|
|
السلام عليكم
بنات انا حااامل ومااالي خلق.. بكل شي لا الاهتمام بالشقه والمطبخ.. حتى زوجي حسيت من كثر مالي خلق اني مقصره بحقه
اللي عاشت الوضع.. تقول لي شالدبره.. انا احاااااول واغصب نفسي على اي شي .. بس مالي خلق.. وكل منسدحه ظهري ذابحني
سااااعدوني
والله يهون عليج
وتنظيف الشقه مع اني ثقيله حدي
بس ماعرف اقعد
وماسكني عوار ظهري
ريحي نفسج بس مولدرجة الخمول لان كل ماصابج هالشي وقعدتي بالبيت ماراح تطلعين حتى تكرمين الحمام
مالج خلق ادشينه بس لا صارت لج حركه ونشاط لاتقعدين وصدقيني بتتعودين
بس الحين الحمدالله راحت
انشالله تخف بس تدشين نص الرابع تقريباً
قولي الحمدالله انتي بين اهلج تقدرين اتييبين احد يساعدج بالشقه
بس قومي تحركي القعده تسوي كآبه و تزيد التعب
اللـــه يـــثــبــت حــمــــلــــج ويــتــــمــم عـــلـــيــــج
شكلي كان خايس مادري شلون ريلي كان يجابلني وكله ابجي و اعصابي كانت على ريلي واااااي الوضع كان حدها مؤؤؤؤؤسف
و الحمدالله عقب ولادتي رديت طبيعية و احب البس و احط ميك اب و نفسيتي حلوة =)
و الله يقومج بالسلامة و تردين نفس قبل و احسن
حسبالي اخر الاشهر وي ما ياج الثقل و كثرة النوم
نفس الحالة بالضبط،،
اول ماحملت وانا كله ابيت اهلي وطايحة
تالي مليت وطقت جبدي!!!
الوقت صار بطيء والاسبوع جنه شهر!!
احسن حل لهاالحالة انج تقومين وتتحركين وتردين لحياتج الطبيعيه
حاولي حاولي
والله اني ذاك اليوم كنت بشقتي لان امي طردتني من بيت اهلي اصلا >>>ههههه كنت حدي مصختها
اي وقالت ماتردين لنا الا وانتي نافضة شقتج من فوق ليييي تحت
ورحت سويت بس عشان ارد لاهلي
عقب ماخلصت ،،، والله ماودي اطلع من شقتي
طبعا اذا تعبتي لاتجهدين نفسج ريحي
يعني انا اشتغلت ومعاي الخدامة مو بروحي
انشالله تعدين هالجم شهر ويردلج نشاطج بس هم لا تتعبين نفسج وايد يبي خدامة امج تساعدج وتفرغي حق روحج
انا جذي كنت والحين دشيت التاسع زدددت من التعب ماالي خلق شيء مالي خلق نفسي وماكو هدوم قدي كله هدومي ترقيع وتهتمل
فيني حساسيه كلساع احط كريمات وفي كريمات ريحتهم بايخه. جنه فكس
وافز بالليل ابجي وكله منفسه
واحس مالي خلق ريلي كللش كله انام بعيده عنه لان حاطه كريماتي يمي
و مالي خلق يحوشني من الحساسيه وكل ما تحركت اه واه من العوار والثقل
صج احس مقصره بحق ريلي بس الوحده مووو بيدها بهالفتره لازم الريال يتفهم الوضع والحاله النفسيه
انشالله نعوضهم ورا الولاده والله يعيننا ويسهل علينا الحمال ، كله غفرانن ذنوب انشالله
فره واتعدي .. كلنا بالهوى سواا
الحمدلله على كل حال