هالدكتورة وباااااااااااااردة اطلع من عمعمة الحبوب بدخلني بعمعمة اللولب ناقصة انا

ملاحظة باخر شهر بعد ماحسيت انها انتظمت سويت رجيم وقطعت النشويات و الكربوهيدرات وكنت اكل حبوب سوبر فات كنترول عشان تسرع حرق الدهون عندي تتوقعون له علاقة بالسالفة بس انا اقول لا شكو الرجيم باللخبطة